நாமக்­கல், ஜூலை. 2–

நாமக்­கல் மாவட்­டம் பர­மத்­தி­வே­லூர் அருகே உள்ள ஜேடர்­பா­ளை­யம் படுகை அணை­யில் இருந்து ஆண்­டு­தோ­றும் 350 நாட்­க­ளுக்கு விவ­சா­யம் மற்­றும் குடி­நீர் தேவைக்­காக ராஜ வாய்க்­கால் மூலம் தண்­ணீர் வழங்­கப்­பட்டு வந்­தது.

இதில் ராஜ வாய்க்­கா­லில் ஆண்டு தோறும் மார்ச் 1 ஆம் தேதி முதல் 15 நாட்­க­ளுக்கு தண்­ணீர் நிறுத்­தப்­ப­டு­வது வழக்­கம்.

பர­மத்­தி­வே­லூர் சுற்­று­வட்­டார பகு­தி­யான ஜேடர்­பா­ளை­யம், நஞ்சை இடை­யாறு பாண்­ட­மங்­க­லம், மோக­னூர் உள்­ளிட்ட பல்­வேறு பகு­தி­க­ளில் 20 ஆயி­ரத்­துக்கு மேற்­பட்ட ஏக்­க­ரில் விவ­சா­யி­கள் வெத்­தலை கரும்பு வாழை கோரை உள்­ளிட்­ட­வற்றை பயி­ரிட்டு வரு­கின்­ற­னர்.

ஆண்டு முழு­வ­தும் விவ­சா­யம் மற்­றும் குடி ­நீ­ருக்­காக தண்­ணீர் வழங்­கப்­பட்டு வந்த நிலை­யில், கடந்த ஜூன் 17-ஆம் தேதி எந்­த­வித முன்­ன­றி­விப்­பும் இன்றி தண்­ணீர் நிறுத்தி உள்­ள­னர் இத­னால் சுமார் 20 ஆயி­ரம் ஏக்­க­ரில் பயி­ரி­டப்­பட்­டுள்ள ரூ.100 கோடி மதிப்­பி­லான வெற்­றிலை உள்­ளிட்ட பயிர்­கள் காய்ந்து நாச­ம­டை­யும் அபா­யம் ஏற்­பட்­டுள்­ள­தா­க­வும், 20 ஆயி­ரம் குடும்­பங்­க­ளின் வாழ்­வா­தா­ரம் பாதிக்­கப்­ப­டும் நிலை உரு­வா­கி­யுள்­ளது.

எனவே, ராஜ வாய்க்­கா­லில் உட­ன­டி­யாக தண்­ணீர் திறந்து விட வலி­யு­றுத்தி, இளம் விவ­சா­யி­கள் சங்­கத் தலை­வர் சௌந்­த­ர­ரா­ஜன் தலை­மை­யில் 100-க்கும் மேற்­பட்ட விவ­சா­யி­கள் கடந்த திங்­கட்­கி­ழமை பர­மத்­தி­வே­லூர் தாலுகா அலு­வ­ல­கம் முன்பு காத்­தி­ருப்பு போராட்­டத்­தில் ஈடு­பட்­ட­னர். தொடர்ந்து உட­ன­டி­யாக தண்­ணீர் திறந்து விடா­விட்­டால் பெரிய அள­வில் அரை நிர்­வாண சாலை மறி­யல் போராட்­டம் நடத்­து­வோம் என அறி­வித்து நேற்று முன்­தி­னம் சாலை மறி­யல் போராட்­டத்­தில் ஈடு­பட்­ட­னர்.

