சென்னை, ஜூலை 7–
தமிழக அமைச்சர் ஆதவ் அர்ஜுனா மீது, கடந்த 2025 செப்டம்பர் மாதம் கரூரில் நடைபெற்ற த.வெ.க. மாநாட்டின் போது ஏற்பட்ட கூட்ட நெரிசல் விவகாரம் தொடர்பாக தி.மு.க. தரப்பில் உச்ச நீதிமன்றத்தில் வழக்கு தொடரப்பட்டது. இந்த வழக்கில் அவர் மீது உரிய நடவடிக்கை எடுக்க வேண்டும் என்று வலியுறுத்தப்பட்டது. அந்த வழக்கு இன்று விசாரணைக்கு வருகிறது.
கரூர் கூட்ட நெரிசல் வழக்கு கடந்த 2025-ஆம் ஆண்டு செப்டம்பர் 27-ஆம் தேதி கரூர் பகுதியில் நடைபெற்ற த.வெ.க. பொதுக்கூட்டத்தில் எதிர்பாராதவிதமாக ஏற்பட்ட கூட்ட நெரிசலில் பலர் உயிரிழந்தனர் மற்றும் காயமடைந்தனர். இந்தச் சம்பவத்தில் அமைச்சர் ஆதவ் அர்ஜுனா மீது இரண்டாவது குற்றவாளி (Accused) என்று அடையாளம் காணப்பட்டு சி.பி.ஐ. (CBI) விசாரணை நடந்து வருகிறது.
இந்த வழக்கில் தொடர்புடைய சாட்சிகளைக் கலைக்கும் வகையிலும், வழக்கை திசை திருப்பும் வகையிலும் ஆதவ் அர்ஜுனா பொறுப்பற்ற முறையில் பேசியதாக தி.மு.க. குற்றம் சாட்டியுள்ளது.இந்த விவகாரம் தொடர்பாக தி.மு.க.வின் அமைப்புச் செயலாளர் ஆர்.எஸ். பாரதி உச்ச நீதிமன்றத்தில் இடையீட்டு மனு (Intervention Petition) ஒன்றை தாக்கல் செய்துள்ளார். இதன் விசாரணை உச்ச நீதிமன்றத்தில் அவசர வழக்காக பட்டியலிடப்பட்டு இன்று விசாரணைக்கு வருவதாக அறிவிக்கப்பட்டுள்ளது.
இதுபற்றிய விவரம் வருமாறு:–
திராவிட முன்னேற்றக் கழகம் (தி.மு.க.), அதன் அமைப்புச் செயலாளர் ஆர்.எஸ். பாரதி அவர்களின் மூலம், கரூர் சம்பவம் தொடர்பாக அமைச்சர் ஆதவ் அர்ஜுனாவின் பொறுப்பற்ற, தவறாக வழிநடத்தும், தீங்கிழைக்கும் மற்றும் மரியாதையற்ற பேச்சுக்கு எதிராக, உச்சநீதிமன்றத்தில் மனுத் தாக்கல் செய்துள்ளது.
அந்தப் பேச்சு, தி.மு.க., தலைவர் மு.க. ஸ்டாலின், மற்றும் தமிழ்நாடு காவல்துறை ஆகியோருக்கு எதிராக பொய்யான ஒரு கருத்தை உருவாக்க முயற்சிப்ப தோடு மட்டுமல்லாமல், உச்சநீதிமன்றத்தின் உத்தரவின்படி நடைபெற்று வரும் விசாரணையை பாதிக்கும் வகையில் பொதுமக்களின் கருத்தைத் திசைதிருப்பும் நோக்கத்துடனும் அமைந்துள்ளதாக மனுவில் தெரிவிக்கப்பட்டுள்ளது.
இந்த இடைக்கால மனுவை (Interlocutory Application) அனுமதித்து, திராவிட முன்னேற்றக்
கழகத்தின் (தி.மு.க.) அமைப்புச் செயலாளர் ஆர்.எஸ். பாரதியை மேற்கண்ட சிறப்பு அனுமதி மனுவில் (Special Leave Petition) எதிர்மனுதாரராக (Party-Respondent) இணைக்க, நீதியின் நலன் கருதி உத்தரவிட வேண்டும்.
