சூலூர் எஸ்.ஆர்.எஸ் திருமண மண்டபத்தில் பாவேந்தர் பேரவை ஐம்பெரும் விழா மற்றும் சூடு மாறாது சூரியனுக்கு எனும் மாபெரும் கருத்தரங்கம் நடைபெற்றது. இதில் கழக துணைப் பொதுச் செயலாளர், நீலகிரி நாடாளுமன்ற உறுப்பினர், முன்னாள் ஒன்றிய அமைச்சர் ஆ.இராசா கருத்துரையாற்றினார். இதில் மாநில கல்வியாளர் அணி தலைவர் புலவர் செந்தலை ந.கௌதமன் எழுதிய பேச வைத்த பெரியார் நூலை ஆ.இராசா வெளியிட கோவை தெற்கு மாவட்டக் கழக செயலாளர் தளபதி முருகேசன் முதல் பதிப்பை பெற்றுக்கொண்டார். உடன் வால்பாறை சட்டமன்ற உறுப்பினர் குட்டி (எ) ஆ.சுதாகர், மாநகர் மாவட்டப் பொறுப்பாளர் துரை.செந்தமிழ்ச் செல்வன், சூலூர் தெற்கு ஒன்றிய செயலாளர் மன்னவன், தலைமை செயற்குழு உறுப்பினர் இருகூர் சந்திரன், சூலூர் பேரூராட்சி தலைவர் தேவி மன்னவன், திராவிட இயக்கத் துணை பொது செயலாளர் சிற்பி செல்வராஜ் உள்பட பாவேந்தர் பேரவை நிர்வாகிகள், மாநில, மாவட்ட, ஒன்றிய, நகர, பேரூர், பகுதி கழக செயலாளர்கள், பொறுப்பாளர்கள், இந்நாள், முன்னாள் உள்ளாட்சி பிரதிநிதிகள், கழக சார்பு அணிகளின் அமைப்பாளர்கள், துணை அமைப்பாளர்கள் பலர் கலந்து கொண்டனர்.