மதுரை, ஜூலை 6 –

மதுரையில் அமைச்சர் சி.டி.ஆர் நிர்மல்குமார் பங்கேற்ற நிகழ்ச்சியில் த.வெ.க. எம்.எல்.ஏ.-க்க ளான கல்லாணை மற்றும் கோபிசன் ஆகியோர் பங்கேற்கவில்லை. இதனால் டென்ஷனான அமைச்சர் சி.டி.ஆர் நிர்மல்குமார் மேடையில் ஏறி இருக்கை யில் கூட அமராமல் வெளியேறினார். இதனால் மதுரை மாவட்ட தவெக நிர்வாகிகள் மத்தியில் மிகப்பெரிய மோதல் வெடித்துள்ளதாக பேச்சுகள் எழுந்துள்ளன.

மதுரையில் மருத்துவக் கல்லூரியில் அரசு ஆய்வக நுட்புனர் சங்க வெள்ளி விழா ஆண்டு மலர் வெளியீட்டு நிகழ்ச்சி நடைபெற்றது. இந்த நிகழ்ச்சிக்கு அமைச்சர் சிடிஆர் நிர்மல்குமார் வந்திருந்தார். ஆனால்அழைப்பிதழில் எம்.எல்.ஏ.க்்களான கல்லாணை மற்றும் கோபிசன் ஆகியோரின் பெயர்களும் இடம் பெற்றிருந்தன. அவர்கள் வரவில்லை.

இதனால் டென்ஷனான அமைச்சர் சி.டி.ஆர். நிர்மல் குமார், மேடையில் ஏறிய அடுத்த நொடியே இருக்கை யில் கூட அமராமல் அப்படியே கீழே வந்து நிகழ்ச்சியில் பங்கேற்காமல் புறப்பட்டு சென்றார். இந்த சம்பவம் மதுரை மாவட்ட த.வெ.க.வினர் மத்தியில் அதிர்ச்சியை ஏற்படுத்தி யுள்ளது. ஏனென்றால் மதுரை மாவட்ட பொறுப்புஅமைச்சராக சிடிஆர் நிர்மல்குமார் இருந்து வருகிறார் என்பது குறிப்பி டத்தக்கது.

ஆனால், த.வெ.க. ஆட்சி அமைத்த போது, கல்லாணை அல்லது தங்கப்பாண்டி ஆகியோரில் ஒருவருக்கு அமைச்சர் பதவி கிடைக்கும் என்று எதிர்பார்த்திருந்தனர். ஆனால் இருவருமே அமைச்சரவையில் இடம் பெறவில்லை. இதனால் சிடிஆர் நிர்மல்குமார் மீது இரு தரப்புமே அதிருப்தியில் இருப்பதாக சொல்லப்பட்டு வந்தது.

இதன் காரணமாக அமைச்சர் சி.டி.ஆர். நிர்மல் குமாருடன் மோதல் போக்கு ஏற்பட்டுள்ளதாக சொல்லப்படுகிறது. ஆனால் கல்லாணை தரப்பில் நிகழ்ச்சிக்கு வராததிற்கு பிற காரணங்கள் சொல்லப் படுகிறது.