மனிதவளத்தை மேம்படுத்த நியமிக்கப்பட்டிருக்கும் த.வெ.க. அரசின் அமைச்சர் போதை மருந்து பயன்படுத்துவதாக வந்த செய்தியை தொடர்ந்து, அவரை பதவிநீக்கம் செய்ய வலியுறுத்தி திருவாரூர் திரு.வி.க. கலைக்கல்லூரிக்கு எதிரே நடைபெற்ற ஆர்ப்பாட்டத்தில் மாணவரணி அமைப்பாளர்கள் மதி.நெல்சன் மண்டேலா, யோகபாலன், மதி.முத்துக்குமார், இளைஞரணி அமைப்பாளர்கள் ஏ.எஸ்.குமார், எம்.பி.எடிசன், ஒன்றியச் செயலாளர் புலிவலம் ஏ.தேவா, நகரச் செயலாளர் வாரை.எஸ்.பிரகாஷ் மற்றும் மாணவரணியினர் பங்கேற்றனர்.

ஈரோடு மாவட்டத்தில் ஒருங்கிணைந்த ஈரோடு மாவட்ட மாணவர் அணி அமைப்பாளர்கள் தலைமையில், மாநில இளைஞர் அணி துணைச் செயலாளர் இ.பிரகாஷ், எம்.பி., மற்றும் ஈரோடு மத்திய மாவட்ட துணைச் செயலாளர் செந்தில்குமார் ஆகியோர் முன்னிலையில் 500க்கும் மேற்பட்டோர் கண்டன ஆர்ப்பாட்த்தில் கலந்து கொண்டு கைது செய்யப்பட்டுள்ளனர்.

கிருஷ்ணகிரி கிழக்கு மாவட்ட மாணவரணி அமைப்பாளர்கள் ஜெயேந்திரன் மற்றும் கண்ணன் தலைமையில் கிருஷ்ணகிரி கிழக்கு மாவட்ட, மாநகர, ஒன்றிய, பகுதி, பேரூர் கழக செயலாளர்கள், மாவட்ட, ஒன்றிய மாணவரணி நிர்வாகிகள் மற்றும் மாணவர்கள், கழக நிர்வாகிகள் என 500க்கும் மேற்பட்டோர் பெருந்திரளாக கலந்து கொண்ட மாபெரும் கண்டன ஆர்ப்பாட்டம் நடைபெற்ற போது, அனுமதியின்றி போராட்டம் நடத்தப்படுவதாக கூறி, கிருஷ்ணகிரி டான்சி அருகே திரண்டு இருந்த 300-க்கும் மேற்பட்ட தி.மு.க.வினரை காவல்துறையினர் கைது செய்து வாகனங்களில் அழைத்துச் சென்றனர்.