#Title

மறைமுக கட்டண உயர்வால் அதிர்ச்சி! மாதம் 200 யூனிட் இலவச மின்சாரம் எங்கே? த.வெ.க. அரசுக்கு மக்கள் கேள்வி!

சென்னை, ஜூலை 4–

மாதம் 200 யூனிட் கட்டணமில்லாமின்சாரம் எங்கே? எனவும் 2 மாதத்திற்கு 400 யூனிட் இலவச மின்சாரம் எங்கே போனது முதல்வரே?

யூனிட்டுக்கு 55 காசுகள் வரை மறைமுக கட்டண உயர்வு ஏன் எனவும் மக்கள் கேள்வி எழுப்பினார்.

த.வெ.க.தலைமையிலான விஜய் அரசு, மின்கட்டணத்தை மறைமுகமாக உயர்த்தியது மட்டுமல்லாமல், வேண்டுமென்றே காலம் தாழ்த்தி அளவீடுவதன் மூலம் மின் கட்டணம் பல மடங்கு அதிகரித்திருப்பது பொதுமக்களை அதிர்ச்சி அடைய வைத்துள்ளது. எங்கே போனது 200 யூனிட் இலவச மின் சாரம் என தவெக அரசிடம் பொதுமக்கள் கேள்வி எழுப்பியுள்ளனர்.

தகுதியுள்ள வீடுகளுக்கு ஒவ்வொருமாதமும் 200 யூனிட் கட்டணமில்லா மின்சாரம் வழங்கப்படும் என த.வெ.க. தலைவர் விஜய் தேர்தல் வாக்குறுதி அளித்திருந்தார்.

வாக்குறுதிப்படி, மாதம் 200 யூனிட் என்றால், 2 மாதத்திற்கு ஒரு முறை கணக்கிடப்படும் மின்சா ரத்தில், 400 யூனிட் கட்டணமில்லா மின்சாரம் வழங்கப்பட வேண்டும். 2 மாதத்திற்கு 400 யூனிட்டுக்கு பதில்200 யூனிட் கட்டணமில்லா மின்சாரம் மட்டுமே வழங்கப்படுகிறது, அதுவும் 500 யூனிட்டுகளுக்கு மேல் பயன்படுத்தப்படும் வீடுகளுக்கு 200 யூனிட் கட்டணமில்லா மின்சார சலுகை கிடையாது என அறிவிக்கப்பட்டது, நம்பி வாக்களித்த மக்களை ஏமாற்றத்திற்கு உள்ளாக்கி உள்ளது.

மேலும், 200 யூனிட் இலவச மின்சாரத்தை தடுக்க, மின்வாரிய ஊழியர்கள் வேண்டுமென்றே காலம் தாழ்த்தி அளவீடு செய்வதன் மூலம், மின் பயன்பாடு 500 யூனிட்டுக்கு மேல் கடந்துள்ளது.இதனால், தற்போது நுகர்வோர், வழக்கத்தை விட 3 ஆயிரம் ரூபாய் வரை அதிக கட்டணம் செலுத்த வேண்டிய நிலைக்கு தள்ளப்பட்டுள்ளனர். இதில் மறைமுக மின்கட்டணமாக யூனிட்டுக்கு 20 முதல் 55 காசுகள் வரை உயர்த்தி இருப்பதும் சாமானிய மக்களை அதிர்ச்சியில் ஆழ்த்தியுள்ளது.

முன்பு100 யூனிட்டுக்கு மேல் 400 யூனிட்டுக்குள் ளாக 4 ரூபாய் 50 காசாக இருந்த மின்கட்டணம், தற்போது 4 ரூபாய் 70 காசுகளாகவும், 401 யூனிட்டுக்கு மேல் இருந்த 500 யூனிட்டுகளுக்குள்ளாக 6 ரூபாயாக இருந்த மின்கட்டணம், தற்போது 6 ரூபாய் 30 காசுகளாகவும் உயர்த்தப்பட்டுள்ளது.இதேபோல் ஆயிரம் யூனிட்டுகளுக்கு மேல் 11 ரூபாயாக இருந்த கட்டணம் 11 ரூபாய் 55 காசுகளாகவும் மறைமுகமாக உயர்த்தப்பட்டுள்ளது பொதுமக்களை ஏமாற்ற மடைய வைத்துள்ளது.