இது­கு­றித்து தக­வல் அறிந்த நீர்­வ­ளத்­துறை அதி­கா­ரி­கள், பர­மத்­தி­வே­லூர் தாசில்­தார் ராஜா, பர­மத்­தி­வே­லூர் துணை போலீஸ் சூப்­பி­ரண்டு செந்­தில்­கு­மார் (பொறுப்பு) மற்­றும் இன்ஸ்­பெக்­டர் உமா­சங்­கர் ஆகி­யோர் சம்­பவ இடத்­திற்கு வந்து விவ­சா­யி­க­ளு­டன் பேச்­சு­வார்த்தை நடத்­தி­னர். அப்­போது, நாளை ஜூலை 3-ஆம் தேதி முதல் ராஜ வாய்க்­கா­லில் மீண்­டும் தண்­ணீர் திறக்­கப்­ப­டும் என்று அதி­கா­ரி­கள் உறு­தி­ய­ளித்­த­னர்.

சுமார் மூன்று மணி நேரம் நீடித்த போராட்­டத்­தால் செவ்­வாய்க் கி­ழமை நடை­பெற்ற வெற்­றிலை ஏலச் சந்தை மற்­றும் ஏற்­று­மதி பணி­கள் பாதிக்­கப்­பட்­டன. பாது­காப்பு முன்­னெச்­ச­ரிக்­கை­யாக 100-க்கும் மேற்­பட்ட போலீ­சார் குவிக்­கப்­பட்­ட­தால் அப்­ப­கு­தி­யில் பர­ப­ரப்பு நில­வி­யது.

இது குறித்து, இளம் விவ­சா­யி­கள் சங்­கத் தலை­வர் சௌந்­த­ர­ரா­ஜன் செய்­தி­யா­ளர்­க­ளி­டம் கூறி­ய­ தா­வது:

“ராஜ வாய்க்­கால் தண்­ணீரை நம்பி வெற்­றிலை, வாழை, கோரை உள்­ளிட்ட பயிர்­களை அதிக முத­லீட்­டில் சாகு­படி செய்து வரு­கி­றோம். குறிப்­பாக வெற்­றிலை சாகு­படி ஒரு குழந்­தையை வளர்ப்­பது போன்­றது. தண்­ணீர் இல்­லா­மல் இந்­தப் பயிர்­களை காப்­பாற்ற முடி­யாது. எந்­த­வித முன் அறி­விப்­பும் இன்றி தண்­ணீர் நிறுத்­தப்­பட்­ட­தால் வெற்­றிலை உள்­ளிட்ட பயிர்­கள் காய்ந்து கரு­கும் நிலை ஏற்­பட்­டுள்­ளது.

வரும் 3-ஆம் தேதி தண்­ணீர் திறக்­கப்­ப­டும் என்று கூறு­வது ஏற்­றுக் கொள்ள முடி­யாது. அதற்­குள் பயிர்­கள் முற்­றி­லும் காய்ந்து கரு­கி­வி­டும். எனவே, தமி­ழக முத­ல­மைச்­சர் உட­ன­டி­யாக தலை­யிட்டு, ஏற்­கெ­னவே நடை­மு­றை­யில் இருந்­த­படி ராஜ வாய்க்­கா­லில் ஆண்டு முழு­வ­தும் தண்­ணீர் வழங்க நட­வ­டிக்கை எடுக்க வேண்­டும்” என்­றார்.

மேலும், ராஜ வாய்க்­கா­லுக்கு நிரந்­த­ர­மாக தண்­ணீர் வழங்க மறுக்­கும் நீர் வ­ளத்­துறை அதி­கா­ரி­களை கண்­டித்­தும், உட­ன­டி­யாக ராஜ வாய்க்­கா­லில் தண்­ணீர்திறக்க வலி­யு­றுத்­தி­யும், (செவ்­வாய்க்­கி­ழமை) காலைபர­மத்­தி­ வே­லூர் காவிரி பாலம் அருகே உள்ள பைபாஸ் சாலை­யில் விவ­சா­யி­களை திரட்டி அரை­நிர்­வாண சாலை மறி­யல் போராட்­டத்­தில் ஈடு­பட உள்­ள­தா­க­வும் சௌந்­த­ர­ரா­ஜன் தெரி­வித்­தார்.