திருப்பூர், ஜூலை, 3–
திருப்பூர் - கோவை தனியார் பேருந்துகளில் டிக்கெட் கட்டணம் ரூ.35ல் இருந்து ரூ.42 ஆக உயர்த்தப்பட்டுள்ளது பயணிகள் மத்தியில் பெரும் அதிர்ச்சியை ஏற்படுத்தியுள்ளது.
திராவிட முன்னேற்றக் கழகத்தின் தலைவர் முத்துவேல் கருணாநிதி ஸ்டா லின் அவர்களின் தலைமையிலான கடந்த திராவிட மாடல் ஆட்சியில் மக்களின் முன்னேற்றத்தை மட்டுமே கருத்தில் கொண்டு அவர்களின் சுமையை போக்கும் வகையில் மகளிர் இலவச பேருந்து திட்டத்தை செயல்படுத்தியது இதனால் அவர்களால் மாதம் ரூ 1,000 முதல் ரூ.2,000 வரை சேமிக்க முடிந்தது, நம் தமிழகத்தில் ஆட்சி மட்டும் ஏற்பட்டத்தின் விளைவாக பொதுமக்கள் பல இன்னல்களை சந்தித்து வருகின்றனர்.
குறிப்பாக திருப்பூரி லிருந்து வெளியூர்களுக்குச் செல்லும் தனியார் பேருந்துகளில் புதிய அரசின் முறையான அறிவிப்பு ஏதுமின்றி, அடுத்தடுத்து தன்னிச்சையாகக் கட்டணம் உயர்த்தப்பட்டு வருவது பொதுமக்களிடையே பெரும் அதிர்ச்சியை ஏற்படுத்தியுள்ளது.
கடந்த சில தினங்க ளுக்கு முன்புதான் திருப்பூரிலிருந்து ஈரோடு செல்லும் தனியார் பேருந்து களின் கட்டணம் 35 ரூபாயிலிருந்து 40 ரூபாயாக அதிரடியாக உயர்த்தப்பட்டது. தற்போது, திருப்பூரி லிருந்து கோவை செல்லும் பேருந்துகளிலும் தன்னிச்சையாகக் கட்டணம் உயர்த்தப்பட்டது பயணிகளிடையே அதிர்ச்சியை ஏற்படுத்தியுள்ளது.
பின்னலாடை தொழில் நகரமான திருப்பூருக்கு நாள்தோறும் பல்லாயிரக்கணக்கான தொழிலாளர்கள் கோவை, ஈரோடு உள்ளிட்ட அண்டை மாவட் டங்களில் இருந்து பேருந்துகள் மூலமாகவே வேலைக்கு வந்து செல்கின்றனர்.
இவர்களின் தினசரி பயணச் செலவில் பேருந்துக் கட்டணம் முக்கியப் பங்கு வகிக்கிறது.
இத்தகைய சூழலில், திருப்பூரிலிருந்து அவிநாசி வழியாக கோவைக்கு செல்ல அரசுப் பேருந்தில் 36 ரூபாய் மட்டுமே வசூலிக்கப்படும் நிலையில், தனியார் பேருந்துகளில் 42 ரூபாய் வசூலிக்கப்படுகிறது.
இது குறித்து பயணிகள் நடத்துனர்களிடம் கேள்வி எழுப்பியபோது, திங்க ட்கிழமை முதல் புதிய கட்டணம் அமலுக்கு வந்துள்ளதாக பதிலளித்தனர். அரசுத் தரப்பில் அதிகாரப்பூர்வமாக எந்தவொரு கட்டண உயர்வு அறிவிப்பும் வெளியிடப்படாத நிலையில், அடுத்தடுத்து முக்கிய வழித்தடங்களில் தனியார் பேருந்து நிர்வாகங்கள் தங்களாகவே விலையை உயர்த்தியிருப்பது விதிகளுக்கு புறம்பானது என்று பயணிகள் தெரிவிக்கின்றனர். ஏற்கனவே, அத்தியாவசிய பொருட்களின் விலை உயர்வால் தவித்து வரும் நடுத்தரக் குடும்பங்க ளுக்கும், தொழிலாளர்களுக்கும் இந்தத் தொடர் பயணக் கட்டண உயர்வு பெரும் சுமையாக மாறியுள்ளது.
மேலும், திருப்பூர் - கோவை இடையேயான அரசுபேருந்து எண்ணிக்கை குறைக்கப்பட்டு தனியார் பேருந்துகளே அதிகம் இயக்கப்படுவதாகவும் சந்தேகம் தெரிவிக்கின்றனர்.
இந்த தன்னிச்சையான கட்டண உயர்வு போக்குவரத்துத் துறை அமைச்சருக்கும். மாவட்ட அதிகாரிகளுக்கும் தெரிந்தே நடக்கிறதா? அல்லது அதிகாரிகள் இதைக் கண்டு கொள்ளாமல் இருக்கிறார்களா என்ற கேள்வியையும் முன் வைக்கின்றனர்.