புது­டெல்லி, ஜூலை 8–

ஒன்­றிய அர­சின் கடு­மை­யான விதி­மு­றை­க­ளால் இந்­தி­யா­வில் செயல்­பட்டு வந்த பெரும்­பா­லான தன்­னார்வ தொண்டு நிறு­வ­னங்­க­ளின் வெளி­நாட்டு நிதிபெறும் உரி­மங்­கள் ரத்து செய்­யப்­பட்­டுள்­ளன. ஒன்­றிய உள்­துறை அமைச்­ச­கம் வெளி­நாட்டு நிதிப் பங்­க­ளிப்பு முறைப்­ப­டுத்­து­தல் சட்­டத்­தின் (எஃப்­சி­ஆர்ஏ) கீழ் பதிவு செய்­யப்­பட்ட தனி­யார் அமைப்­பு­க­ளின் தர­வு­களை கடந்த 2012ம் ஆண்டு முதல் பரா­ம­ரிக்­கத் தொடங்­கி­யது.

அன்று முதல் இது­வரை மொத்­தம் 52,159 தன்­னார்வ நிறு­வ­னங்­கள் மற்­றும்சங்­கங்­க­ளுக்கு வெளி­நாட்டு நிதி­யைப் பெறு­வ­தற்­கான உரி­மங்­கள் வழங்­கப்­பட்­டன. ஆனால், நிதிப் பரி­மாற்­றங்­க­ளில் வெளிப்­படைத்­தன்மை மற்­றும் நிதி பயன்­பாட்டை முறைப்­ப­டுத்­தும் நோக்­கில், கடந்த 2010ம் ஆண்டு கொண்டுவரப்­பட்ட சட்­டத்­தில் ஒன்­றிய அரசு கடு­மை­யான விதி­மு­றை­க­ளைப் புகுத்­தி­யது. இந்த புதிய விதி­மு­றை­க­ளைப் பின்­பற்­றத் தவ­றிய மற்­றும் தங்­க­ளது 5 ஆண்­டு­கள் காலா­வ­திக்­குப் பிறகு உரி­மத்­தைப் புதுப்­பிக் காத 15,206 நிறு­வ­னங்­க­ளின் உரி­மங்­கள் காலா­வ­தி­யா­ன­தாக அறி­விக்­கப்­பட்­டன.

மேலும், கடந்த 2015ம் ஆண்­டில் மட்­டும் 10,000க் கும் மேற்­பட்ட அமைப்­பு­கள் தங்­க­ளது உரி­மங்­களை இழந்த நிலை­யில், இது­வரை மொத்­தம் 22,498 தன்­னார்வ நிறு­வ­னங்­க­ளின் உரி­மங்­கள் ரத்து செய்­யப் பட்­டுள்­ளன. குறிப்­பாக, கூடங்­கு­ளம் அணு­மின் நிலை­யத் திட்­டத்­திற்கு எதி­ரா­கப் போரா­டிய சில தமி­ழக தன்­னார்வ நிறு­வ­னங்­கள்,நாட்­டின் பொரு­ளா­தார வளர்ச்­சிக்குஎதி­ரா­கச் செயல்­பட்­ட­தா­கக் கூறி அவற்­றின் உரி­மங்­கள் ரத்து செய்­யப்­பட்­டது.

தற்­போ­தைய நில­வ­ரப் படி, பதிவு செய்­யப்­பட்ட ஒட்­டு­மொத்த நிறு­வ­னங் க­ளில் வெறும் 27.7 சத­வீ­தம் அதா­வது 14,455 தன்­னார்வ நிறு­வ­னங்­கள் மட்­டுமே செயல்­பாட்­டில் உள்­ளன. எஞ்­சிய 72.3 சத­வீ­தம் (52,184) நிறு­வ­னங்­க­ளின் உரி­மங்­கள் ரத்து செய்­யப்­பட்­டுள்­ளன அல்­லது காலா­வ­தி­யா­கி­விட்­டன. மாநில வாரி­யான பட்­டி­ய­லில் 2,104 செயல்­மு­றை­யி­லுள்ள நிறு­வ­னங்­க­ளு­டன் தமி­ழ­கம் முத­லி­டத்­தில் உள்­ளது;இங்கு 2,865 உரி­மங்­கள் ரத்துசெய்­யப்­பட்­டுள்­ள­து­டன் 1,774 உரி­மங்­கள் காலா­வ­தி­யா­கி­யுள்­ளன.

இத­னைத் தொடர்ந்து, மகா­ராஷ்­டிரா மாநி­லத்­தில் உள்ள 5,440 நிறு­வ­னங்­க­ளில் 1,583 நிறு­வ­னங்­கள் மட்­டுமே தற்­போது செயல்­பாட்­டில் உள்­ளன; அங்கு 2,211 உரி­மங்­கள் ரத்து செய்­யப்­பட்டு, 1,646 உரி­மங்­கள் காலா­வ­தி­யா­கி­யுள்­ளன. உரி­மங்­கள் ரத்து மற்­றும் காலா­வ­தி­யான பட்­டி­ய­லில் பீகார் மாநி­லம் 85.2 சத­வீ­தத்­து­டன் முத­லி­டத்­தி­லும், அத­னைத் தொடர்ந்து உத்­தி­ரப்­பி­ர­தே­சம் 83.7 சத­வீ­தம், நாகா­லாந்து 83.3 சத­வீ­தம், திரி­புரா 80 சத­வீ­தம், மகா­ராஷ்­டிரா 78.9 சத­வீ­தம், மணிப்­பூர் 78.6 சத­வீ­தம் மற்­றும் மேற்கு வங்­கம் 78.2 சத­வீ­தத்­து­ட­னும் அடுத்­த­டுத்த இடங்­க­ளில் உள்­ளன. வட­கி­ழக்கு மாநி­லங்­க­ளில் பெரும்­பா­லான தன்­னார்வ தொண்டு நிறு­வ­னங்­க­ளின் உரி­மங்­கள் பெரு­ம­ள­வில் ரத்து செய்­யப்­பட்­டுள்­ளது என்று ஒன்­றிய அரசு வட்­டா­ரங்­கள் தெரி­வித்­தன.