திருவள்ளூர், ஜூன் 30:
த.வெ.க. அமைச்சர் சரத்குமார் போதைப்பொருள் பயன்படுத்தியது போல் வெளியாகிய வீடியோ சமூக வலைத்தளங்களில் பரவி பெரும் சர்ச்சையை ஏற்படுத்தியுள்ள நிலையில், அந்த விவகாரத்தில் உடனடியாக முழுமையான விசாரணை நடத்தி, உண்மை வெளிவரும் வரை அவரை அமைச்சர் பதவியில் இருந்து நீக்க வேண்டும் என்று வலியுறுத்தி, தலைமை கழக அறிவிப்பின்படி திருவள்ளூர் மாவட்ட ஒருங்கிணைந்த கழக மாணவர் அணி சார்பில் நேற்று திருவள்ளூர் ரயில் நிலையம் அருகே மாபெரும் கண்டன ஆர்ப்பாட்டம் நடைபெற்றது.
மாவட்ட செயலாளர் திருத்தணி எஸ். சந்திரன் தலைமையிலும், முன்னாள் சட்டமன்ற உறுப்பினர் வி.ஜி. ராஜேந்திரன் முன்னிலையிலும், மாவட்ட மாணவர் அணி அமைப்பாளர்கள் முரளி சேனா, வி.தியாகராஜன் வெற்றி (எ) ராஜேஷ் ஆகியோர் வரவேற்பிலும் நடைபெற்ற இந்த ஆர்ப்பாட்டத்தில், கழக மாணவர் அணி துணைச் செயலாளர் கா. அமுதரசன் கலந்து கொண்டு கண்டன உரையாற்றினார்.
ஆயிரத்துக்கும் மேற்பட்ட மாணவர் அணி நிர்வாகிகள், கழக நிர்வாகிகள் மற்றும் தொண்டர்கள் கலந்து கொண்டு, “த.வெ.க. அரசே பதில் சொல்”, “போதைப்பொருள் சர்ச்சைக்கு உண்மையை வெளிக்கொண்டு வா”, “அமைச்சரை உடனே பதவி நீக்கு”, “சட்டத்தின் முன் அனைவரும் சமம்” என்று முழக்கமிட்டு கண்டனத்தை வெளிப்படுத்தினர்.
ஆர்ப்பாட்டத்தில் பேசிய நிர்வாகிகள், “பொதுமக்கள் மீது போதைப்பொருள் தொடர்பான குற்றச்சாட்டு எழுந்தாலே உடனடியாக கைது, விசாரணை, நடவடிக்கை என அரசு விரைந்து செயல்படுகிறது. ஆனால் த.வெ.க. அமைச்சர் மீது போதைப்பொருள் பயன்படுத்தியதாக எழுந்துள்ள சர்ச்சை தொடர்பாக வீடியோ வெளியாகியும், அரசு மவுனம் காப்பது ஏன்? இது யாரைக் காப்பாற்றும் முயற்சி?” என்று கேள்வி எழுப்பினர்.
மேலும் அவர்கள், “பொதுப் பொறுப்பில் இருப்பவர்கள் மீது இத்தகைய சர்ச்சைகள் எழும்போது, அவர்கள் தங்களது பதவியில் தொடர்வது ஜனநாயக மரபுக்கும் அரசியல் நாகரிகத்துக்கும் உகந்ததல்ல. அந்த வீடியோ தொடர்பாக சுயாதீன மான விசாரணை நடத்தி, உண்மை வெளிவரும் வரை த.வெ.க. அமைச்சர் சரத்குமாரை பதவியில் இருந்து விலக்க வேண்டும். அதுவே அரசின் நேர்மையையும் வெளிப்படைத்தன்மையையும் நிரூபிக்கும்” என்று வலியுறுத்தினர்.
தவறு எவர் செய்தாலும் நடவடிக்கை என்ற கொள்கை உண்மையில் நடைமுறையில் உள்ளதா? அல்லது ஆளுங்கட்சியைச் சேர்ந்தவர்களுக்கு மட்டும் தனி சலுகையா? சாதாரண மக்களுக்கு ஒரு நீதி, அதிகாரத்தில் இருப்பவர்களுக்கு வேறு ஒரு நீதியா?” என்ற கேள்விகளையும் ஆர்ப்பாட்டத்தில் பங்கேற்றோர் எழுப்பினர்.
