சென்னை, ஜூலை 7 –
‘நான் முதல்வன்’ திட்டத்தைத் தொடர்ந்து, ‘முதல்வர் படைப்பகம்’ பெயரில் இருந்து ‘முதல்வர்’ என்ற சொல் நீக்கப்பட்டதற்கு கண்டனங்கள் வலுத்துள்ளன.
த.வெ.க. ஆட்சிக்கு வந்ததில் இருந்து தி.மு.க. அரசின் திட்டங்களை பெயர்களை மாற்றி அரசியல் காழ்ப்புணர்ச்சியுடன் செயல்பட்டு வருகிறது.
தி.மு.க. ஆட்சியில் கொண்டுவரப்பட்ட ‘நான் முதல்வன்’ திட்டத்தின் பெயரை மாற்றியதற்கு ஏற்கனவே கண்டனங்கள் எழுந்தன.
இந்த நிலையில், ‘முதல்வர் படைப்பகம்’ திட்டத்தில் ‘முதல்வர்’ என்ற சொல் நீக்கப்பட்டுள்ளது. ‘முதல்வர் படைப்பகம்’ என்பதற்கு பதிலாக ‘படைப்பகம்’ என புதிய டெண்டரில் குறிப்பிடப்பட்டுள்ளது.
தி.மு.க. ஆட்சியில் சென்னையில் 16 இடங்களில் கொண்டுவரப்பட்ட ‘முதல்வர் படைப்பகம்’ மூலம் ஏராளமான மாணவர்கள் பயன்பெற்று வருகின்றனர். போட்டித் தேர்வுக்குத் தயாராகும் மாணவர்களுக்கு படிக்கும் சூழலை ஏற்படுத்தவும், புத்தொழில் தொடங்குவோர் குறைந்த கட்டணத்தில் தங்கள் அலுவலகமாகப் பயன்படுத்திக்கொள்ளவும் ‘முதல்வர் படைப்பகம்’ முக்கியப் பங்காற்றி வருவது குறிப்பிடத்தக்கது.