நாமக்­கல், ஜூலை 1 –

நாமக்­கல்­லில் நடை­பெற்ற தீவிர போலியோ சொட்டு மருந்து வழங்­கும் முகா­மில் அமைச்சர் மருத்­து­வர் தாம­த­மாக வந்­த­தால், பெற்­றோர்­க­ளும் குழந்­தை­க­ளும் சுமார் இரண்டு மணி நேரம் காத்­தி­ருந்து அவ­தி­ய­டைந்­தனர்.

நாமக்­கல் மாவட்­டத்­தில் பிறந்­தது முதல் 5 வயது வரை உள்ள குழந்­தைக­ளுக்கு போலியோ சொட்டு மருந்து வழங்­கும் முகாம் ஞாயிற்­றுக்­கி­ழமை நடை­பெற்­றது. இதற்­காக மாவட்­டம் முழு­வ­தும் அரசு மருத்­து­வ­ம­னை­கள், ஆரம்ப சுகா­தார நிலை­யங்­கள், அங்­கன்­வாடி மையங்­கள் உள்­ளிட்ட 1,192 மையங்­கள் அமைக்­கப்­பட்­டி­ருந்­தன.

காலை 7 மணி முதல் மாலை 5 மணி வரை முகாம் நடை­பெ­றும் என அறி­விக்­கப்­பட்­டி­ருந்­தது. நாமக்­கல் மாந­க­ராட்சி பகு­திக்­குட்­பட்ட பள்­ளிப்­பட்டி அரசு மேல்­நி­லைப் பள்­ளி­யில் அமைக்­கப்­பட்­டி­ருந்த முகா­மில் காலை 7 மணிக்கே பெற்­றோர்­கள் குழந்­தை­க­ளு­டன் வரத் தொடங்­கி­னர். ஆனால், துவங்கிவைக்க வந்த அமைச்சர், மருத்­து­வர் மற்­றும் மருத்­து­வப் பணி­யா­ளர்­கள் தாம­த­மாக வந்­த­தால் காலை 9.30 மணி வரை சொட்டு மருந்து வழங்­கப்­ப­ட­வில்லை. இத­னால் பெற்­றோர்­க­ளும் குழந்­தை­க­ளும் நீண்ட நேரம் காத்­தி­ருந்து கடும் சிர­மத்­திற்கு ஆளா­கி­னர்.

இது­கு­றித்து தக­வல் அறிந்த சமூக ஆர்­வ­லர் வழக்­க­மான ரீல்ஸ் ரிப்­போர்ட்­டால் எரிச்சல் அடைந்து சம்­பவ இடத்­துக்­குச் சென்று ஆய்வு மேற்­கொண்­டார். பின்­னர், சம்­பந்­தப்­பட்ட அதி­கா­ரி­க­ளி­டம் தொடர்பு கொண்டு நட­வ­ டிக்கை எடுக்க வலி­யு­றுத்­தி­னார். அதன் பின்­னர் மருத்­து­வக் குழு­வி­னர் வந்து சொட்டு மருந்து வழங்­கும் பணியை தொடங்­கி­னர்.

இது­கு­றித்து பெற்­றோர்­கள் கூறு­கை­யில், “காலை 7 மணிக்கே குழந்­தை­க­ளு­டன் வந்­தோம். ஆனால் மருத் ­து­வர் வரா­த­தால் சுமார் இரண்டு மணி நேரம் காத்­தி­ருக்க வேண்­டிய நிலை ஏற்­பட்­டது. குழந்­தை­களை நீண்ட நேரம் காத்­தி­ருக்க வைப்­பதை தவிர்க்க, இது­போன்ற முகாம்­க­ளில் மருத்­து­வர்­கள் மற்­றும் பணி­யா­ளர்­கள் உரிய நேரத்­தில் வர அதி­கா­ரி­கள் நட­வ­டிக்கை எடுக்க வேண்­டும்” என்­ற­னர். இந்­தச் சம்­ப­வம் நாமக்­கல்­லில் போலியோ சொட்டு மருந்து முகா­மில் பர­ப­ரப்பை ஏற்­ப­டுத்­தி­யது.