சென்னை,ஜூலை.7–

நெம்­மே­லி­யில் ரூ.1516.82 கோடி மதிப்­பீட்­டில் நாள் 1–க்கு 150 மில்­லி­யன் லிட்­டர் உற்­பத்தி திறன் கொண்ட 2–வது கடல் நீரைக் குடி­நீ­ராக்­கும் திட்­டத்தை அப்­போது முதல்­வ­ராக இருந்த தள­பதி மு.க.ஸ்டாலின் அவர்­கள் தொடங்கி வைத்த போது, கம்­பீ­ர­மாக அமைக்­கப்­பட்ட பிரம்­மாண்ட கல்­வெட்­டில் திறந்து வைத்­த­வர் முதல்­வர் மு.க.ஸ்டாலின் பெயர் இருந்­த­தால் அக்­கல்­வெட்டை அகற்­றப்­பட்­ட­தற்கு கடும் கண்­ட­னத்தை தெரி­வித்­துக் கொள்­வ­தோடு, ஒரு­வா­ரத்­திற்­குள் மீண்­டும் அக்­கல்­வெட்டை அமைக்­கா­விட்­டால் மாவட்ட தி.மு.க. சார்­பில் மாபெ­ரும் போராட்­டம் நடத்­து­வோம் என்று முன்­னாள் அமைச்­சர் – காஞ்­சி­பு­ரம் வடக்கு மாவட்­டக் கழ­கச் செய­லா­ளர் தா.மோ.அன்­ப­ர­சன் ஆவே­ சத்­து­டன் பேட்­டி­ய­ளித்­துள்­ளார்.

சென்னை அண்ணா அறி­வா­ல­யத்­தில் நிரு­பர்­க­ளுக்கு அவர் அளித்த பேட்டி வரு­மாறு:–

சென்னை மாந­க­ரின் குடி­நீர்த் தேவையை தீர்ப்­ப­தற்­காக கடந்த 2006 – 2011–ஆம் ஆண்டு கலை­ஞர் ஆட்­சி­யில், மாமல்­ல­பு­ரத்தை அடுத்த நெம்­மே­லி­யில் நாள் ஒன்­றுக்கு 100 மில்­லி­யன் லிட்­டர் உற்­பத்தி திறன் கொண்ட கடல் நீரை குடி­நீ­ராக்­கும் நிலை­யம் அமைப்­ப­தற்­கான திட்­டப் பணி­களை அன்­றைய துணை முதல் அமைச்­ச­ராக இருந்த தள­பதி மு.க.ஸ்டாலின் அவர்­கள் 23–2–2010 அன்று அடிக்­கல் நாட்­டி­னார்.

9 லட்சம் மக்கள் பயன்பெறுகின்றனர்!

பின்­னர் அந்த திட்­டப் பணி­கள் அ.தி.மு.க. ஆட்­சி­யில் செயல்­பாட்­டுக்கு வந்­தது. தள­பதி மு.க.ஸ்டாலின் அவர்­க­ளால் கொண்டு வரப்­பட்ட இந்த திட்­டத்­தின் மூலம் சோழிங்­க­நல்­லூர், நீலாங்­கரை – ஈஞ்­சம்­பாக்­கம், காரப்­பாக்­கம், செம்­மஞ்­சேரி, துரைப்­பாக்­கம், பெருங்­குடி, கொட்­டி­வாக்­கம், பால­வாக்­கம், திரு­வான்­மி­யூர், வேளச்­சேரி, தர­மணி, பள்­ளிப்­பட்டு, அடை­யாறு, பெசன்ட் நகர், நந்­த­னம், எம்.ஆர்.சி.நகர், மயி­லாப்­பூர், ராஜா அண்­ணா­ம­லை­பு­ரம் ஆகிய பகு­தி­க­ளில் வசிக்­கும் சுமார் 9 லட்­சம் பொது­மக்­கள் பயன்­பெற்று வரு­கின்­ற­னர்.

