சென்னை, ஜூன் 30 –
போதைப் பொருள் பயன்படுத்திய
த.வெ.க. அமைச்சரை பதவி நீக்கம் செய்யக்கோரி தமிழ்நாடு முழுவதும் நடைபெற்ற ஆர்ப்பாட்டத்தில்பல்லாயிரக்கணக்கான கழகத் தோழர்களும் மாணவர் அணியினரும் கைது செய்யப்பட்டனர்.
பொது இடத்தில் போதைப் பொருள் பயன்படுத்திய அமைச்சர் சரத்குமாரை பதவி நீக்கம் செய்யக் கோரி நடைபெற விருந்த போராட்டத்திற்கு அனுமதி மறுத்த காவல்துறையினர், தி.மு.க. மாணவ ரணியினரை வலுக்கட்டாயமாக தடுத்துநிறுத்தி கைது செய்ததால் பதற்றம்
ஏற்பட்டது.
சென்னை சேப்பாக்கம் மைதானத்தில் நடைபெற்ற ஐ.பி.எல். போட்டியின் போது, மனிதவள மேலாண்மைத்துறை அமைச்சர் சரத்குமார் போதைப்பொருளை பயன்படுத்துவது போன்ற சர்ச்சைக்குரிய வீடியோ சமூக வலைதளங்களில் வைரலானது. இந்தச் செயலுக்கு கடும் கண்டனம் தெரிவித்துள்ள தி.மு.க. மாணவரணி, அமைச்சர் சரத்குமாரை உடனடியாகப் பதவி நீக்கம் செய்ய வலியுறுத்தி, நேற்று மாநிலம் தழுவிய அளவில் ஆர்ப்பாட்டங்களை அறிவித்தது.
இந்நிலையில், சென்னை எழும்பூர் ராஜரத்தினம் மைதானம் அருகே போராட்டத்தில் பங்கேற்பதற்காக முன்னாள் அமைச்சர் மா.சுப்பிரமணியன் தலைமையில் தி.மு.க. மாணவரணி யினர் திரண்டனர். அப்போது, எழும்பூரில் பேரணியாக வந்து ஆர்ப்பாட்டத்தில் ஈடுபட்ட தி.மு.க.வினரை காவல்துறையினர் வலுக்கட்டாயமாக தடுத்து நிறுத்தி கைது செய்ததால் பதற்றம் ஏற்பட்டது.
-----போதைப்பொருள் பயன்படுத்திய அமைச்சர் சரத்குமாரை பதவி நீக்கம் செய்ய வலியுறுத்தி சென்னை புரசைவாக்கத்தில் முன்னாள் அமைச்சர் சேகர்பாபு தலைமையில் தி.மு.க.வினர் சாலைமறியல் போராட்டத்தில் ஈடுபட்டனர். மேயர் பிரியா, மாணவரணி செயலாளர் வீரமணி, தமிழன் பிரசன்னா உள்ளிட்டோரும் சாலையில் அமர்ந்து போராட்டத்தில் ஈடுபட்டனர்.
போராட்டத்திற்கு அனுமதி மறுத்த காவல்துறையின் அராஜகத்தைக் கண்டித்தும், அமைச்சர் சரத்குமாரை பதவி நீக்கம் செய்யக் வலியுறுத்தியும் அப்போது அவர்கள் முழக்கங்களை எழுப்பினர். இதனைத் தொடர்ந்து போராட்டத்தில் ஈடுபட்டவர்களை காவல்துறையினர் குண்டுக்கட்டாக தூக்கிச் சென்று கைது செய்ததால் பதற்றம் ஏற்பட்டது.
அமைச்சர் சரத்குமாரை பதவி நீக்கம் செய்யக் கோரிய திமுக மாணவரணியின் போராட்டத்திற்கு வேலூர், திருப்பத்தூர், காட்பாடி, நாமக்கல், சேலம், நெல்லை,திருவள்ளூர், கரூர், ஈரோடு, திருக்கோவி லூர், விழுப்புரம் மற்றும் சிவகங்கை மாவட்டங்களிலும் காவல்துறையினர் அனுமதி மறுத்து அராஜகத்தில் ஈடுபட்டனர்.
---கனிமொழி கருணாநிதி
கண்டனம்!
தி.மு.க. மாணவர் அணி ஆர்ப்பாட் டத்திற்கு அனுமதி மறுத்ததோடு,
தி.மு.க.வினரை அராஜகமாக கைது