தாம்பரம், ஜூலை 1–
பொது இடத்தில் போதைப் பொருள் பயன்படுத்திய த.வெ.க. அமைச்சர் – தாம்பரம் சட்டமன்ற உறுப்பினர் கில்லி சரத் என்கிற சரத்குமாரை பதவி நீக்கம் செய்யக்கோரி, தாம்பரத்தில் இன்று மாலை நடைபெறும் மாபெரும் கண்டன ஆர்ப்பாட்டத்திற்கு காஞ்சிபுரம் வடக்கு மாவட்டம் முழுவதிலும் இருந்து கழகத்தினர் – இளைஞர் அணி – மாணவர் அணி – மகளிர் அணியினர் ஆயிரக்கணக்கில் அணி திரண்டு வரும்படி மாவட்டச் செயலாளர் – முன்னாள் அமைச்சர் தா.மோ.அன்பரசன் வேண்டுகோள் விடுத்துள்ளார்.
இது குறித்து அவர் வெளி யிட்டுள்ள அறிக்கை:
தமிழ்நாட்டில் புதிதாக ஆட்சிப் பொறுப்பேற்றுள்ள தற்குறி அரசாங்கத்தில் எங்களுடைய மாவட்டத்தில் உள்ள தாம்பரம் சட்டமன்றத் தொகுதியில் த.வெ.க. சார்பில் வேட்பாளராக கில்லி சரத் என்கிற சரத்குமார் என்பவர் போட்டியிட்டு வெற்றி பெற்று அமைச்சாராகவும் ஆகி உள்ளார்.
நடந்து முடிந்த சட்டமன்றத் தேர்தலில் தாம்பரம் தொகுதியில் நின்ற த.வெ.க. வேட்பாளரின் நிலையை பற்றி மக்கள் ஏதும் அறியாமல் அவசர கோலத்தில் தாம்பரம் சட்டமன்றத் உறுப்பினராக தேர்ந்தெடுக்கப்பட்ட தன் பலனை தொகுதி மக்கள் அனைவரும் இன்று அறிந்து மிகவும் அதிர்ச்சி அடைந்துள்ளனர்.
தமிழ்நாட்டின் மனித வளத்தை காக்க நியமனம் செய்யபப்ட்டுள்ள மனிதவள மேம்பாட்டுத்துறை அமைச்சர் தாம்பரம் கில்லி சரத் பொது இடத்தில் போதைப் பொருள் உபயோகப்படுத்திய லட்சணம் இன்றைக்கு சமூக வலைத்தளங்களில் சிரிப்பாய் சிரிக்கிறது.
கடந்த 3 நாட்களுக்கு முன்பு தான் தமிழ்நாட்டில் போதை கலாச்சாரத்தை ஒழிக்க மாவட்டங்கள் தோறும் மராத்தான் ஓட்டப்பந்தயம் நடத்தி விழிப்புணர்வு உறுதி மொழி ஏற்கப்பட்டது.
சென்னையில் முதல்வர் விஜய் போதை ஒழிப்பு உறுதிமொழியை வாசித்து மராத்தான் ஓட்டப்பயணத்தில் ஓடினார்.
தன்னுடைய அமைச்சரவையில் இருக்கும் ஒரு அமைச்சரே போதைப் பழக்கத்திற்கு ஆளாகியுள்ள நிலையில் அவருக்கு அறிவுரை சொல்ல இயலாத ரீல்ஸ் ஆட்சி நடத்தும் முதல்வர் விஜய் அவர்கள் போதை ஒழிப்பிற்காக மராத்தான் ஓட்டப்பந்தயம் நடத்தி என்ன பலன்?
தமிழ்நாட்டில் போதை கலாச்சாரத்தை ஒழிப்பேன் என்று மார்தட்டி வீரவசனம் பேசும் வெற்று முதல்வர் விஜய் அவர்கள் முதலில் இதற்கு பதில் சொல்லட்டும்?
முதலில் அந்த அமைச்சரை பதவி நீக்கம் செய்து நடவடிக்கை எடுங்கள், அப்போது தான் மக்கள் உங்களை நம்புவார்கள்.
தமிழ்நாடு முழுவதும் அமைச்சர் கில்லி சரத்தை பதவி நீக்கம் செய்யக் கோரி மாவட்டங்கள் தோறும் தி.மு.க. மாணவர் அணி சார்பில் கண்டனபோராட்டங்கள் வெற்றிகரமாக நடத்தப்பட்டுள்ளது.
