திருப்­பூர், ஜூன் 4–

செய்­தி­யா­ளர்­களை அச்­சு­றுத்­தும் வகை­யில் பேசிய ம.தி.மு.க. பொதுச் செய­லா­ளர் வைகோ தன் தொண்­டர்­களை தூண்­டி­விட்டு செய்­தி­யா­ளர்­களை தாக்க முயன்ற சம்­ப­வத்­திற்கு திருப்­பூர் மாவட்டச் செய்­தி­யா­ளர்­கள் சங்­கம் கடும் கண்­ட­னம் தெரி­வித்­துள்­ளது.

இது குறித்து அச்­சங்­கம்தெரி­வித்­தி­ருப்­ப­தா­வது:–

செங்­கல்­பட்டு மாவட்­டம், திருப்­போ­ரூர் அருகே 30.06.2026 அன்று ம.தி.மு.க. பொதுச் செய­லா­ளர் வைகோ கலந்து கொண்ட நிகழ்ச்­சி­யில் செய்­தி­யா­ளர்­கள் சந்­திப்பு ஏற்­பாடு செய்­யப்­பட்­டி­ருந்­தது. அப்­போது வைகோ பத்­தி­ரி­கை­யா­ளரை மிரட்­டும் வகை­யில் பேசி­யுள்­ளார். மேலும், நீங்க திட்­ட­மிட்டு குழப்­பம் செய்­வ­தற்­காக இங்கே வந்­தி­ருக்­கீங்க” என்று வைகோ ஒரு­மை­யில் பேசத் துவங்­கி­ய­தும் அங்கு கூடி­யி­ருந்த ம.தி.மு.க.வி­னர் பத்­தி­ரிக்­கை­யா­ளரை நோக்கி ஆவே­ச­மாக முன்­னே­றி­யுள்­ள­னர்.

பொது­வெ­ளி­யில் பத்­தி­ரிக்­கை­யா­ள­ரி­டம் முறை­யாக நடந்து கொள்­ளா­தது மட்­டு­மல்­லாது தன் தொண்­டர்­கள் மூலம் பத்­தி­ரிக்­கை­யா­ள­ருக்கு அச்­சு­றுத்­தல் ஏற்­ப­டுத்தி பாது­காப்பு இல்­லாத சூழலை உரு­வாக்­கி­யுள்­ளது மிக­வும் கண்­ட­னத்­துக்­கு­ரி­யது. பாது­காப்­பற்ற சூழ­லில் இருந்த பத்­தி­ரிக்­கை­ யா­ள­ருக்கு சக பத்­தி­ரி­கை­யா­ளர் மற்­றும் அங்கு பாது­காப்பு பணி­யில் ஈடு­பட்­டி­ருந்த போலீ­சார் பாது­காப்பு வழங்­கி­னர்.

வைகோ பத்­தி­ரிக்­கை­யா­ளர்­க­ளி­டம் இது போன்ற நடந்து கொள்­வது இது முதல் முறை அல்ல. கடந்த 09.07.2025 அன்று. விரு­து­ந­கர் மாவட்­டம், சாத்­தூ­ரில் நடை­பெற்ற ம.தி.மு.க. நிர்­வா­கி­கள் கூட்­டத்­தில் செய்தி சேக­ரித்­துக் கொண்­டி­ருந்த பத்­தி­ரி­கை­யா­ளர்­களை தகாத வார்த்­தை­யில் திட்­டி­ய­து­டன், அங்கு கூடி­யி­ருந்த ம.தி.மு.க. தொண்­டர்­க­ளி­டம் பத்­தி­ரி­கை­யா­ளர்­க­ளி­ட­மி­ருந்து ஒளிப்­ப­தி­வுக் கரு­வி­களை பறிக்­கும்­படி மேடை­யில் இருந்­து­கொண்டே வெளிப்­ப­டை­யாக உத்­த­ர­விட்­டார்.

இது­போன்று தொடர்ந்து பத்­தி­ரி­கை­யா­ளர்­களைஅவ­ம­திப்பு செய்து வரும் ம.தி.மு.க.வின் பொதுச்­செ­ய­லா­ளர் வைகோ­வின் செயல் கண்­ட­னத்­துக்­கு­ரி­ய­தாக பார்க்­கப்­ப­டு­கி­றது. மக்­க­ளுக்­கும் அர­சுக்­கும், அர­சி­யல் கட்­சி­யி­ன­ருக்­கும் பால­மாய் இருக்­கும் செய்­தி­யா­ளர்­க­ளின் கேள்­வி­க­ளுக்கு பதில் அளிப்­பதும் மறுப்­ப­தும் அர­சி­யல் கட்­சித் தலை­ வர்­க­ளின் உரிமை. அதை­வி­டுத்து கேள்வி எழுப்­பும் செய்­தி­யா­ளர்­களை பொது வெளி­யில் அவ­ம­ரி­யாதை செய்­வ­தும் அச்­சு­றுத்­தும் வகை­யில் நடந்து கொள்­வ­தும் ஏற்­றுக் கொள்ள முடி­யா­தது.

ஆகவே மூத்த அர­சி­யல்­வா­தி­யான வைகோ இது­போன்­ற­தொரு சூழ்­நி­லை­களை உரு­வாக்­கக் கூடாது. பத்­தி­ரி­கை­யா­ளர்­களை அவ­ம­திப்பு செய்த இச்­சம்­ப­வத்­திற்கு வருத்­தம் தெரி­விக்க வேண்­டும்.

இவ்­வாறு திருப்­பூர் மாவட்டச் செய்­தி­யா­ளர்­கள் சங்­கம் (TDJA) சார்­பில் கேட்­டுக்­கொள்­ளப்­படு­கி­றது.