அதன்­பின்­னர் 2021–ஆம் ஆண்டு தமிழ்­நாட்­டின் முதல் அமைச்­ச­ராக தள­பதி மு.க. ஸ்டாலின் அவர்­கள் பொறுப்­பேற்ற பின்­னர், பெருகி வரும் மக்­கள் தொகை­யை­யும், விரிந்து வரும் சென்னை மாந­க­ராட்­சி­யின் பரப்­ப­ள­வை­யும்­க­ருத்­தில் கொண்டு புதிய குடி­நீர் திட்­டத்­தை­நி­றை­வேற்றி,

நெம்­மே­லி­யில் ரூ.1516.82 கோடி மதிப்­பீட்­டில் நாள் ஒன்­றுக்கு 150 மில்­லி­யன் லிட்­டர் உற்­பத்தி திறன் கொண்ட இரண்­டா­வது கடல் நீரைக் குடி­நீ­ராக்­கும் நிலை­யத்தை நாட்டு மக்­க­ளு­டைய பயன்­பாட்­டிற்­காக, கடந்த 24–2–2024 அன்று முதல்­வ­ராக இருந்த தள­பதி மு.க.ஸ்டாலின் அவர்­கள் நெம்­மே­லிக்கு நேரில் வந்து இந்த திட்­டத்தை தொடங்கி வைத்­தார்.

இந்த நிலை­யத்­தில் இருந்து பெறப்­ப­டு­கின்ற குடி­நீர் மூலம் தென் சென்னை பகு­தி­யில் அடங்கி உள்ள ஆலந்­தூர், மூவ­ர­சம்­பட்டு, வேளச்­சேரி, புனி­த­தோ­ மை­யர்­மலை, மேட­வாக்­கம், பல்­லா­வ­ரம், சோழிங்­க­நல்­லூர், கீழ்­கட்­டளை, உள்­ள­க­ரம், புழு­தி­வாக்­ கம், மடிப்­பாக்­கம், கோவி­லம்பாக்­கம், நன்­மங்­க­லம் ஆகிய பகு­தி­க­ளில் உள்ள 9 லட்­சம் மக்­கள் பயன் பெறும் வகை­யில் இந்த திட்­டம் மிகச்­சி­றப்­பான வகையில் செயல்பட்டு வரு­கி­றது.

இந்த திட்­டம் தொடங்­கப்­பட்ட போது கடந்த 24–2–2024 அன்று முதல்­வ­ராக இருந்த மு.க.ஸ்டாலின் அவர்­கள் நெம்­மே­லி­யில் இ.சி.ஆர். சாலையை யொட்டி பெரிய கல்­வெட்டை திறந்து வைத்­தார்.

இந்த நிலை­யில் ஆட்­சி­மாற்­றம் ஏற்­பட்டு புதிய முதல்­வ­ராக பொறுப்­பேற்­றுள்ள விஜய் இன்று நெம்­மே­லி­யில் உள்ளகடல்­நீ­ரைக் குடி­நீ­ராக்­கும் திட்­டத்­தின் செயல்­பா­டு ­களை பார்­வை­யிட வருகை தரு­கி­றார்.

முதல் – அமைச்­சர் விஜய் நெம்­மே­லிக்கு வரு­கி­றார் என்­கிற ஒரே கார­ணத்­திற்­காக நெம்­மேலி கடல் நீரை குடி­நீ­ராக்­கும் ஆலைக்கு முன்பு கம்­பீ­ர­மாக அமைக்­கப்­பட்­டி­ருந்த மிகப்­பெ­ரிய கல்­வெட்டு அகற்­றப்­பட்­டுள்­ளது.

ரீல்ஸ் ஆட்சி!

நெம்­மே­லி­யில் ரூ.1516.82 கோடி மதிப்­பீட்­டில் அமைக்­கப்­பட்­டுள்ள கடல் நீரை குடி­நீ­ராக்­கும் நிலை­யத்தை 24–2–2024 அன்று தமிழ்­நாடு முதல் அமைச்­சர் மு.க.ஸ்டாலின் அவர்­க­ளால் தொடங்கி வைக்­கப்­பட்­டது என்று பொறிக்­கப்­பட்­டி­ருந்த அப்­பெ­ரிய கல்­வெட்டு எழுத்­துக்­களை முற்­றி­லும் இர­வோடு இர­வாக அகற்­றப்­பட்­டுள்­ளது. இந்த அரா­ஜ­கச் செயலை மாவட்ட தி.மு.க. சார்­பில் வன்­மை­யாக கண்­டிக்­கி­றோம்.

விஜய் முதல்­வ­ராக பொறுப்­பேற்று 50 நாட்­க­ளாக ஆகி­யும் தமிழ்­நாட்­டில் உள்ள மக்­க­ளுக்­காக எந்த ஒரு புதிய திட்­டத்­தை­யும் செயல்­ப­டுத்­தா­மல் திண­றித்­தி­ணறி திற­மை­யற்ற ஆட்­சியை நடத்தி வரு­கி­றார்.

