சென்னை, ஜூலை 6–
சென்னை பல்லாவரத்தில் நடைபெற்ற திருவாரூர் கண்ணன் இல்ல மணவிழாவை நடத்தி வைத்து மணமக்களை வாழ்த்தி உரையாற்றுகையில் எதிர்க்கட்சித் தலைவர் உதயநிதி ஸ்டாலின் அவர்கள் ‘‘மணமக்கள் ஒருவருக்கொருவர் விட்டுக் கொடுத்து நல்ல நண்பர்களாக சுயமரியாதையோடு வாழ வாழ்த்துகிறேன்.’’ என்று குறிப்பிட்டார்.
சட்டப்பேரவை எதிர்க்கட்சித் தலைவர் உதயநிதி ஸ்டாலின் அவர்கள் மணமக்களை வாழ்த்திப் பேசியதாவது:–
திருவாரூர் கண்ணன் மாமா – வள்ளி அத்தை அவர்களுடைய பேத்தியும், என்னுடைய அருமை நண்பர் தம்பிதுரை – ஆனந்தவள்ளி அவர்களின் அன்பு மகளுமான கண்மணி மற்றும் வேலூரைச் சேர்ந்த ஸ்ரீனிவாசன், பிரியதர்ஷினி ஆகியோரின் அன்பு மகன் ஸ்ரீமாதேஸ்வரன் ஆகியோருடைய திருமணத்தை இங்கே நடத்தி வைப்பதில் மிகுந்த மகிழ்ச்சி அடைகிறேன்.
திருமண வாழ்க்கையில் அடி எடுத்து வைக்கக்கூடிய மணமக்களுக்கு முதலில் அத்தனை பேரின் சார்பாக என் வாழ்த்துகளைத் தெரிவித்துக் கொள்கிறேன்.
இந்தத் திருமணத்தை நம் கழகத் தலைவர் அவர்கள் நடத்தி வைப்பதாக இருந்தது. தலைவரின் சார்பாக இன்றைக்கு இந்தத் திருமணத்தை நடத்தி வைக்கின்ற வாய்ப்பை நான் பெற்றிருக்கிறேன். இந்தத் திருமணம் எங்களுடைய இல்லத் திருமணம், இன்னும் பெருமையாகச் சொல்ல வேண்டும் என்றால், கலைஞருடைய குடும்பத் திருமணம் என்கின்ற உரிமையோடு, அன்போடு இங்கே கலந்துகொள்ள வந்திருக்கிறேன்.
திருக்குவளை பந்தம்
முத்தமிழறிஞர் கலைஞர் அவர்களின் குடும்பத்துக்கும் நம் கண்ணன் மாமா அவர்களின் குடும்பத்திற்குமான பந்தம், இன்றைக்கு நேற்றைக்கு உருவான பந்தம் கிடையாது. இது திருக்குவளையில் உருவாகிய பந்தம். திருக்குவளை யில் கலைஞர் அவர்களின் பக்கத்து வீட்டில்தான் கண்ணன் மாமாவின் அப்பா, மறைந்த பெரியவர் சண்முகம் தாத்தா அவர்கள் இருந்தார்கள். அவர் வீடு அங்கேதான் இருந்தது.
அத்தான் தாத்தா’
பெரியவர் சண்முகம் தாத்தா அவர்களை நாங்கள் அத்தனைபேரும், எங்களுடைய குடும்பத்தில் இருக்கிறவர்கள் அத்தனைபேரும் அத்தான் தாத்தா, அத்தான் தாத்தா என்றுதான் கூப்பிடு வோம். அதற்கு என்னகாரணம் என்றால், கலைஞர் அவர்களுக்கு அவர்அத்தான் முறை. கலைஞர் அவர்கள் அவரை அத்தான், அத்தான் என்றுதான் பாசத்தோடு அழைப்பார்கள். அதைப் பார்த்து நாங்கள் எல்லாம் அவரை `அத்தான் தாத்தா’ என்று செல்லமாகக் கூப்பிடுவோம்.
திருவாரூரில் கலைஞருடைய பக்கத்து வீட்டில்தான் அவர்களுடைய குடும்பத்தினர் தங்கியிருந்தார்கள். அதே மாதிரி, கலைஞர் அவர்கள் சென்னைக்கு வந்து கோபாலபுரம் இல்லத்தில் குடியேறிய உடனே, கலைஞர் வீட்டுப் பக்கத்திலேயே அவர்களும் குடிவந்தார்கள். இந்தத் திருமணத்திற்கு வந்த பிறகு மணமேடையில் இருப்பவர்களை எல்லாம் பார்த்த பிறகு, எனக்குப் பழைய நினைவுகள் எல்லாம் என் ஞாபகத்திற்கு வந்தன.
ஒன்றாக வளர்ந்தவர்கள்
நான் குழந்தையாக இருக்கும் பொழுது கோபாலபுரத்தில் கலைஞர் வீட்டிலே இருந்ததை விட, நம் `அத்தான் தாத்தா’ வீட்டிலே இருந்ததுதான் அதிகம். அங்கேதான் நான் வளர்ந்தேன். இன்னும் சொல்லப்போனால், நம் அத்தான் தாத்தா அவர்கள், கண்ணன் மாமா, வள்ளி அத்தை அவர்கள்தான் என்னையும் என்னுடைய சகோதரிகள், அவர்களையெல்லாம் தூக்கி வளர்த்தது. கலைஞர் குடும்பத்தில் என் வயதை ஒத்திருப்பவர்கள் எல்லாரையும் தூக்கி வளர்த்தது அவர்கள்தான்.
