#Title

மக்கள் பணியில் ஈடுபட்டிருந்த அனிதா ராதாகிருஷ்ணன் எம்.எல்.ஏ. அவசர அவசரமாக கைது! ‘‘ஆணவம் அழிவிற்கு வழி’’ – தலைவர் மு.க.ஸ்டாலின் கடும் கண்டனம்! ‘சினிமா ஆக் ஷன்’ பாணியில் போலீஸ் ராஜ்யம் நடத்துகிறார் முதலமைச்சர் என குற்றச்சாட்டு!

சென்னை, ஜூலை5 –

மக்கள் பணியில் ஈடுபட்டிருந்த முன்னாள் அமைச்சர், சட்டமன்ற உறுப்பினர் அனிதா ராதாகிருஷ்ணனை அவசர அவசரமாக கைது செய்ய வேண்டிய அவசியம் என்ன வந்தது எனவும், சினிமா ஆக் ஷன் பாணியில் முதலமைச்சர் விஜய் போலீஸ் ராஜ்யம் நடத்துகிறார் என்றும் ‘‘ஆணவம் அழிவிற்கு வழி’’ எனவும் கழகத் தலைவர் மு.க. ஸ்டாலின் அவர்கள் கடும் கண்டனம் தெரிவித்துள்ளார்.

தமிழ்நாட்டில் காட்டுமிராண்டித்தனமான ஆட்சியை நடத்தி வரும் த.வெ.க. அரசு, தனது பழிவாங்கும் நடவடிக்கையாக தி.மு.க. முன்னாள் அமைச்சர் அனிதா ராதாகிருஷ்ணன் எம்.எல்.ஏ. வைக் கைது செய்துள்ளது.

தமிழ்நாட்டில் அமைந்துள்ள விஜய் தலைமையிலான பெரும்பான்மை இல்லாத த.வெ.க. அரசு, பல்வேறு அட்டூழியங்களில் ஈடுபட்டு வருகிறது. ஆட்சியை நடத்தத் தெரியாமல், முதல் நாளில் இருந்தே, முதலும் கோணல், முற்றும் கோணலுமாக இருந்து வருகிறது. மக்களுக்கான எந்தவொரு திட்டங்களையும் செயல்படுத்தத் தெரியாமல், அதனைத் திசை திருப்பும் வகையில் பல்வேறு தில்லு முல்லுகளில் ஈடுபட்டு வருகிறது.

குறிப்பாக பல்வேறு பொய்க் குற்றச்சாட்டுகளின் பேரில் தி.மு.க.வினர் மீது வழக்குப்பதிவு செய்வது, நடவடிக்கை எடுப்பது என முழு கவனத்தையும் அதில் மட்டுமே செலுத்தி வருகிறது.

த.வெ.க. அரசின் சர்வாதிகாரம்!

அந்தவகையில், விஜயின்காட்டு மிராண்டித் தனமான அராஜக ஆட்சி, தனது பழிவாங்கும் நடவடிக்கையாக தி.மு.க. முன்னாள் அமைச்சர் அனிதா ராதாகிருஷ்ணனைகைது செய்துள்ளது. ஆத்தூர் பேரூராட்சி அலுவலகத்தில் ஆய்வு மேற்கொள்ள வந்தபோது அனிதா ராதாகிருஷ்ணனைகாவல்துறையினர் கைது செய்தனர். அப்போது,

த.வெ.க. அரசின் சர்வாதிகாரத்தனத்தைக் கண்டித்து தி.மு.க.வினர் போராட்டத்தில் ஈடுபட்டனர்.

கழகத் தலைவர் வலைதளப் பதிவு!

இந்நிலையில் முன்னாள் அமைச்சர் அனிதா ராதாகிருஷ்ணன் கைது செய்யப்பட்டுள்ளதைக் கண்டித்து கழகத் தலைவர் மு.க.ஸ்டாலின் அவர்கள், தமது சமூக வலைதளப் பதிவில் தெரிவித்துள்ளதாவது:–

முதலமைச்சரை அவதூறாகப் பேசினார் என்று முன்னாள் அமைச்சர் அனிதா ராதாகிருஷ்ணன் அவர்களைக் கைது செய்துள்ளது ‘Take Diversion’ அரசு.

தொகுதியில் ஆய்வு மேற்கொண்டு மக்கள் பணியில் ஈடுபட்டு இருந்தவரை, அவசர அவசர மாகக்கைதுசெய்ய வேண்டிய அவசியம் என்ன வந்தது?

பெண் புகாரில் தூயசக்தி

ஆட்சி எடுத்த நடவடிக்கை என்ன?

சினிமா ஆக் ஷன் பாணியில் போலீஸ் ராஜ்ஜியம் நடத்திக் கொண்டிருக்கிறார் முதலமைச்சர்!

கூட்டுப் பாலியல் வன்கொடுமைக்கு உள்ளான பெண்மணி திருவைகுண்டம் த.வெ.க. சட்டமன்ற உறுப்பினர் மேல் கூறியுள்ள புகாரில் இதுவரை எந்த நடவடிக்கையும் எடுக்காத ‘தூயசக்தி ஆட்சி’, அந்த வழக்கில் ஏன் இந்த அவசரத்தைக் காட்டவில்லை?

குற்றங்களைத் தடுக்க

வக்கில்லாத ஆட்சி!

தமிழ்நாடு முழுவதும் நடைபெறும் கொலை, கொள்ளைகளையும் பெண்களுக்கு எதிரான பாலியல் குற்றங்களையும் தடுக்க வக்கில்லாமல் அடுத்த கட்சி சட்டமன்ற உறுப்பினர்களை இணைத்துக் கொண்டிருக்கும் இந்த அரசின் மாற்றம் இதுதானா?

அவதூறு வழக்கில் கைது செய்வதாக இருந்தால், இன்றைய அமைச்சர்கள் பேசும் பேச்சுக்கு எல்லாம் எத்தனை பேரைக் கைது செய்வது?

குதிரை பேரத்தின் மூலம்

ஆட்சியை நடத்தும் முதல்வர்!

வாக்களித்த மக்களுக்கு எந்த நன்மையும் செய்யாமல், குதிரைபேரத்தின் மூலமாகத் தனது நாற்காலி யைத் தக்க வைத்து - விமர்சிக்கும் எதிர்க்கட்சிகளைக் கைது செய்து காலம் கடத்திவிடலாம் என நினைக்கிறார் முதலமைச்சர் .

“ஆணவம் அழிவிற்கு வழி!”

இவ்வாறு கழகத் தலைவர் மு.க.ஸ்டாலின் அவர்கள் தெரிவித்துள்ளார்.