சென்னை, ஜூலை 1 –

தமிழ்­நாட்­டில் ஒரே­நா­ளில் 12 பேர் கொலை செய்­யப்­பட்­டுள்­ள­னர். ‘இது என்ன உத்­த­ர­பி­ர­தே­சமா?’ என மக்­கள் கொந்­த­ளித்­துள்­ள­னர்.

இது பற்­றிய விவ­ரம் வரு­மாறு :–

கன்­னி­யா­கு­ம­ரி­யில் மாவட்­டத்­தில் நேற்று முன்­தி­னம் 3 பேர் கொல்­லப்­பட்­டுள்­ள­னர். கண்­ணம்­பி­வி­ளை­யில் மது அருந்­தும் போது சிங்­கம், லிங்­க­சாமி கொடூ­ர­மாக கொல்­லப்­பட்­டார். நாகர்­கோ­வில் அருகே கட்­டு­மான ஒப்­பந்­த­தா­ரர் தங்­க­பாண்டி தலை­யில் கல்லை போட்டு தொழி­லா­ளர் சர­வ­ணக்­கு­மார் கொலை செய்­துள்­ளார்.

புதுக்­கோட்டை மாவட்­டம் ஆலங்­குடி அருகே 9 வயது சிறு­வன் கழுத்தை நெரித்­துக் கொலை செய்­யப்­பட்­டுள்­ளார். ஓரி­னச்­சேர்க்­கைக்கு இணங்க மறுத்த சிறு­வனை கொலை செய்த 12ம் வகுப்பு மாண­வன் கைது செய்­யப்­பட்­டார். தலை­ந­கர் சென்­னை­யில் மேட­வாக்­கம் அருகே ஆட்டோ ஓட்­டு­நர் சுரேஷ், அவ­ரது ஆட்­டோ­வி­லேயே மர்­ம­மான முறை­யில் உயி­ரி­ழந்து கிடந்­தார். செங்­கல்­பட்டு மாவட்­டம் மறை­ம­லை­ந­கர் அருகே ஒடி­சாவை சேர்ந்த இளை­ஞர் முஸ்­தாக்-ஐ வீடு புகுந்து, அடை­யா­ளம் தெரி­யாத கும்­பல் கொலை செய்­துள்­ளது.

காரைக்­குடி புது பேருந்து நிலை­யத்­தில் மணி­கண்­டன் என்ற இளை­ஞர் கொலை செய்­யப்­பட்­டுள்­ளார்.

மதுரை மாவட்­டம், சோழ­வந்­தா­னில் சித்­திக் என்ற இளை­ஞரை, அடை­யா­ளம் தெரி­யாத கும்­பல் வழி­ம­றித்து படு­கொலை செய்­தது.

ஏற்­க­னவே கொலை வழக்­கில் சிக்­கிய சித்­திக்கை பழி­வாங்­கும் வித­மாக கொலை செய்­யப்­பட்­டி­ருக்­க­லாம் என விசா­ரணை நடத்­தப்­பட்டு வரு­கி­றது.

திரு­வண்­ணா­ம­லை­யில் நிலத்­த­க­ரா­றில் துலுக்­கா­னத்தை, அவ­ரது அண்­ணன் மகன் மற்­றும் அவ­ரது உற­வி­னர்­கள் தாக்கி கொலை செய்­துள்­ள­னர். கள்­ளக்­கு­றிச்சி மாவட்­டம், உளுந்­தூர்­பேட்டை அருகே குடும்ப தக­ராறில் தந்தை ராம­சா­மியை, மகனே அடித்து கொன்­றுள்­ளார். பழனி அருகே குடும்­பப் பிரச்­சினை கார­ண­மாக தங்­கை­யின் கண­வர் துர்­கை­ராஜை, மைத்­து­னரே தலை­யில் கல்­லைப் போட்டு கொலை செய்­துள்­ளார்.

கிருஷ்­ண­கிரி அருகே மல்­லி­கை­பாய் தொட்டி கிரா­மத்­தில் குடும்­பத் தக­ரா­றில் மனைவி சுஷ்­மி­தாவை கண­வரே கொலை செய்­துள்­ளார். இதன் மூலம் ஒரே­நா­ளில் மட்­டும் 12 படு­கொ­லை­கள் தமிழ்­நாடு முழு­வ­தும் அரங்­கே­றி­யுள்­ளன.