சென்னை, ஜூலை 6 –
பொது இடத்தில் போதைப்பொருள் பயன்படுத்திய த.வெ.க. அமைச்சர் சரத்குமாரின் வீடியோவை வெளியிட்டதாக மிரட்டப்பட்ட அவரது நண்பர் சரண் ஜெயராமனை மற்றொரு பொய் வழக்கில் காவல்துறையினர் கைது செய்துள்ளனர்.
ஐ.பி.எல் போட்டியின் போது அமைச்சர் சரத்குமார் செல்போனில் ஏ.டி.எம் கார்டை வைத்து போதைப் பொருளை நசுக்குவது போன்ற வீடியோ சமூக வலைதளங்களில் வைரலானது. இந்த விவகாரத்தால் அமைச்சர் சரத்குமாரை பதவி நீக்கம் செய்யக் கோரி திமுக சார்பில் தமிழகம் முழுவதும் போராட்டங்கள் நடைபெற்றன.
அமைச்சர் சரத்குமாரின் நண்பர் சரண் ஜெயராமன் இந்த வீடியோவை வெளியிட்டதாக த.வெ.க.வினர் கூறி வருகின்றனர். தனக்கும் தனது குடும்பத்திற்கும் அமைச்சர் ஆதரவாளர்களால் ஆபத்து உள்ளதாகக் கூறி, சரண் ஜெயராமன் தாம்பரம் காவல் ஆணையரிடம் இரு தினங்களுக்கு முன் புகார் அளித்திருந்தார். அமைச்சர் சரத்குமாரின் ஆதரவாளர்கள் கத்தியுடன் வந்து தன்னை மிரட்டுவதாக வும் அந்த புகாரின் சரண் ஜெயராமன் தெரிவித்திருந்தார்.
இந்நிலையில், போதைப் பொருள் வீடியோவை அம்பலப்படுத்தியதால் பழிவாங்கும் நடவடிக்கையாக மற்றொரு பொய் வழக்கில் சரண் ஜெயராமனை போலீசார் நேற்று அதிகாலை கைது செய்தனர். தமிழ்நாட்டில் சட்டம் ஒழுங்கு சீர்குலைந்து கொலை, கொள்ளை, பாலியல் வன்கொடுமைகள் அதிகரித்துள்ளதை வேடிக்கை பார்க்கும் த.வெ.க. அரசு, தங்களை விமர்சிப்பவர்களையும், தங்களின் உண்மை முகத்தை யும் அம்பலப்படுத்துபவர்களையும் பழிவாங்கும் நோக்கில் கைதுசெய்வதாக விமர்சனங்கள் எழுந்துள்ளன.