மாறாக திரா­விட மாடல் ஆட்­சி­யில் கொண்டு வரப்­பட்ட திட்­டங்­களை மட்­டும் செயல்­ப­டுத்தி வரு­கி­றார். அப்­படி செயல்­ப­டுத்­தும் திட்­டங்­களை தம்­மு­டைய அரசு செயல்­ப­டுத்­து­வ­தாக ஸ்டிக்­கர் ஒட்டி ரீல்ஸ் ஆட்­சியை நடத்தி வரு­கி­றார்.

தமிழ்­நாட்­டில் உள்ள இளை­ஞர் களின் திறன் மேம்­பாட்­டிற்­காக திரா­விட மாடல் ஆட்­சி­யில் நான் முதல்­வன் தொடங்­கப்­பட்ட அற்­புத் திட்­டத்­தால் இது­வரை 41 லட்­சம் மாண­வர்­கள் மற்­றும் இளை­ஞர்­கள் பயன் பெற்­றுள்­ளார்.

இந்த திட்­டம் த.வெ.க. தற்­குறி ஆட்­சி­யில் திறன் தமிழ்­நாடு எனப் பெயர் மாற்­றம் செய்­துள்­ள­னர்.

அதைத் தொடர்ந்து முதல்­வர் படைப்­ப­கம் என்ற திட்­டத்­தின் பெய­ரில் உள்ள முதல்­வர் என்ற பெயரை மட்­டும் இந்த அற்ப ஆட்­சி­யில் நீக்­கம் செய்­துள்­ள­னர்.

இந்த இரண்டு திட்­டங்­க­ளில் இருந்த முதல்­வர் என்ற பெயரை மட்­டும் நீக்­கிய இந்த ஆணவ ஆட்­சி­யி­னர் இன்­றைக்கு நெம்­மே­லி­யில் கடல் நீரை குடி­நீ­ராக்­கும் திட்­டத் தொடங்கி வைத்த முதல்­வர் மு.க.ஸ்டாலின் என்று பெயர் பொறிக்­கப்­பட்­டி­ருந்த கல்­வெட்டை அகற்றி இருப்­பது ஆட்­சி­யா­ளர்­க­ளின் ஆண­வத்­தின் உச்­ச­மா­கும்.

சீப்பை ஒளித்து வைத்­தால் திரு­ம­ணம் நின்று விடுமா? என்­பது பிர­ப­ல­மான தமிழ் பழ­மொழி ஆகும்.

நெம்­மே­லி­யில் மு.க.ஸ்டாலின் பெயர் பொறிக்­கப்­பட்ட கல்­வெட்டை இன்­றைக்கு அகற்றி இருக்­க­லாம்.

ஆனால் திரா­விட மாடல் ஆட்­சி­யில் முதல்­வ­ராக இருந்த மு.க.ஸ்டாலின் அவர்­க­ளின் பெயரை மக்­கள் மன­தில் இருந்து நீக்க முடி­யாது.

மக­ளிர் உரி­மைத்­திட்­டம் – மக­ளிர் விடி­யல் பயண திட்­டம் இருக்­கும் வரை இந்த தமிழ்­நாட்டை இன்­றைக்­கும் மக்­கள் மனங்­க­ளில் முதல்­வ­ராக இருந்து தமிழ்­நாட்டை ஆள்­ப­வர் மு.க.ஸ்டாலின் அவர்­கள் தான் என்­பதை யாரா­லும் மறைக்க முடி­யாது.

நெம்­மே­லி­யில் அகற்­றப்­பட்ட அக்­கல்­வெட்டை ஒரு­வா­ரத்­திற்­குள் அமைத்து விடு­வோம் என குடி­நீர் வடி­கால் வாரிய அலு­வ­லர்­கள் என்­னி­டம் உறு­தி­ய­ளித்­துள்­ள­னர்.

அநி­யா­ய­மாக அகற்­றப்­பட்ட அக்­கல்­வெட்டை பழைய வடி­வத்­தில் ஒரு­வா­ரத்­திற்­குள் அமைக்­கா­விட்­டால் மாவட்ட தி.மு.க. சார்­பில் பொதுமக்­க­ளை­யும் – கழ­கத்­தி­ன­ரை­யும் பெருங்­கூட்­ட­மாக திரட்டி மாபெ­ரும் போராட்டம் நடத்­தப் ப­டும் என்று எச்­ச­ரிக்­கி­றேன்.

இவ்­வாறு முன்­னாள் அமைச்­சர்தா.மோ.அன்­ப­ர­சன் கூறி­யுள்­ளார்.