மும்பை, ஜூலை.8–
மகாராஷ்டிராவின் மும்பை மற்றும் புனே இடையே பெய்த அதி
தீவிர கனமழையால் ஏற்பட்ட நிலச்சரிவு காரணமாக ரயில் மற்றும் சாலை போக்குவரத்துகள் முற்றிலும் முடங்கியுள்ளன.
மகாராஷ்டிரா மாநி லம் மும்பை மற்றும் புனே இடையேயான மலைப்பா தையில் நேற்று முன்தினம் பெய்த அதி தீவிர கனமழை காரணமாக திடீர் நிலச்சரிவு ஏற்பட்டது. இதனால்,தண்டவாளங்களில்பெரும்பாறைகள் உருண்டுவிழுந்ததால் இரு நகரங்களுக்கு இடையேயான ரயில் மற்றும் சாலை போக்குவரத்து சேவை முற்றிலும் துண்டிக்கப் பட்டு மக்கள் கடும் அவதிக்குள்ளாகினர். இந்த இக்கட்டான சூழ்நிலை குறித்து ஒன்றிய ரயில்வே அமைச்சர் அஸ் வினி வைஷ்ணவ் நேரில் ஆய்வு செய்து, ‘மும்பை மற்றும் புனே மலைப்பாதையில் நிலச்சரிவு ஏற்பட்டு, ரயில் தண்டவாளங்களில் பாறைகள் விழுந்ததால்உருவான தற்போதைய நிலைமையை ஆய்வு செய் துள்ளேன். சீரமைப்பு பணி களில் மீட்புக் குழுவினர் முழு வீச்சில் ஈடுபட்டு வருகின்றனர். இன்றும் பலத்த மழை பெய்ய வாய்ப்புள்ளதால், ரயில் சேவைகளை விரைவாக மீட்டெடுக்க மேற்கு மற்றும் மத்திய ரயில்வே அதிகாரிகள் இணைந்து ஒரே குழுவாக செயல்படுமாறு அறிவுறுத்தியுள்ளேன்’ என்று கூறினார்.
மத்திய ரயில்வே மண் டலத்தின் கர்ஜத் மற்றும் லோனாவாலா இடையே யான தென்கிழக்கு மலைப் பாதையில் உள்ள தாக்கூர் வாடி மற்றும் மங்கி ஹில் லூப் கேபின் இடையே ஏற்பட்ட இந்த நிலச்சரி வால் துலே எக்ஸ்பிரஸ் உள்ளிட்ட 16 ரயில்கள் ரத்து செய்யப்பட்டன.மேலும், அகமதாபாத்–கோலாப்பூர் எக்ஸ்பிரஸ், சென்னை எக் மோர்–சிஎஸ்எம்டி மெயில் உள்ளிட்ட பல தொலை தூர ரயில்கள் மாற்றுப் பாதையில் திருப்பி விடப்
பட்டன. உள்ளூர் மின்சார ரயில்கள் வழக்கம் போல் இயக்கப்பட்டாலும், முதன்மை வழித்தடத்தில் 6 முதல் 8 நிமிடங்களும், துறைமுக வழித் தடத்தில் 4 நிமிடங்களும் தாமதமாக இயக்கப்பட்டன. இதேபோல்,
மும்பை – புனே அதிவேக நெடுஞ்சா லையில் உள்ள கண்டாலா வெளியேறும் பகுதிக்கு அருகே உள்ள மிஸ்சிங் லிங்க் பகுதியில் ஏற்பட்ட பெரிய நிலச்சரிவால் சாலைப் போக்குவரத்தும் முடங்கியது. பாதுகாப்பு காரணங்களுக்காக அதிகாலை 4 மணி முதல் வாகனங்கள் மாற்றுப் பாதையில் திருப்பி விடப்பட்டதாக மகாராஷ்டிரா மாநில சாலை மேம்பாட்டுக் கழகம் தெரிவித்துள்ளதுடன், நெடுஞ்சாலை போக்குவ ரத்து போலீசாருடன் இணைந்து நிலைமையை கண்காணித்து வருவதாக தெரிவித்தது.
