ஈரோடு, ஜூன் 30–
டெல்லியில் தமிழக அரசின் சிறப்புப் பிரதிநிதியாக திரைப்படத் தயாரிப்பாளர் கே.வெங்கட் நாராயணன் நியமிக்கப்பட்டிருப்பது மக்கள் நலனைவிட தனிப்பட்ட விசுவாசத்திற்கு முன்னுரிமை அளிப்பதை வெளிப்படுத்துவதாக ஈரோடு நாடாளுமன்ற உறுப்பினர் கே.இ.பிரகாஷ் தெரிவித்துள்ளார்.
இதுகுறித்து அவர் வெளியிட்டுள்ள அறிக்கையில், “டெல்லியில் தமிழக அரசின் சிறப்புப் பிரதிநிதி என்பது மாநிலத்தின் உரிமைகளை மத்திய அரசிடம் வலியுறுத்தி, முக்கிய திட்டங்களுக்கு அனுமதி பெற்றுத் தரும் உயரிய பொறுப்பாகும். அமைச்சரவை அந்தஸ்துக்கு இணையான இப்பதவிக்கு அரசியல் மற்றும் நிர்வாக அனுபவம் கொண்டவர்களே நியமிக்கப்பட வேண்டும்” என்று குறிப்பிட்டுள்ளார்.
“ஏற்கனவே முதலமைச்ச ருக்கு நெருக்கமானவர் எனக் கூறப்பட்ட ஒருவருக்கு அரசுப் பொறுப்பு வழங்கப்பட்டதைத் தொடர்ந்து எழுந்த கடும் எதிர்ப்பால் அந்த நியமனம் திரும்பப் பெறப்பட்டது.
பின்னர் திரைப்படத் துறையைச் சேர்ந்த மற்றொருவர் அரசியல் ஆலோசகராக நியமிக்கப்பட்டது குறித்த தகவலும் தாமதமாகவே பொதுமக்களின் கவனத்திற்கு வந்தது. தற்போது நடிகர் விஜய் நடித்த திரைப்படத்தைத் தயாரித்த தயாரிப்பாளருக்குமாநிலத்தின் மிக முக்கியமான பிரதி
நிதித்துவப் பொறுப்பு வழங்கப்பட்டிருப்பது, அரசின் நியமனங்களில் தகுதி மற்றும் அனுபவத்தை விட தனிப்பட்ட நெருக்கமே முக்கியப் பங்கு வகிக்கிறதா? என்ற கேள்வியை எழுப்புகிறது”
தமிழக நலனுக்குப்
பாதிப்பை ஏற்படுத்தும்!
மேகதாது அணை விவகாரம் உள்ளிட்ட முக்கிய பிரச்சினைகள் நிலுவையில் உள்ள நிலையில், கர்நாடகாவுடன் நெருங்கிய தொடர்புடைய ஒருவரை தமிழகத்தின் பிரதிநிதியாக நியமித்திருப்பது மாநில நலன்களுக்கு பாதிப்பை ஏற்படுத்தக் கூடும். மேலும், டெல்லியின் நிர்வாக அமைப்புகளுடன் ஒருங்கிணைந்து மாநிலத்தின் கோரிக்கைகளை வலியுறுத்த அரசியல் மற்றும் நிர்வாக அனுபவம் அவசியம் என்றும், தற்போதைய நியமனம் அந்த அடிப்படைத் தேவைகளை பூர்த்தி செய்கிறதா என்பது சந்தேகத்திற்குரியதாகியுள்ளது.
ஜி.எஸ்.டி. நிலுவைத் தொகை, பேரிடர் நிவாரண நிதி, நதிநீர் உரிமைகள் உள்ளிட்ட பல்வேறு முக்கிய பிரச்சினைகளில் தமிழகம்மத்திய அரசுடன் தொடர்ந்துபேச்சுவார்த்தை நடத்த வேண்டிய சூழலில் உள்ளது. மாநில நலனுடன் தொடர்புடைய முக்கியப் பதவிகள் அனைத்தும் வெளிப்படைத்தன்மை, அனுபவம் மற்றும் நிர்வாகத் திறன் ஆகியவற்றின் அடிப்படையில் நிரப்பப்பட வேண்டும்.
தமிழக அரசு இந்த நியமனத்தை உடனடியாக மறுபரிசீலனை செய்து, மாநில நலனை முன்னிறுத்தும் தகுதியும் அனுபவமும் கொண்டஒருவரை டெல்லி சிறப்புப் பிரதிநிதியாக நியமிக்க வேண்டும் என கே.இ.பிரகாஷ் தனதுஅறிக்கையில் தெரிவித்துள்ளார்.