செய்திருக்கும் த.வெ.க. அரசுக்கு தி.மு.க. துணைப் பொதுச்செயலாளர் கனிமொழி கருணாநிதி அவர்கள் கண்டனம் தெரிவித்துள்ளார்.

தி.மு.க. துணை பொதுச்செயலாளர் கனிமொழி கருணாநிதி அவர்கள் வெளிட்டுள்ள சமூக வலைதளப்பதிவில்,

பொது இடத்தில் போதைப் பொருள் பயன்படுத்துவது போல வீடியோ வெளியிட்ட த.வெ.க. அமைச்சர் சரத்குமாரை பதவி நீக்கம் செய்ய வலியுறுத்தி தி.மு.க.மாணவர் அணி சார்பில் நடைபெற விருந்த ஆர்ப்பாட்டத்திற்கு அனுமதி மறுத்ததோடு, தி.மு.க.வினரை அராஜகமாக கைது செய்திருக்கிறது த.வெ.க. அரசு என்று கூறியுள்ளார். தங்களை தாங்களே ஜனநாயகசக்தி என்று சொல்லிக்கொள்ளும்த.வெ.க. அரசு, எதிர்க் கட்சியினர்அறவழியில் போராட்டம் நடத்தவே அனுமதி மறுக்கிறது. கைது செய்யப்பட்ட தி.மு.க.வினரை உடனடியாக விடுதலைசெய்வதோடு, குற்றச்சாட்டுக்கு உள்ளான அமைச்சர் மீது உரிய விசாரணை நடத்தி நடவடிக்கை எடுக்க வேண்டும் என்றும் கழக துணை பொதுச்செயலாளர் கனிமொழி வெளிட்டுள்ள சமூக வலைதளப்பதிவில் வலியுறுத்தியுள்ளார்.

தி.மு.க. தகவல் தொழில்நுட்ப

அணி வலைதளம்!

தி.மு.க. தகவல் தொழில்நுட்ப அணி விடுத்துள்ள சமூக வலைதளப்பதிவில், பொது இடத்தில் போதைப்பொருள் பயன்படுத்தியதாக அப்பட்டமாக வீடியோ ஆதாரத்துடன் சிக்கிய அமைச்சர் சரத்குமாரை, பதவி நீக்கம் செய்யவலியுறுத்தி, அறவழியில் அமைதியான முறையில் போராடத் தயாரான தி.மு.க. மாணவர் அணியினருக்கு அனுமதி மறுத்து, அவர்களைக் கைது செய்திருக்கும் த.வெ.க. அரசின் இந்த அராஜகம் வன்மையாகக் கண்டிக்கத்தக்கது எனக் கூறியுள்ளது. உங்களின் ‘Thug Life’ அமைச்சர்களின் வண்டவாளங்களைத் தோலுரித்தால் ஏன் இந்த அளவுக்குக் கை நடுங்கி, தொடை நடுங்கிப் போய் போலீஸுக்குப் பின்னால்ஒளிகிறீர்கள்? இதற்குப் பெயர் பாசிசமா இல்லை பாயாசமா தொடை நடுங்கி முதல்வரே?! என தி.மு.க. ஐடி விங் காட்டமாக விமர்சித்துள்ளது. ஜனநாயக ரீதியான ஒரு அமைதிப் போராட்டத்தைக் கூட எதிர்கொள்ளத் துணிவில்லாத ஒரு கோழை அரசாங்கம், தமிழ்நாட்டை ஆள்வது வெட்கக்கேடு! என்றும் அதிகார வெறி கொண்டு நீங்கள் போடும் இந்த சர்வாதிகார ஆட்டத்திற்குத் தமிழ்நாட்டு இளைஞர்களும், மக்களும் வீதியில் இறங்கி மிக விரைவில் தகுந்த பாடம் புகட்டுவார்கள் என்றும் தி.மு.க. ஐ.டி. விங் திட்டவட்டமாக தெரிவித்துள்ளது.

----------- காவல்துறையில் புகார்!

பொது இடத்தில்,போதை பொருளை பயன்படுத்தியதாக எழுந்த குற்றச்சாட்டில் அமைச்சர் சரத்குமார் மீது உரிய நடவடிக்கை எடுக்க கோரி சென்னை காவல் ஆணையர் அலுவலகத்தில் புகார் அளிக்கப்பட்டுள்ளது.

