சென்னை, ஜூலை 6–

‘முன்­னாள் அமைச்­சர் சி.விஜ­ய­பாஸ்­கர், முன்­னாள் சென்னை மாந­கர காவல் ஆணை­யர் எஸ்.ஜார்ஜ் உள்­ளிட்­டோ­ருக்கு எதி­ரான குட்கா முறை­கேடு வழக்கை 12 வார காலத்­துக்­குள் விசா­ரித்து முடிக்க வேண்­டும்’ என சிறப்பு நீதி­மன்­றத்­துக்கு சென்னை உயர் நீதி­மன்­றம் உத்­த­ர­விட்­டுள்­ளது.

தமி­ழ­கத்­தில் தடை செய்­யப்­பட்டகுட்கா உள்­ளிட்ட புகை­யி­லைப் பொருட்­களை சட்­ட­வி­ரோ­த­மாக விற்­பனை செய்ய கோடிக்­க­ணக்­கில் லஞ்­சம் பெற்­றுள்­ள­தாக வரு­மான வரித் துறை அளித்த அறிக்­கை­யின் அடிப்­ப­டை­யில் முன்­னாள் அமைச்­சர்­க­ளான பி.வி.ரமணா, சி.விஜ­ய­பாஸ்­கர், சென்னை காவல்­துறை முன்­னாள் ஆணை­யர் எஸ். ஜார்ஜ், முன்­னாள் டிஜிபி டி.கே.ராஜேந்­தி­ரன் உள்­ளிட்ட 26 பேர் மீது சிபிஐ வழக்­குப்­ப­திவு செய்­தது.

இந்த வழக்கு விசா­ரணை, எம்.பி, எம்­எல்­ஏ-க்­கள் மீதான வழக்­கு­களை விசா­ரிக்­கும் சிறப்பு நீதி­மன்­றத்­தில் நிலு­வை­யில் இருந்து வரு­கி­றது. சிறப்பு நீதி­மன்­றத்­தில் மனு இந்­நி­லை­யில், இந்த வழக்­கில் விசா­ரணை அதி­கா­ரி­யி­டம் வாக்­கு­மூ­லம் அளிக்­காத பலர் நீதி­மன்ற விசா­ர­ணைக்கு சாட்­சி­க­ளாக சேர்க்­கப்­பட்­டுள்­ள­னர். எனவே அவர்­களை சிபிஐ தரப்பு சாட்­சி­கள் பட்­டி­ய­லில் இருந்து நீக்க வேண்­டும். அல்­லது அனைத்து சாட்­சி­க­ளின் வாக்­கு­மூ­லங்­க­ளின் நகல்­களை வழங்க உத்­த­ர­விட வேண்­டும் என்று சென்னை காவல்­துறை முன்­னாள் ஆணை­யர் ஜார்ஜ் தரப்­பில் சிறப்பு நீதி­மன்­றத்­தில் மனுத்­தாக்­கல் செய்­யப்­பட்­டி­ருந்­தது.

கோரிக்­கையை ஏற்க மறுப்பு: இந்த மனுவை சிறப்பு நீதி­மன்­றம் தள்­ளு­படி செய்­ததை எதிர்த்து, ஜார்ஜ் தரப்­பில், சென்னை உயர் நீதி­மன்­றத்­தில் மேல்­மு­றை­யீடு செய்­யப்­பட்­டது. இந்த மனுவை விசா­ரித்த நீதி­பதி ஜி.கே.இளந்­தி­ரை­யன், ‘‘குட்கா முறை­கேடு வழக்­கில் மொத்­தம் 278 சாட்­சி­கள் வழக்­கில் சேர்க்­கப்­பட்­டுள்ள நிலை­யில், சில சாட்­சி­க­ளின் வாக்­கு­மூ­லங்­கள் முறை­யா­கப் பதிவு செய்­யப்­ப­ட­வில்லை.

பதிவு செய்­யப்­பட்ட சாட்­சி­க­ளின் வாக்­கு­மூ­லங்­கள் மனு­தா­ர­ருக்கு ஏற்­கெ­னவே வழங்­கப்­பட்­டுள்ள நிலை­யில், மனு­தா­ர­ரின் கோரிக்­கையை ஏற்க மறுத்து சிறப்பு நீதி­மன்­றம் பிறப்­பித்த உத்­த­ர­வில் எந்த தவ­றும் இல்லை என்­ப­தால் மனு­தா­ரர் தாக்­கல் செய்­துள்ள மனு தள்­ளு­படி செய்­யப்­ப­டு­கி­றது. இந்த குட்கா முறை­கேடு வழக்கை சிறப்பு நீதி­மன்­றம் 12 வார காலத்­துக்­குள் விசா­ரித்து முடிக்க வேண்­டும்’’ என உத்­த­ர­விட்­டுள்­ளார்.