சென்னை, ஜூலை 6–

தமி­ழ­கத்­தில் புதிய ரேஷன் கார்டு விண்­ணப்­பம் செய்து சுமார் 6 லட்­சம் பேர்காத்­தி­ருக்­கி­றார்­கள். தமி­ழ­கம் முழு­வ­தும் பொது விநி­யோ­கத் திட்­டத்­தின்கீழ் 34,911 ரேஷன் கடை­கள் மூலம் விலை­யில்லா அரிசி, சர்க்­கரை, கோதுமை, பாமா­யில், மற்­றும் துவ­ரம் பருப்பு போன்ற அத்­தி­யா­வ­சிய பொருட்­கள் வழங்­கப்­ப­டு­கின்­றன. 2 கோடியே 28 லட்­சத்து 41 ஆயி­ரத்து 335 குடும்ப அட்­டை­கள் தற்­போது உள்­ளன. இவற்­றின் மூலம் சுமார் 7 கோடி பேர் பயன் அடைந்து வரு­கி­றார்­கள்.

ரேஷன் கார்­டு­கள் மூலமே அர­சின் நலத்­திட்­டங்­கள் வழங்­கப்­ப­டு­வ­தால் அதனை வாங்­கு­வ­தில் தீவி­ர­மாக உள்­ள­னர். கடந்த டிசம்­பர் மாதம் 16ம் தேதி முதல் புதிய ரேஷன் கார்டு வழங்­கு­வது நிறுத்தி வைக்­கப்­பட்­டது. தேர்­த­லுக்­காக மார்ச் 31ம் தேதி வரை நிறுத்தி வைக்­கப்­பட்­டது. தமி­ழ­கத்­தில் ஆட்சி மாற்­றம் ஏற்­பட்டு புதிய முதல்­வ­ராக விஜய் பொறுப்­பேற்ற பின்­னர் இன்­னும் புதிய ரேஷன் கார்டு வழங்­கப்­ப­டா­மல் இருந்து வரு­கி­றது. கடந்த 6 மாத­மாக புதிய ரேஷன் கார்டு கிடைக்­கா­மல் பொது­மக்­கள் பல்­வேறு சிர­மங்­களை சந்­தித்து வரு­கி­றார்­கள். மார்ச் மாதம் வரை சுமார் 3 லட்­சம் புதிய ரேஷன் கார்­டு­கள் கேட்டு விண்­ணப்­பித்து இருக்­கி­றார்­கள். இதில் 21,000 மனுக்­கள் தவிர மற்ற அனைத்து விண்­ணப்­பங்­க­ளும்ஏற்­றுக்­கொள்­ளப்­பட்டு பரி­சீ­ல­னை­யில் உள்­ளன. ஏப்­ரல், மே, ஜூன் ஆகிய3 மாதங்­க­ளி­லும் மேலும் சுமார் 3 லட்­சம் விண்­ணப்­பங்­கள் தமிழ்­நாடு மின் ஆளுமை துறைக்கு வந்துஉள்­ளன.

இது­கு­றித்துஅதி­கா­ரி­கள் கூறி­ய­தா­வது:

3 லட்­சம் புதிய ரேஷன் கார்­டு­கள் அச்­ச­டிக்­கும் பணி நடந்து வரு­கி­றது. ஏப்­ரல், மே, ஜூன் ஆகிய 3 மாதங்­க­ளில் மேலும் 3 லட்­சம் பேர் விண்­ணப்­பித்த படி­வங்­கள் இன்­னும் செயல்­பாட்­டுக்கு வர­வில்லை. புதிய ரேஷன் கார்டு வழங்­கு­வது குறித்து 7 வழி­காட்டு நெறி­மு­றை­கள் பின்­பற்­றப் ­ப­டு­கின்­றன. ஒரே எண் கொண்ட வீட்­டில் ஒன்­றுக்­கும் மேற்­பட்ட குடும்­பங் ­கள் வசித்­தால் புதிய கார்டு வழங்­கு­வது சிர­மம்.

இத­னால் புதிய ரேஷன் கார்­டு­கள் குறித்த ஆய்வு விசா­ரணை முழு­மை­யாக மேற்­கொண்டு அதனை முறைப்­ப­டுத்­தி­ னால் மட்­டுமே அனு­ம­திக்­கப்­ப­டும். அத­னால் தாம­தம் ஏற்­ப­டு­கி­றது என்­றார்.

தேர்­த­லுக்­காக நிறுத்தி வைக்­கப்­பட்ட நிலை­யில், தற்­போது தேர்­தல் முடிந்து புதிய ஆட்சி அமைந்து 2 மாதம் ஆன பிற­கும் புதிய ரேஷன் கார்டு வழங்­கா­த­தால் பொது­மக்­கள் எதிர்­பார்ப்­பு­டன் காத்­தி­ருக் ­கி­றார்­கள்.