#Title

மக்களின் உயிர் காக்கும் மகத்தான மனித நேயத் தொண்டில் மருத்துவர்களின் அர்ப்பணிப்பைப் போற்றுகிறேன்! தேசிய மருத்துவர்கள் தினத்தையொட்டி கழகத் தலைவர் மு.க.ஸ்டாலின் புகழாரம்!

சென்னை, ஜூலை. 2–

மக்களின் உயிர் காக்கும் மகத்தான மனித நேயத் தொண்டில் அர்ப்பணிப்போடு ஈடுபடும் மருத்துவர்கள் அனைவரையும் போற்று கிறேன் என தேசிய மருத்துவர்கள் தினத்தை முன்னிட்டு கழகத் தலைவர் மு.க.ஸ்டாலின் அவர்கள் தனது முகநூல் பதிவில் குறிப்பிட்டுள்ளார்.

கழகத் தலைவர் மு.க.ஸ்டாலின் அவர்கள் வெளியிட்டுள்ள முகநூல் பதிவு வருமாறு:–

மக்களின் உயிர்காக்கும் மகத்தான மனிதநேயத் தொண்டில் அர்ப்பணிப்போடு ஈடுபடும் மருத்துவர்கள் அனைவரையும் National Doctors Day -இல் போற்றுகிறேன்.

இந்தியாவின் சிறப்பான மருத்துவக் கட்டமைப்பைத் தமிழ்நாடு கொண்டிருப்பதிலும், மருத்துவத் தலைநகராகத் திகழ்வதிலும் நம் மருத்துவர்களின் பங்கு தலையாயது.

NEET போன்ற சதிகளால் இதனைத் தகர்த்திடப் பார்க்கும் முயற்சிகளை வெற்றிகொள்ள இந்நாளில் உறுதியேற்போம்.

இவ்வாறு கழகத் தலைவர் மு.க.ஸ்டாலின் அவர்கள் தெரிவித்துள்ளார்.