சிவகங்கை, ஜூலை 1 –
சிவகங்கை மாவட்டம் இளையான்குடி தாலுகா சாலைகிராமம் அருகில் தென்கடுக்கைஎன்ற கிராமம் உள்ளது. இந்த கிராமத்தில் கடந்த 25ஆம் தேதி பச்சாயிஅம்மன் ரங்கநாத பெருமாள் கோவில் கும்பாபிஷேகம் நடைபெற்றது. அன்றைய தினம் மாலை நாடகம் நடைபெற்றது. இந்த நாடகத்தில் அதே ஊரைச் சேர்ந்த அருண் என்ற இளைஞர் நடனம் ஆடிய போது மைக் துண்டிக்கப்பட்டது. இதனால் இருதரப்பினரிடையே தகராறு ஏற்பட்டது .அப்பொழுது அதே ஊரைச் சேர்ந்த ரங்கநாதன் என்பவர் இருதரப்பினரையும் சமாதானப்படுத்தி அவர்களை மேடையை விட்டு வெளியேறுமாறு கூறினார்.இதில் ஆத்திரமடைந்த இளைஞன் அருண், அதிவீர ராஜா துரை மற்றும் சிலர் அங்கிருந்தவர்களை கையில் இருந்த அறிவாளால் வெட்டி காயப்படுத்தினர்கள். இதில் தினேஷ், இளங்கோ, ரங்கநாதன், ஆகியோர் பலத்த காயமடைந்து மதுரை தனியார் மருத்துவமனையில் சிகிச்சைக்காக சேர்க்கப்பட்டனர். இது தவிர இரண்டு பேர்மதுரை ராஜாஜி அரசு மருத்துவமனையில் சிகிச்சைக்காக சேர்க்கப்பட்டனர்.
இதுதொடர்பாக சாலை கிராமம் காவல் நிலையத்தில் தென்கடுக்கை கிராம மக்கள் கொடுத்த புகாரின் பேரில் சாலைகிராமம் போலீசார் அதிவீரராஜ்துறை, ஜெய் ஸ்ரீதரன், ஆகிய இரண்டு பேரை கைது செய்தனர் .மற்றும், சிலர் மீது வழக்குப் பதிவு செய்தனர். இதில் முக்கிய குற்றவாளி யான அருணை கைது செய்யவில்லை. இதை கண்டித்து சாலை கிராமம் போலிஸ் நிலையத்தை தென்கடுக்கைகிராம மக்கள் முற்றுகையிட்டனர். முற்றுகை போராட்டம்
நடத்திய கிராம மக்களிடம் போலீசார் உரிய நடவடிக்கை எடுப்பதாக உறுதி கூறியதால் முற்றுகை போராட்டத்தை கைவிட்டு கிராம மக்கள் கலைந்து சென்றனர் .ஆனாலும்ஒரு வாரத்திற்கு மேலாகியும் முக்கிய குற்றவாளி அருண் மற்ற குற்றவாளிகளை சாலை கிராமம் போலிசார் கைதுசெய்யாததை கண்டித்து நேற்று சிவகங்கை கலெக்டர் அலுவலகத்தில்மக்கள் குறைதீர்க்கும் முகாமில் கிராம மக்கள் நூற்றுக்கும் மேற்பட்டோர் புகார் மனு கொடுத்தார்கள்.