புதுடெல்லி, ஜூலை 5–
திராவிட முன்னேற்றக் கழகம் (தி.மு.க.), அதன் அமைப்புச் செயலாளர் ஆர்.எஸ். பாரதி அவர்களின் மூலம், கரூர் சம்பவம் தொடர்பாக அமைச்சர் ஆதவ் அர்ஜுனாவின் பொறுப்பற்ற, தவறாக வழிநடத்தும், தீங்கிழைக்கும் மற்றும் மரியாதையற்ற பேச்சுக்குஎதிராக, உச்சநீதிமன்றத்தில் மனுத் தாக்கல் செய்துள்ளது.
அந்தப் பேச்சு, தி.மு.க. தலைவர் மு.க. ஸ்டாலின், மற்றும் தமிழ்நாடு காவல்துறை ஆகியோருக்கு எதிராக பொய்யான ஒரு கருத்தை உருவாக்க முயற்சிப்பதோடு மட்டுமல்லாமல், உச்சநீதிமன்றத்தின் உத்தரவின்படி நடைபெற்று வரும் விசாரணையை பாதிக்கும் வகையில் பொதுமக்களின் கருத்தைத் திசை திருப்பும் நோக்கத்துடனும் அமைந்துள்ளதாக மனுவில் தெரிவிக்கப்பட்டுள்ளது.
இதனையடுத்து, தி.மு.க.உச்ச
நீதிமன்றத்தை அணுகி, பின்வரும் நிவாரணங்களை கோரி மனுத் தாக்கல்செய்துள்ளது:
கோரிக்கைகள்
நீதிமன்றம் தயவுகூர்ந்து பின்வரும் உத்தரவுகளைப் பிறப்பிக்குமாறு மிகவும் பணிவுடன் விண்ணப்பிக்கப்
படுகிறது:
A. இவ்விடைக்கால மனுவை (Interlocutory Application) அனுமதித்து, திராவிட முன்னேற்றக் கழகத்தின் (திமுக) அமைப்புச் செயலாளர் ஆர்.எஸ். பாரதியை மேற்கண்ட சிறப்பு அனுமதி மனுவில் (Special Leave Petition) எதிர்மனுதாரராக (Party-Respondent) இணைக்க, நீதியின் நலன் கருதி உத்தரவிட வேண்டும்.
B. இந்த நீதிமன்றத்தின் உத்தரவின்படி மத்திய புலனாய்வு அமைப்பு (CBI) மேற்கொண்டு வரும் விசாரணை நிறைவடையும் வரை,
சி. ஜோசப் விஜய், ஆதவ் அர்ஜுனா, புஸ்ஸி ஆனந்த், சி.டி. நிர்மல் குமார் அல்லது குற்றஎண் 855/2025-இல் குற்றஞ்சாட்டப்பட்டவர்கள் அல்லது விசாரணையுடன் தொடர்புடைய வேறு எவரும், குற்றப்பொறுப்பை யார்மீதும் சுமத்தும் வகையிலோ, அரசியல் எதிரிகளை மிரட்டும் வகையிலோ அல்லது நிலுவையில் உள்ள விசாரணையின் சாராம்சம் குறித்து அதன் நியாயமான மற்றும் சுதந்திரமான போக்கை பாதிக்கும் வகையில் எந்தவொரு பொதுக் கருத்தையும் வெளியிடக் கூடாது என்று உத்தரவிட வேண்டும்.
C. மாநில அரசு, கரூர் நெரிசல் விபத்தில் உயிரிழந்தோர் மற்றும் காயமடைந்தோரின் குடும்பங்களுக்கு இழப்பீடு (Ex Gratia), கருணை அடிப்படையிலான அரசு வேலைவாய்ப்பு (Compassionate Appointment), அரசாணைகள் மற்றும் பிற நலத்திட்ட உதவிகளை வழங்குவதற்கு உரிமை உடையதாக இருந்தாலும், சிபிஐ விசாரணை நிலுவையில் இருக்கும் காலத்தில், நீதிமன்றம் வகுத்துத் தரும் நடைமுறைகள் மற்றும் பாதுகாப்பு ஏற்பாடுகளின் அடிப்படையிலும், முன்மொழியப்படும் நடவடிக்கையை சிபிஐ முன் தாக்கல் செய்த பின்னருமே அவ்வுதவிகள் வழங்கப்பட வேண்டும். இதன் மூலம் நடைபெற்று வரும் விசாரணையின் நேர்மையும், முக்கிய சாட்சிகளின் சாட்சியங்களும் எந்த வகையிலும் பாதிக்கப்படாமல் பாதுகாக்கப்பட வேண்டும்.
D. 02.07.2026 அன்று ஆதவ் அர்ஜுனா வெளியிட்ட பொதுக் கருத்துகள், குற்ற எண் 855/2025 தொடர்பான விசாரணையை பாதிக்கும் வகையிலும், சாட்சிகளைக் கலைக்கும் (Witness Tampering) நோக்கத்துடனும், விசாரணைக்கு இடையூறு விளைவிக்கும் வகையிலும் அமைந்துள்ளதால், அவற்றின் மீது மத்திய புலனாய்வு அமைப்பு (CBI) வழக்குப் பதிவு செய்து, சட்டப்படி நடவடிக்கை எடுக்க உத்தரவிட வேண்டும்.
E. இவ்வழக்கின் உண்மை நிலை மற்றும் சூழ்நிலைகளை கருத்தில் கொண்டு, நடைபெற்று வரும் விசாரணையின் நியாயம், சுதந்திரம் மற்றும் நேர்மையைப் பாதுகாக்கும் வகையில், நீதிமன்றம் தகுந்ததாகக் கருதும் பிற உத்தரவுகளையும் பிறப்பிக்க வேண்டும்.