மணப்பெண்ணின் தந்தை, அருமை நண்பர் தம்பிதுரை, அவரின் சகோதரர் வளவன், நான், எங்கள் வீட்டில் இருக்கக்கூடிய என் சகோதரர்கள், சகோதரிகள் எல்லாம் ஒன்றாக வளர்ந்தவர்கள். ஒன்றாகச் சாப்பிடுவோம். அங்கே இருக்கக்கூடிய தெருக்களில், கோபாலபுரத்தில் ஒன்றாக கிரிக்கெட் விளையாடியிருக்கிறோம்.
அவர்கள் வீட்டில் எந்த நிகழ்ச்சியாக இருந்தாலும், கலைஞர் குடும்பம் முதலில் அங்கே வந்துநிற்கும். அதே மாதிரி கலைஞர் அவர்களும்,தயாளு பாட்டியும் முன்னின்று அவர்கள் இல்ல நிகழ்ச்சிகள் அத்தனையையும் நடத்தி வைத்திருக்கிறார்கள். அதே மாதிரி கலைஞர் அவர்களின் குடும்ப நிகழ்வுகளில் நம் கண்ணன் மாமாவும், வள்ளி அத்தையும், அவர்களுடைய குடும்பத்தின ரும் எல்லோரும் ஒன்றாகப் பங்கேற்று இருக்கிறார்கள்.
காதல் திருமணம்
இன்றைக்கு இந்தத் திருமணம் ஒரு சுயமரியாதைத் திருமணமாக நடந்துகொண்டிருக்கிறது. இன்னொரு கூடுதல் மகிழ்ச்சி, இங்கே வந்ததற்கு பிறகுதான் சொன்னார்கள், இதுஒரு காதல் திருமணம் என்று சொன்னார்கள். அதற்கும் மீண்டும் என் வாழ்த்துகளைத் தெரிவித்துக் கொள்கிறேன்.
திருமணம் என்றாலே, அதுவும் பொதுவாகக் காதல் திருமணம் என்றால்உங்களுக்குத் தெரியும். திருமணத்திற்கு முன்பு அப்பா, அம்மா ஒப்புக்கொள்ள மாட்டார்கள். அப்பா, அம்மா ஒப்புக்கொண்டார்கள் என்றால்,சொந்தக்காரர்கள் யாராவது பிரச்சினைக்கு வருவார்கள். பெரியப்பாபிரச்சினை செய்வார்கள். இந்தப் பக்கம் பொண்ணு வீட்டில் ஏதாவது ஒரு பிரச்சினையைக் கிளப்பி விடுவார்கள்.
பல்வேறு போராட்டங்களுக்குப் பிறகு, இன்றைக்கு இந்த ஜோடி காதல் திருமணமாக இணைய இருக்கிறார்கள். இதன் பிறகு நீங்கள் இருவரும் சுயமரியாதையோடு, நல்ல நண்பர்களாக, அதேபோலக் காதலர்களாக எதையும் விட்டுக்கொடுக்காமல், விட்டுக்கொடுக்க வேண்டிய விஷயத்தை விட்டுக் கொடுத்து, எந்தப் பிரச்சினையாகஇருந்தாலும், உங்களுக்குள்ளே பேசித் தீர்த்துக்கொண்டு, நல்ல மணமக்களாக நீங்கள் இருவரும் சிறப்பாக உங்களின் வாழ்க்கையை அமைத்துக் கொள்ள வேண்டும் என்று கேட்டுக்கொண்டு, நம் தலைவர் அவர்கள் எந்தத் திருமணத்திற்குச் சென்றாலும், ஒரே ஒரு கோரிக்கையைத்தான் வைப்பார்கள்.
உங்களுக்குப் பிறக்கக்கூடிய குழந்தை, ஆண் குழந்தையாக இருந்தாலும் சரி, பெண் குழந்தையாக இருந்தாலும் சரி, அதற்கு அழகான ஒரு தமிழ்ப் பெயரை நீங்கள் சூட்ட வேண்டும் என்று கூறிக்கொண்டு, மணமக்களை உங்கள் அத்தனை பேரின் சார்பாகவும் மீண்டும் என் வாழ்த்துகளைத் தெரிவித்துக் கொள்கிறேன்.
இவ்வாறு சட்டப்பேரவை எதிர்க்கட்சித் தலைவர் உதயநிதி ஸ்டாலின் மணமக்களை வாழ்த்திப் பேசினார்.
பங்கேற்றவர்கள்
சென்னை வடக்கு மாவட்டச் செயலாளர் – முன்னாள் அமைச்சர் தா.மோ.அன்பரசன், தாம்பரம் மாநகர செயலாளர் எஸ்.ஆர்.ராஜா, ஒன்றியக் கழகச் செயலாளர் ஜி.கே.ரவி, வட்டச் செயலாளர்கள் வெங்கடேசன், முருகையன், ஆதிமாறன், தலைமைச் செயற்குழு மற்றும் பொதுக்குழு உறுப்பினர்கள், மாவட்ட மாணவர் அணி அமைப்பாளர் முனைவர் பிரபு, மாநகர இளைஞர் அணி அமைப்பாளர் சத்தியபிரபு, துணை அமைப்பாளர் தினேஷ், மாநகர மாணவர் அணி துணை அமைப்பாளர் இளவரசு, பகுதி இளைஞர் அணி அமைப்பாளர்கள் சரத், டில்லி, சாகுல் ஹமீது உள்பட கழக முன்னணியினர் பலரும் கலந்துகொண்டனர்.