சென்னை, ஜூலை 6–
தமிழக வெற்றிக் கழக அமைச்சர் மரிய வில்சனின் சகோதரர் மரிய கிளோது, தங்களின் உயிருக்கு ஆபத்து இருப்பதாகப் பரபரப்பான குற்றச்சாட்டை முன்வைத்துள்ளார்.
அமைச்சர் மரிய வில்சன் தரப்பில் இருந்து தங்களுக்கு எதிரான வழக்கைத் திரும்பப் பெறுமாறு தொடர்ந்து கடுமையான அழுத்தங்கள் கொடுக்கப்பட்டு வருவதாக அவர் கூறியுள்ளார். இத்தகைய அச்சுறுத்தல்களுக்கு மத்தியிலும், தாங்கள் எக்காரணத்தைக் கொண்டும் வழக்கிலிருந்து பின்வாங்கப் போவதில்லை என்று அவர் திட்ட வட்டமாகத் தெரிவித்துள்ளார்.
முன்னதாக, தனது சகோதரரான மரிய கிளோதுவின் வீட்டுக்குள் புகுந்து தாக்குதல் நடத்தியதாக அமைச்சர் மரிய வில்சன் மீது ஒரு வழக்கு தொடரப்பட்டிருந்தது. இந்த வழக்கு நேற்று நீதிமன்றத்தில் விசாரணைக்கு வந்தபோது, அமைச்சர் மரிய வில்சன் ஆஜராகவில்லை. இதனைத் தொடர்ந்து, இந்த வழக்கின் அடுத்தகட்ட விசாரணை யின் போது அமைச்சர் மரிய வில்சன் நீதிமன்றத்தில் கட்டாயமாக ஆஜராக வேண்டும் என்று நீதிமன்றம் அதிரடி உத்தரவைப் பிறப்பித்துள்ளது.
அமைச்சர் தரப்பிலிருந்து கொடுக்கப்படும் தொடர் அழுத்தங்கள் மற்றும் உயிருக்கு இருக்கும் ஆபத்து குறித்தான இந்த விவகாரம், தவெக அரசு வட்டாரத்திலும் பொதுமக்கள் மத்தியிலும் தற்பொழுது பெரும் அதிர்வலைகளை ஏற்படுத்தியுள்ளது. நீதிமன்ற உத்தரவுக்குப் பிறகு இந்த வழக்கில் அடுத்து என்ன நடக்கப் போகிறது என்ற எதிர்பார்ப்பும் அதிகரித்துள்ளது.