தென்காசி, ஜுலை 5–
தென்காசி தெற்கு மாவட்டக் கழக முன்னாள் செயலாளர் பொ.சிவ பத்மநாதன் தென்காசி மாவட்ட ஆட்சியர் ரஞ்ஜீத் சிங்கிடம் கொடுத்துள்ள கோரிக்கை மனு விவரம் வருமாறு.
தென்காசி மாவட்டம், ஆலங்குளம் தாலுகா, கீழப்பாவூர் ஊராட்சி ஒன்றியத்திற்கு உட்பட்ட கழுநீர்குளம் ஊராட்சி பகுதியில் தமிழ்நாடு அரசின் அரசு மகளிர் கலை மற்றும் அறிவியல் கல்லூரி செயல்பட்டு வருகிறது. இக்கல்லூரியில் ஆயிரத்திற் கும் மேற்பட்ட மாணவியர்கள் கல்வி பயின்று வருகின்றனர்.இவர்களில் பெரும்பாலானோர் தினமும் அரசு மற்றும் தனியார் பேருந்துகளை நம்பியே கல்லூரிக்கு வந்து செல்கின்றனர்.
இக்கல்லூரிக்கென அரசு மகளிர் கலைக்கல்லூரி பேருந்து நிறுத்தம் என்ற பெயரில் அமைக்கப் பட்டுள்ள பேருந்து நிறுத்தம் தமிழ்நாடு சாலை மேம்பாட்டுத்திட்டம் (TNRSP) பணியின் போது கல்லூரி நுழைவு வாயிலிருந்து சுமார் 500 மீட்டர் தொலைவில் அமைக்கப்பட்டுள்ளது.இதன் காரணமாக மாணவியர்கள் நான்கு வழிச்சாலையை கடந்து பேருந்தில் ஏறவும்,இறங்கிய பின்னர் மீண்டும் சாலையை கடந்து கல்லூரிக்குச் செல்லவும் வேண்டிய நிலை ஏற்பட்டுள்ளது.மேற்கிலிருந்து கிழக்கே அதிவேகமாக வரும் வாகனங்களால் மாணவி யர்கள் உயிருக்கு ஆபத்தான சூழலில் சாலையைக் கடக்க வேண்டியுள்ளது.
ஏற்கனவே சில மாணவியர்கள் விபத்தில் சிக்கிகாய மடைந்துள்ளதாகவும், தினந்தோறும் அச்சத்துடன் கல்லூரிக்குச் சென்றுவருவதாகவும் கூறி பேருந்து நிலையத்தை கல்லூரி ஆர்ச் அருகே இட மாற்றம் செய்ய கல்லூரி தரப்பில் கோரிக்கையும் வைக்கப்பட்டுள்ளது.மேலும் இந்த பேருந்து நிலையம் பயன்பாடற்ற நிலையிலும் உள்ளது.
ஆகையால் மாவட்ட ஆட்சிதலைவர் அவர்கள் அருள்கூர்ந்து கல்லூரி மாணவியர்களின் உயிர் பாதுகாப்பினை கருத்தில் கொண்டு தற்போது அமைக்கப்பட்டுள்ள அரசு கலைக்கல்லூரி பேருந்து நிறுத்தத்தை கல்லூரி நுழைவுவாயில் (ஆர்ச்) அருகே உடனடியாக இடமாற்றம் செய்து மாணவியர்கள் பாது காப்பாக பேருந்தில் ஏறி இறங்க தேவையான அனைத்து வசதிகளையும் ஏற்படுத்தி உரிய நட வடிக்கை எடுக்க தமிழ்நாடு சாலை மேம்பாட்டுத் திட்ட அதிகாரிகளுக்கு (TNRSP) ஆவன செய்ய தங்களை கேட்டுக் கொள்கிறே இவ்வாறு அவர் கோரிக்கை மனுவில் கூறியுள்ளார்.