தேனி, ஜுலை 7–
தேனி தெற்கு மாவட்டம், கம்பம் ஒன்றியம்,ஆண்டிபட்டி சட்டமன்ற தொகுதிக்குட்பட்டஹைவேவிஸ் பேரூராட்சியில், நடந்து முடிந்த சட்டமன்ற தேர்தலில் தனக்கு வாக்களித்து பெருவாரியான வாக்குகள் வித்தியா சத்தில் வெற்றி பெறச் செய்த வாக்காளர்களுக்கு நேரில் சென்று நன்றி அறிவிக்கும் நிகழ்வு நேற்று நடைபெற்றது.
ஆண்டிபட்டி சட்டமன்ற உறுப்பினர் மகராஜன் ஹைவேவிஸ் பேரூர் பகுதிக்கு வருகை தந்தார். அப்போதுஅவருக்கு அப்பகுதி மக்கள் மற்றும் கழக நிர்வாகிகள் சார்பில் உற்சாகமான மற்றும் சிறப்பான வரவேற்பு அளிக்கப்பட்டது.
அதனைத் தொடர்ந்து, ஹைவேவிஸ் பேரூராட்சியில் உள்ள ஏழு எஸ்டேட் பகுதிகளுக்கும் நேரில் சென்ற ஆண்டிபட்டி சட்டமன்ற உறுப்பினர் மகாராஜன் அங்குள்ள வாக்காளப் பெருமக்களுக்கு தனது நெஞ்சார்ந்த நன்றியைத் தெரிவித்துக் கொண்டார். மேலும், அப்பகுதி பொதுமக்களை சந்தித்து அவர்களின் அடிப்படைத் தேவைகள் மற்றும் பகுதி மேம்பாடு குறித்த கோரிக்கைகளையும் கேட்டறிந்தார்.
இந்நிகழ்வில் கம்பம் ஒன்றிய கழக செயலாளர் தங்கப்பாண்டியன், ஹைவேவிஸ் பேரூர் கழக செய லாளர் கணேசன், ஹைவேவிஸ் பேரூராட்சி மன்றத் தலைவர் நித்தியபிரியா பாலகிருஷ்ணன், துணைத் தலைவர் ராணி செந்தில்குமார் ஆகியோர் முன்னிலை வகித்தனர்.
மேலும், வார்டு கழக செயலாளர்கள், உள்ளாட்சி அமைப்புகளின்பிரதிநிதி கள், கழக மகளிர் அணி, இளைஞர் அணி நிர்வாகி கள் மற்றும்கழக உடன்பிறப்புகள், பொதுமக்கள் எனப் பலரும் கலந்து கொண்டு சிறப்பித்தனர்.
அய்யன் திருவள்ளுவர் இலக்கிய மன்றம் சார்பில் 06.07.2026 காலை 10.00 மணி அளவில் மதுரை மணியம்மை தொடக்கப் பள்ளியில் மன்றத் தலைவர் என்.எம்.மாரி தலைமையில்“ தமிழ் செம்மொழியே!” என முதல் முழக்கம் செய்த “தமிழறிஞர்” பரிதிமாற் கலைஞர் அவர்களின் திருவுருவப் படத்திற்கு மாலை அணிவிக்கப்பட்டது. புரட்சிப் பாவலர் மன்றத் தலைவர்-“ பெரியார் நெறியாளர்”. பி.வரதராசன் புகழுரை ஆற்றினார். நிகழ்வில் இலக்கிய மன்றப் பொருளாளர் க.வெ.நெடுஞ்சேரலாதன், துணைத் தலைவர்கள் டி.வி.அழகர், போடி காமராசு, ச.செல்வக்குமரன் துணைச் செயலாளர் லெ. முருகேசன், செயற்குழு உறுப்பினர்கள் இல.வெள்ளைச்சாமி, நிழற்பட வல்லுநர் ரெ.கார்த்தி கேயன், சிறப்பு அழைப்பாளர்கள்: மாமன்ற மேனாள் உறுப்பினர் கா.ரா.முருகேசன், ஆசிரியர் பன்னீர் செல்வம், கிருஷ்ணசாமி, சிவகுமார் ஆகியோர் பங்கேற்று சிறப்பித்தனர்.