ஆர்ப்பாட்டம் தொடர்ந்து நடைபெற்ற நிலையில், காவல்துறையினர் நூற்றுக்கும் மேற்பட்டோரை கைது செய்து தனியார் திருமண மண்டபத்தில் தங்க வைத்தனர். கைது செய்யப்பட்டபோது காவல்துறை வாகனத்தில் ஏறிய நிர்வாகி ஒருவர் தனது ஏ.டி.எம். கார்டு மற்றும் மாத்திரையை கையில் காட்டி ஆதங்கத்தை வெளிப்படுத்திய சம்பவம் அங்கிருந்தோரிடையே பரபரப்பை ஏற்படுத்தியது.
இந்த ஆர்ப்பாட்டத்தில் திருவள்ளூர் கிழக்கு மாவட்ட செயலாளர் வல்லூர் எம்.எஸ்.கே.ரமேஷ் ராஜ், நகரச் செயலாளர் சி.சு. ரவிச்சந்திரன், நகர்மன்றத் தலைவர் உதயமலர் பாண்டியன், மாவட்ட அவைத் தலைவர்கள் கே. திராவிட பகதன், மு.பகலவன், மாநில நெசவாளர் அணி துணைச் செயலாளர் ஒ.ஏ. நாகலிங்கம், ப.சிட்டிபாபு, ஒன்றியச் செயலாளர்கள் தி.வை.ரவி, ஆர்.ஜெயசீலன், கே. அரிகிருஷ்ணன், எஸ்.மகாலிங்கம், மோ.ரமேஷ்,டி.மோதிலால், பிரகாஷ்ஒலி, பெ.பழனி, பா.சம்பத், கே.ராஜேந்திரன், ஏ.எல்.விஜயகுமார்,ஜான் பொன்னுசாமி, மாவட்ட இளைஞர் அணி அமைப்பாளர்கள் ம.கிரண், கே.சுரேஷ்குமார், டி.கே.பாபு, ம.புவனேஷ்குமார், ஜெ.மோகன் பாபு, ஜி.சி.சி.கருணாநிதி, வி.ஜெ.உமா மகேஸ்வரன், டி.பிரியாகுமார், ஆர்.திலீபன், டி.ஜெ.ஜி.மனோஜ் (எ)தமிழரசன், எம்.எம். லிங்கேஷ்குமார், கோபிநாத், எழில், சதீஷ் பாஸ்கர், விக்டர் மோகன், புருஷோத்தமன், ஜி.சத்தியா, விக்னேஷ் உதயா, மனோஜ்குமார், தி.ஆ.கமலக்கண்ணன், என்.பரசுராமன், டி.எம்.ரவி, கைலாசம், இ.குப்பன் , டி.சிவாக்குமார், சரஸ்வதிசந்திரசேகர், சி.சு.விஜயகுமார், பி.கே.நாகராஜ், சித்திக்அலி, மதியழகன், மதுசூதனன், நந்தகுமார், ராஜேந்திரகுமார், மாலதி, நிலாவதி ராஜேந்திரன் சி.அண்ணாகுமார், நகர மாணவர் அணி அமைப்பாளர் ப.டில்லிபாபு, அஜீத், பிரசாத், முகிலின், விக்ரம், கார்த்திக், விக்னேஷ், வினோத், ஞானபிரகாஷ், யோகேஷ், புகழேந்தி, பிரகாஷ், கோகுல் கிருஷ்ணன், ராஜேஷ், முரளி, எம்.பன்னீர்செல்வம், வேலாயுதம், கோடீஸ்வரன், கிளிவளவன், டி.செல்வக்குமார், செல்லதுரை, டொனால்டு, விஜயகுமார், மோகன், அயூப்அலி, வி.இ.ஜான், ஜீ.ஆர்.ராஜ்குமார்தாமஸ், தனலட்சுமி, ஆ.பவளவணன், பி.ஆர்.பிரபாகரன், என்.பாலகிருஷ்ணன், வி.எஸ்.சதீஷ், ராஜி, பாலசந்தர், வீனஸ், ஜி.பாண்டியன், சபரிஸ், பாபு, ராஜ்பால், ஹரிகரன், சபரிஷ், பாலாஜி, கு.பிரபாகரன், வீ.மகேஷ்குமார், கே.பி.எஸ்.கார்த்திக், க.பரிமலேகழன், டி.சஞ்சய் , தியாகு சாந்த், ஜி.டி.எம்.கார்த்திக், கி.விக்னேஷ், வி.சுரேந்தர், வி.லிங்கேஷ்கு மார், எம்.ராஜதுரை, ராகவேல், உள்ளிட்ட ஏராளமான நிர்வாகிகளும், மாணவர் அணி மற்றும் கழகத் தொண்டர்களும் கலந்து கொண்டனர்.