சென்னை சேப்பாக்கம் மைதானத்தில் ஐ.பி.எல். விளையாட்டை பார்க்கும் போது அமைச்சர் சரத்குமார் போதைப்பொருள் பயன்படுத்துவது போன்றவீடியோ வெளியாகி சர்ச்சை யானது. அமைச்சரின் விளக்கம் பல்வேறு சந்தேகங்களை சமூக வலைதளத்தில் ஏற்படுத்தியுள்ள நிலையில், இந்த விவகாரம் தொடர்பாக விரிவான விசாரணை நடத்தப்பட வேண்டும் என வழக்கறிஞர் சரண்யா நடராஜன் என்பவர், சென்னை காவல் ஆணையர் அலுவலகத்தில் புகார் அளித்துள்ளார். திருவல்லிக்கேணிக் காவல் நிலையத்திலும் புகார் அளிக்கப்பட்டுள்ளது.

திருக்கோவிலூர் – விழுப்புரம்!

விழுப்புரம் தெற்கு மாவட்ட மாணவர் அணிதி.மு.க.சார்பில் திருக்கோவிலூர் நகராட்சியில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் கலந்து கொண்டதி.மு.க.மாணவரணியினரை காவல்துறை யினர் கைது செய்து தனியார் திருமண மண்டபத்தில் அடைத்தனர். இவர்களைதி.மு.க.துணை பொது செயலாளரும், முன்னாள் அமைச்சருமான பொன்முடி சந்தித்து பேசினார்.

பின்னர், செய்தியாளர்களிடம் பேசிய அவர், ஜனநாயக நாட்டில் அனைவருக்கும் போராட உரிமை உண்டு தெரிவித்தார். கைது செய்யப்பட்டதி.மு.க.வினர் அனைவரையும் உடனே விடுவிக்கவேண்டும் என்றும் வலியுறுத்தினார்.

பி.கே.சேகர்பாபு தலைமையில்

ஆர்ப்பாட்டம்!

கழகத் தலைவர் அவர்களின் ஆணைக்கிணங்க கழக மாணவரணி சார்பில் தமிழக வெற்றி கழக அமைச்சர் சரத்குமார் அவர்கள் பொதுவெளியில் போதைப் பொருள் உபயோகப்படுத்தியதை கண்டித்து ஒருங்கிணைந்த சென்னை. மாவட்ட மாணவர் அணிசார்பில் சென்னை, எழும்பூர், ராஜரத்தினம் விளையாட்டு மைதானம் அருகில் 29 .06.2026 – திங்கட்கிழமை காலை 9.30 மணி அளவில் நடைபெறவிருந்த ஆர்ப்பாட்டம் முறையாக அனுமதி கேட்டபோதும் அனுமதி மறுக்கப்பட்ட நிலையில் 30க்கும் மேற்பட்ட கழகத் தோழர்கள் அதிகாலையில் வலுக்கட்டாயமாக கைது செய்யப்பட்டதால் சென்னை கிழக்கு மாவட்டக் கழகச் செயலாளர் சேகர்பாபு எம்.எல்.ஏ. தலைமையில் மேயர் பிரியா ராஜன், கழக மாணவர் அணிச் செயலாளர் ஈரோடு வீரமணி, கழக மருத்துவ அணிச் செயலாளர் டாக்டர் நா.எழிலன், தமிழன் பிரசன்னா மற்றும் 2000க்கும் மேற்பட்டோர் புரசைவாக்கம் டவுட்டன் பகுதியில் ஊர்வலமாக சென்று சாலையை மறித்து ஆர்ப்பாட்டத்தில் ஈடுபட்டதால் காவல்துறை யினரால் கைது செய்யப்பட்டனர்.

இந்த ஆர்ப்பாட்டத்தில் தலைமை தேர்தல் உறுப்பினர்கள் பி.கே.மூர்த்தி, கே.எஸ்.எம். நாதன், கே.சந்துரு, சி.மகேஷ் குமார், பகுதிச் செயலாளர்கள் ஐ.சி.எப். வ.முரளிதரன், எ.நாகராஜன், செ.தமிழ்வேந்தன், எம். சாமிகண்ணு, வே.வாசு, கோபி கூ.பீ.ஜெயின், ஜோசப் சாமுவேல், டி.எஸ்.பி. ராஜகோபால், எம்.டி.ஆர்.நாகராஜ், எஸ்.ராஜசேகர், எஸ்.முரளி மற்றும் மாமன்ற உறுப்பினர்கள் வட்டக் கழகச் செயலாளர்கள், மாவட்ட/பகுதி / வட்ட அமைப்பாளர்கள் துணை அமைப்பாளர்கள் கலந்துகொண்டனர்.----