நெல்லை, ஜுலை 6–
திருப்பரங்குன்றம் மலைமீது ஒன்றியஅரசு அதிகாரி ஆய்வு நடத்த தமிழக அரசு அனுமதி என்று தொடர்ந்து தமிழக மக்களைவஞ்சிக்கும் இந்த த.வெ.க. அரசு தமிழ்நாட்டின்உரிமைகளையும் பெருமைகளையும் 55 நாட்களில் பறிகொடுத்து நிற்கிறது. தமிழ்நாட்டில் நடப்பது
த.வெ.க. ஆட்சியா? அல்லது ஆர்.எஸ்.எஸ்.ஆட்சியா?
தமிழக மக்கள் தெளிவு பெறுவார்களா? என முன்னாள் சட்டப்பேரவைத் தலைவர்
மு.அப்பாவு கேள்வி எழுப்பியுள்ளார்.
இது தொடர்பாக முன்னாள் சட்டப்பேரவைத் தலைவர் மு.அப்பாவு தனது எக்ஸ் வலைதள பதிவில் கூறியிருப்ப தாவது:–
தமிழ்நாடு முதலமைச்சர் பதவியில் இருந்து தி.மு.க. தலைவர் மு.க.ஸ்டாலின் அவர்கள் விலகி 55 நாட்களில் தமிழக மக்கள் இழந்த உரிமைகளும்,பெருமைகளும் ஏராளம். ஆளுநரின் அதிரடி ஆய்வு, கன்னியாகுமரி மாவட்ட கடலோர மீனவ கிராமத்தில் அணு கனிம சுரங்க அனுமதி நீட்டிப்பு. தலைவர் கலைஞர் அவர்களால் இஸ்லாமியர்களுக்கு வழங்கப்பட்ட 3.5 சதவீத இட ஒதுக்கீடு நீதிமன்றம் மூலம் பறிப்பு.
பக்ரீத் பண்டிகையின் போது பொது இடத்தில் தொழுகை நடத்தவும், பலியிடவும் நீதிமன்ற தடை,சிறுபான்மையினரின் கல்வி நிறுவனங்களில் உரிமையைபறிக்கும் வெளிநாட்டு நிதி உதவி ஒழுங்குபடுத்தும் சட்டம் (FCRA) கிறிஸ்தவ தேவாலயங்கள்மற்றும் இஸ்லாமிய தொழுகை கூடங்கள் கட்ட ஒரு மாதத்திற்குள்அனுமதி வழங்கும் சட்டத்திற்கு நீதிமன்றத் தடை
(உதாரணம் கோவை CSI தேவாலயம் கட்ட தடை).
திருப்பரங்குன்றம் மலைமீது ஒன்றிய அரசு அதிகாரிகள் ஆய்வு நடத்த தமிழக அரசு அனுமதிஎன்று தொடர்ந்து தமிழக மக்களை வஞ்சிக்கும் இந்த த.வெ.க. அரசை தாங்கிப் பிடிக்கும் காங்கிரஸ் இதனை ஏற்கிறதா? தம்பி திருமாவளவன் ஆதரிக்கிறாரா? இடதுசாரி தோழர்கள்அங்கீகரிக்கிறார் களா? IUML தலைவர்கள் சம்மதிக்கிறார்களா? தலைவர் கலைஞர் அவர்களாலும் தளபதி மு.க.ஸ்டாலின் அவர்களாலும் பல பதவிகளை பெற்ற வைகோ இதனை பார்த்து மன மகிழ்ச்சி கொள்கிறாரா?
தமிழ்நாட்டில் நடப்பது
த.வெ.க. ஆட்சியா? அல்லது ஆர்.எஸ்.எஸ்.ஆட்சியா? தமிழ்நாட்டின் உரிமைகளையும்,பெருமைகளையும் 55 நாட்களில் பறிகொடுத்து நிற்கும் தமிழக மக்கள் தெளிவு பெறுவார்களா? த.வெ.க.வின்தோழமைக் கட்சிகளே தமிழகமக்களின் நலன் குறித்து
இனியாவது சிந்திப்பீர்களா?
அல்லது தொடர்ந்து இந்த
அரசுக்கு இன்னமும் முட்டுக்
கொடுக்கப் போகிறீர்களா?
இவ்வாறு முன்னாள் பேரவைத் தலைவர் மு.அப்பாவு தனது எக்ஸ் வலைதளத்தில் கூறியுள்ளார்.