சிவகங்கை. ஜூலை 5.
சிவகங்கை மாவட்டம் சிவகங்கை முன்னாள் அரசு வழக்கறிஞர் சன்.சிவக்
குமார் இயற்கை எய்தினார் என்பதை அறிவிக்க
வருந்துகிறோம்.
சிவகங்கை மாவட்டம் காளையார்கோவில் முன்னாள் ஒன்றிய பெருந்தலைவரும் முன்னாள் சென்னை அரசு வழக்கறிஞர் அ.சண்முகம். இவரது மகன் சன்.சிவகுமார் (வயது 52) இவர் முன்னாள் மாவட்ட அரசு வழக்கறிஞர். இவர் மாணவராக இருந்ததில் இருந்து கழகத்தில் பற்றுகொண்டு தீவிரமாக கழக பணி
ஆற்றியவர்.
இவர் நேற்று காலை (4ம்தேதி) திடீரென்று ஏற்பட்ட உடல்நல குறைவால் சிவகங்கைடி.புதூரில் உள்ள அவரது இல்லத்தில் இயற்கை எய்தினார்.
சிவக்குமாருக்கு மனைவி, ஒரு மகன் ஒரு மகள் மற்றும் சகோதரர் சகோதரிகள் உள்ளார்கள்.
சிவகுமாரின் உடலுக்கு முன்னாள் அமைச்சரும் சிவகங்கை மாவட்ட கழக செயலாளர் கே.ஆர்.பெரியகருப்பன் மலர்வளையம் வைத்து மரியாதை செலுத்தினார் சிவக்குமார் மனைவி, மற்றும் மகள், குடும்பத்தாருக்கு ஆறுதல் கூறினார் .
தொடர்ந்து மாவட்ட வழக்கறிஞரணி அமைப்பாளர் எஸ்.பாஸ்கரன், வழக்கறிஞர்கள் ஆதி.அழகர்சாமி, ஆர்.பிரபாகரன்,கே.பாலசுப்பிரமணியன், மாவட்ட செய்தி தொடர்பாளர் அ.அயூப்கான், மாவட்ட அயலக அணி தலைவர் கேப்டன் ஆர்.வி.சரவணன், காளையார்கோவில் வடக்கு ஒன்றிய கழக செயலாளர் ஆர்.எம்கென்னடி, துணைச் செயலாளர் எஸ்.முத்துகுமார், மற்றும் வழக்கறிஞர்கள் கழக நிர்வாகிகள் பொதுமக்கள் அஞ்சலி செலுத்தினார்கள். சன் சிவக்குமாரின் உடல் அவரது சொந்த ஊரான காளையார் கோவில் தாலுகா ஆள்பட்ட விடுதியில் நல்லடக்கம் செய்யப்பட்டது.