இந்த நீதிமன்றத்தின் உத்தரவின்படி மத்திய புலனாய்வு அமைப்பு (CBI) மேற்கொண்டு வரும் விசாரணை நிறைவடையும் வரை, சி. ஜோசப் விஜய், ஆதவ் அர்ஜுனா, புஸ்ஸி ஆனந்த், சி.டி. நிர்மல் குமார் அல்லது குற்ற
எண் 855/2025-இல் குற்றஞ்
சாட்டப்பட்டவர்கள் அல்லது விசாரணையுடன் தொடர்புடைய வேறு எவரும், குற்றப்பொறுப்பை யார் மீதும் சுமத்தும் வகையிலோ,
அரசியல் எதிரிகளை மிரட்டும் வகையிலோ அல்லது நிலுவையில் உள்ள விசாரணையின் சாராம்சம் குறித்து அதன் நியாயமான மற்றும் சுதந்திரமான போக்கை பாதிக்கும் வகையில் எந்தவொரு பொதுக் கருத்தையும் வெளியிடக் கூடாது என்று உத்தரவிட வேண்டும்.
மாநில அரசு, கரூர் நெரிசல் விபத்தில் உயிரிழந்தோர் மற்றும் காயமடைந்தோரின் குடும்பங் களுக்கு இழப்பீடு (Ex Gratia), கருணை அடிப்படையிலான அரசு வேலைவாய்ப்பு (Compassionate Appointment), அரசாணைகள் மற்றும் பிற நலத்திட்ட உதவிகளை வழங்குவதற்கு உரிமை உடையதாக இருந்தாலும், சிபிஐ விசாரணை நிலுவையில் இருக்கும் காலத்தில், நீதிமன்றம்வகுத்துத் தரும் நடைமுறைகள் மற்றும் பாதுகாப்பு ஏற்பாடுகளின் அடிப்படை
யிலும், முன்மொழி யப்படும் நடவடிக்கையை சிபிஐ முன் தாக்கல் செய்த பின்னருமே அவ்வுதவிகள் வழங்கப்பட வேண்டும். இதன் மூலம் நடைபெற்று வரும் விசாரணை யின் நேர்மையும், முக்கிய சாட்சிகளின் சாட்சியங்களும் எந்த வகையிலும் பாதிக்கப்படாமல்
பாதுகாக்கப்பட வேண்டும்.
02.07.2026 அன்று ஆதவ் அர்ஜுனா வெளியிட்ட பொதுக்
கருத்துகள், குற்ற எண் 855/2025 தொடர்பான விசாரணையை பாதிக்கும் வகையிலும், சாட்சி களைக் கலைக்கும் (Witness Tampering) நோக்கத்துடனும், விசாரணைக்கு இடையூறு விளைவிக்கும் வகையிலும் அமைந்துள்ளதால், அவற்றின் மீது மத்திய
புலனாய்வு அமைப்பு (CBI) வழக்குப் பதிவு செய்து, சட்டப்படி
நடவடிக்கை எடுக்க உத்தரவிட வேண்டும்.
இவ்வழக்கின் உண்மை நிலை மற்றும் சூழ்நிலைகளை கருத்தில் கொண்டு, நடைபெற்று வரும் விசாரணையின் நியாயம், சுதந்திரம் மற்றும் நேர்மையைப் பாதுகாக்கும் வகையில், நீதிமன்றம் தகுந்ததாகக் கருதும் பிற உத்தரவுகளையும் பிறப்பிக்க வேண்டும்.
இவ்வாறு தி.மு.க. சார்பில் அமைப்புச் செயலாளர் ஆர்.எஸ்.பாரதி உச்சநீதிமன்றத்தில் மனு தாக்கல் செய்திருந்தார். இது அவசர வழக்காக இன்று (7.7.2026) விசாரணைக்கு எடுத்துக் கொள்ளப்படுகிறது.