புதுச்சேரி, ஜூலை 3 –
புதுச்சேரி மாநில திமுக நிர்வாகிகள் அவசர ஆலோசனைக் கூட்டம் லப்போர்த் வீதியில் உள்ள கட்சி தலைமை அலுவலகத்தில் நடந்தது.
மாநில கழக அமைப்பாளர் இரா.சிவா தலைமை தாங்கினார். அவைத் தலைவர் எஸ்.பி. சிவக்குமார், துணை அமைப்பாளர் வி. அனிபால் கென்னடி, பொருளாளர் இரா. செந்தில்குமார், எம்.எல்.ஏ., இளைஞர் அணி அமைப்பாளர் எல். சம்பத் ஆகியோர் முன்னிலை வகித்தனர். மாநில துணை அமைப் பாளர் அ. தைரியநாதன் வரவேற்று பேசினார்.
தட்டாஞ்சாவடி தொகுதி இடைத்தேர்தல் சம்பந்தமாக புதுச்சேரி மாநில நிர்வாகிகள் அடங்கிய குழு ஒன்று அமைக்கப்பட்டு, அக்குழு கழகத் தலைவர் மு.க.ஸ்டாலின் அவர்களை சந்தித்து தொகுதியின் தற்போதைய நிலவரம் குறித்தும், தி.மு.க. வெற்றி வாய்ப்பு குறித்தும், வேட்பாளர் தேர்வு தொடர்பாக விளக்கம் அளிப்பது என்றும் கழகத் தலைவர் அறிவிக்கும் வேட்பாளரை முழு வீச்சில் தேர்தல் பணியாற்றி வெற்றி பெற செய்வது என்றும் கூட்டத்தில் ஒருமனதாக தீர்மானிக்கப்பட்டது.
இக்கூட்டத்தில், திமுக சட்டமன்ற உறுப்பினர்கள் வே. கார்த்திகேயன், அ. செந்தில் (எ) ரமேஷ், விக்னேஷ் கண்ணன்,
முன்னாள் சட்டமன்ற உறுப்பினர் பூ. மூர்த்தி, தலைமைச் செயற்குழு உறுப்பினர்கள் சண். குமரவேல், லோகையன், அருட்செல்வி, பொதுக்குழு உறுப்பினர்கள் எஸ். கோபால், தங்கவேலு, வேலன், தர்மராஜ் இளம்பரிதி, செந்தில்குமார், அமுதாகுமார், நிர்கீஸ், தொகுதி செயலாளர்கள் சக்திவேல், வடிவேல், ராஜா, சீத்தாராமன், ராஜாராமன், சக்திவேல், இளஞ்செழிப்பாண்டியன், கலியகார்த்தி கேயன், பாண்டு அரிகிருஷ்ணன், நடராஜன், ஆறுமுகம், மணிகண்டன், சத்தியவேலு, சிவக்குமார், முருகதாஸ், சவுரிராஜன், மோகன், மகளிர் அணி அமைப்பாளர் காயத்ரி ஆகியோர் கலந்து கொண்டனர்.