திருப்பத்தூர், ஜூன் 30 –
போதைப் பொருள் பயன்படுத்திய குற்றச் சாட்டு தொடர்பாக த.வெ.க. அமைச்சர் சரத்குமாரை கண்டித்து, திருப்பத்தூரில் மாவட்டச் செயலாளர் க.தேவராஜ் தலை மையில், மாவட்ட மாணவரணி அமைப்பாளர் தே.பிரபாகரன் முன்னிலையில் மாவட்ட மாணவர் அணி சார்பில் ஆர்ப்பாட்டம் நடைபெற்றது.
முத்தமிழறிஞர் கலைஞர் அவர்களின் சிலை அருகிலிருந்து கண்டன முழக்கங்களை எழுப்பியவாறே சாலை மறியலில் ஈடுபட்டனர்.
அப்போது அங்கு வந்த காவல் துறையினர் சாலை மறியல் ஆர்ப்பாட்டத்திற்கு அனுமதி இல்லை; எனவே கலைந்து செல்லுமாறு கழகத்தினரிடம் தெரிவித்தனர்.
ஆனால் கழகத் தோழர்கள் கலைந்து செல்ல மறுத்தனர். இதையடுத்து அவர்கள் அனைவரும் கைது செய்யப்பட்டனர்.
இக்கண்டன ஆர்ப்பாட்டத்தில் ஆம்பூர் சட்டமன்ற உறுப்பினர் அ.செ. வில்வநாதன், மாவட்ட துணை செயலாளர் ஆ.சம்பத்குமார், நகர, ஒன்றிய, பேரூர் கழக செய லாளர்கள் எஸ்.ராஜேந்திரன், என்.கே.ஆர்.சூரிய குமார், ம.அன்பழகன், ஷபீர்அகமத், கயாஸ்அஹமது, க.உமாகன்ரங்கம், கே.ஆர்.திருப்பதி, எஸ்.தாமோதிரன், கே.ஏ.குணசேகரன், கே.முருகேசன், டி.அசோக்குமார், க.இராமமூர்த்தி, த.முரளி, அ.மோகன்ராஜ், வி.ஜி.அன்பு, ஏ.சி.சுரேஷ்குமார், எம்.ராஜேந்திரன், ஆர்.கிருஷ்ணமூர்த்தி, எஸ்.உமாசந்திரன், தலைமை செயற்குழு உறுப்பினர் மு.அசோகன், பொதுக்குழு உறுப்பினர் சத்தியநாராயணன் மற்றும் கழக முன்னோடிகள், அணிகளின் அமைப்பாளர்கள், துணை அமைப்பாளர்கள் கலந்து கொண்டார்கள்.