முத்தமிழறிஞர் கலைஞர் அவர்களின் பிறந்த நாளையொட்டி சேலம் மத்திய மாவட்ட தி .மு.க. சார்பில் பல்வேறு நலத்திட்ட உதவிகள் வழங்கப்பட்டு வருகின்றன. அதன் தொடர்ச்சியாக சேலம் மாநகர தி.மு.க. இளைஞரணி சார்பில் ஜான்சன் பேட்டையில் தூய்மைப் பணியாளர்களுக்கு நலத்திட்ட உதவிகள் வழங்கப்பட்டன. இந்த நிகழ்ச்சிக்கு மாநகர இளைஞரணி அமைப்பாளர் கேபிள் சரவணன் முன்னிலை வகித்தார். இதில் சிறப்பு அழைப்பாளராக மத்திய மாவட்ட தி.மு.க. செயலாளரும், முன்னாள் சுற்றுலாத்துறை அமைச்சருமான ஆர் ராஜேந்திரன் தலைமை தாங்கி தூய்மைப் பணியாளர்கள் 200 பேருக்கு பேண்ட் , சட்டை மற்றும் சேலைகளை வழங்கினார்.