அக்கண்டனப் போராட்டத்தின் நிறைவாக அந்த போதை அமைச்சரை தேர்ந்தெடுத்த தாம்பரம் தொகுதி மக்கள் அனவைரும் அறிய வேண்டும் என்பதற்காகவும், அவரை உடனே அமைச்சர் பதவியில் இருந்து நீக்க வலியுறுத்தியும், காஞ்சிபுரம் வடக்கு மாவட்ட தி.மு.க. மாணவர் அணி –இளைஞர் அணி சார்பில் மாபெரும் கண்டன ஆர்ப்பாட்டம் இன்று 1.7.2026 புதன்கிழமை மாலை 3.00 மணியளவில் தாம்பரம் சண்முகம் சாலையில் மாநகரச் செயலாளர் எஸ்.ராஜா அவர்கள் தலைமையிலும்,
மாவட்ட மாணவர் அணி அமைப்பாளர் முனைவர் எல்.பிரபு, மாவட்ட இளைஞர் அணி அமைப்பாளர் கோல்டு டி.பிரகாஷ் ஆகியோர் வரவேற்புரையிலும்,
மாவட்ட – மாநகர மாணவர் அணி – இளைஞர் அணி துணை அமைப்பாளர்கள் முன்னிலை யிலும் நடைபெறுகிறது.
நிறைவாக தாம்பரத்தில் நடைபெறும் இக்கண்டன ஆர்ப்பாட்டத்தை கழக மாணவர்அணி செயலாளர் திருமதி.வீரமணி ஜெயக்குமார் அவர்கள் முடித்து வைத்து கண்டன உரையாற்றுகிறார்.
தாம்பரத்தில் நடைபெறும் இக்கண்டன ஆர்ப்பாட்டத்தில் பங்கேற்பது “நமது கடமை””நமது உரிமை” என்றஅந்த லட்சிய உணர்வோடு மாவட்டம் முழுவதிலும் இருந்தும் கழகத்தினர் அனைவரும் அலைகடலென திரண்டு வந்து கண்டன முழுக்கங்களை எழுச்சியுடன் எழுப்பிட வேண்டும் என்று அன்புடன் கேட்டுக்கொள்கிறேன்.
குறிப்பாக இளைஞர் அணியினரும் – மாணவர் அணியினரும் மாவட்டம் முழுவதிலும் உள்ள ஒன்றிய – நகர – பகுதி – பேரூர் – சிற்றூர்களில் இருந்து தமது கரங்களில் கழக கொடிகளையும், கண்டன பதாகைகளையும் ஏந்தி வீர முழக்கமிட்டு அணி அணியாக திரண்டு வாரீர்! வாரீர்!! என்று இருகரம் கூப்பி அழைக்கிறேன்.
தாம்பரத்தில் இதுவரை இது போன்ற கண்டன ஆர்ப்பாட்டம் நடைபெற்றதில்லை என்ற வரலாற்றை படைக்கின்ற வகையில், தாம்பரம் மாநகரமே திக்கு முக்காடும் வகையில்கழகத்தினரும், இளைஞர் அணியினரும், மாணவர் அணியினரும் ஆயிரக்கணக்கில் அணி திரண்டு வந்து பங்கேற்று சரித்திர சாதனையை படைப்போம் !வாரீர்
இவ்வாறு தா.மோ.அன்பரசன் அறிக்கையில் கூறியுள்ளார்.
சென்னை தென்மேற்கு மாவட்டம் மயிலை மேற்கு பகுதி தி.மு.க சார்பில் முத்தமிழறிஞர் கலைஞர் பிறந்தநாள் விழா முன்னிட்டு 2003 நபர்களுக்கு நலத்திட்ட உதவிகள் & அறுசுவை உணவு வழங்கும் நிகழ்ச்சி மயிலை மேற்கு பகுதி செயலாளர் நந்தனம் கி.மதி எம்.சி. தலைமையில் நடைபெற்றது. இதில் மாவட்ட கழக செயலாளர் மயிலை த.வேலு, இணை அமைப்பு செயலாளர் அன்பகம் கலை, ஆகியோர் நலத்திட்ட உதவிகள் மற்றும் அறுசுவை உணவு வழங்கினர். இதில் மயிலை கிழக்கு பகுதி செயலாளர் எஸ்.முரளி,
ஜி.ஆர்.இராஜேந்திரன், ஆர்.எல்.வி.அசோக்குமார், பா.பாக்கியதாஸ், அகல்யாவிஸ்வநாதன், ஜி. முருகையன், சீ.கிருஷ்ண மூர்த்தி, டி.ராஜவேலு, எஸ்.ஆர்.ராஜாசுரேஷ்குமார், அ.நாகராஜன், மு.இ.ஏழுமலை, மூ.இராஜேந்திரன், தினேஷ் மாணிக்கம், சீ. வி.திவான் குமார், ச.லோகநாதன், எஸ்.கணேசன், பி.எஸ்.ஆறுமுகம்,
எஸ்.பலராமன், பி.இளவரசு, சரண்யாசித்திரை, பி.முனுசாமி, சி.ரமேஷ், எம்.காசி, செ.ஜெயசீலன்,
எம்.ஜே.சுதாகர்ராவ், த.மோகன், கோ.முருகன், எம்.ராஜ்குமார் மற்றும் கழக நிர்வாகிகள் கலந்து கொண்டனர்.