சென்னை, ஜூலை 1 –
‘‘போதைப் பொருள் பயன்படுத்தியதுபோல், “Thug Life Story’’ போட்ட த.வெ.க.அமைச்சர் சரத்குமார் மீது சி.பி.ஐ. விசாரணை நடத்த வேண்டும்’’ என்று தி.மு.க. மாணவரணி வலியுறுத்தியுள்ளது.
தமிழ்நாட்டில் த.வெ.க. அரசு பொறுப்பேற்றதிலிருந்தே த.வெ.க. அமைச்சர்கள் ஆய்வு என்ற பெயரில் ரீல்ஸ் மோகத்தில் ஆங்காங்கே சென்று பொதுமக்களுக்கு இடையூறு ஏற்படுத்தி வருவது நாடே அறிந்த ஒன்றாகும்.
இவற்றிற்கெல்லாம் முத்தாய்ப்பாக சென்னை சேப்பாக்கம் மைதானத்தில் ஐபிஎல் போட்டியின் போது அமைச்சர் சரத்குமார் வெள்ளை நிற மாத்திரையை தூளாக்கும் பழைய வீடியோ ஒன்று சமூக வலைதளங்களில் வைரலானது.
இப்படி பொது இடத்தில் போதைப்பொருள் பயன்படுத்திய விவகாரத்தில் த.வெ.க. அமைச்சர் சரத்குமாரைக் கண்டித்து, தமிழ்நாடு முழுவதும் தி.மு.க. மாணவரணி சார்பில் நேற்று முன்தினம் ஆர்ப்பாட்டம் நடைபெற்றது. போராட்டத்திற்கு அனுமதி மறுத்த காவல்துறையினர், திமுக மாணவரணியினர் பல்லாயிரக்கணக்கானோரை வலுக்கட்டாயமாக தடுத்துநிறுத்தி கைது செய்தனர்.
இந்நிலையில், சென்னை அண்ணா அறிவாலயத்தில், தி.மு.க. தலைவர் மு.க.ஸ்டாலின் அவர்களை, மாணவரணி செயலாளர் வீரமணி உள்ளிட்டோர் நேரில் சந்தித்தனர். பின்னர் செய்தியாளர்களிடம் பேசிய வீரமணி, தமிழ்நாட்டு இளைஞர்கள் தடம் மாறிவிடக்கூடாது என்பதற்காக கழக மாணவரணி சார்பில் மாபெரும்
ஆர்ப்பாட்டத்தை முன்னெடுத்ததாக கூறினார்.
இளைஞர்களுக்கு முன் உதாரணமாக திகழ வேண்டிய அமைச்சரே போதைப் பொருள் உபயோகிப்பது போல் வீடியோ வெளியிட்டுள்ளது
கண்ட னத்திற்குரியது என்றும், இதுதொடர்பாக சி.பி.ஐ. விசாரணை நடத்த வேண்டும் என்றும் அவர் வலியுறுத்தினார்.