ரயில் சேவைகள் பாதிக் கப்பட்டதால் மும்பை யின் புகழ்பெற்ற டப்பாவாலாக்கள் தங்களதுஉணவு விநியோக சேவையைதற்காலிகமாக நிறுத்தினர். மாவட்ட தகவல் அலுவலகம் வெளி யிட்டுள்ள எச்சரிக்கையில், பொதுமக்கள் தங்களது பயணங்களை தற்காலிகமாக ஒத்திவைக்குமாறு கேட்டுக்கொண்டுள்ளது.
கனமழைக்கு 8 பேர் பலி
மகாராஷ்டிராவில் கடந்த சில நாட்களாகப் பெய்து வரும் அதிதீவிர கனமழையால் இதுவரை
8 பேர் உயிரிழந்துள்ளனர். பலத்த காற்று மற்றும் கனமழை காரணமாக மும்பை சத்ரபதி சிவாஜி மகாராஜ் சர்வதேச விமான நிலையத்தின் செயல்பாடுகள் ஒரு மணி நேரம் தற்காலிகமாக நிறுத்தப்பட்டதால், 13 விமானங்கள் வேறு இடங்களுக்கு திருப்பி விடப்பட்டதுடன் 4 விமானங்கள் ரத்து செய்யப்பட்டன. மும்பையில் மட்டும் 250க்கும் மேற்பட்ட மரங்கள் முறிந்து விழுந்த சம்பவங்கள் பதிவாகியுள்ளன; இந்திய வானிலை ஆய்வு மையம் மும்பை, தானே மற்றும் ராய்காட் ஆகியமாவட்டங்களுக்கு ‘சிவப்பு எச்சரிக்கை’ விடுத்துள்ளதைஅடுத்து, இன்று பள்ளிகள் மற்றும் கல்லூரிகளுக்கு உள்ளூர் நிர்வாகங்கள் விடுமுறை அறிவித்தன. நேற்று முன்தினம் மாலை 4மணியுடன் முடிவடைந்த24 மணி நேரத்தில், மும்பைநகரில் 265.6 மில்லி மீட்டர் மழையும், அதன் புறநகர்ப் பகுதிகளில் 227.7 மில்லிமீட்டர் மழையும் பதிவாகியுள்ளது; மும்பையைச் சுற்றியுள்ள பல பகுதிகளில் 200 மில்லி மீட்ட
ருக்கும்அதிகமான மழையும், சில குறிப்பிட்ட இடங்களில் 24 மணி நேரத்திற்குள் 300 மில்லிமீட்டர் வரையிலும் மிக பலத்த மழைபதிவாகியுள்ளது.
சென்னை, ஜூலை 8–
தி. மு. க. அமைப்புசாரா ஓட்டுனர் அணி சென்னை தென்மேற்கு மாவட்டம் முத்துவேல் கருணாநிதி ஸ்டாலின் – உதயநிதி ஸ்டாலின் ஆட்டோ நிறுத்தம் லோட்டஸ் காலனி 1வது தெரு நந்தனம் பெயர் பலகை புதுப்பித்து திறக்கப்பட்டது. சிறப்பு விருந்தி னராக மாவட்டச் செயலாளர் மயிலை த.வேலு, கழக இணை அமைப்புச் செயலாளர் அன்பகம் கலை, பகுதி செயலாளர் நந்தனம் கி. மதி எம்.சி. பங்கேற்றனர்.
இதில் வட்டக் கழகச் செயலாளர் அ. நாகராஜ், மாவட்ட அமைப்பாளர்
ஏ.சத்தியமூர்த்தி, மாவட்டத் தலைவர் தி.நகர்
ஈ.மூர்த்தி, மாவட்ட துணை அமைப்பாளர் த.சங்கர்,
தி.நகர் பெ.பார்த்திபன், மாவட்ட நிர்வாகிகள்
ஆர்.கண்ணன், எஸ்.சேகர், ஜ.சசிகுமார், எம்.பாஸ்கர், மூ.சரவணன், பகுதி நிர்வாகிகள் வி.குமார், எம்.ஞானகுமார், எஸ்.கணேஷ், எம்.குணா, பா.அமரேசன்
ஸ்டாண்ட் நிர்வாகிகள் ஏ.ராமச்சந்திரன், வெங்கடேசன், பி.வனராஜ் மற்றும் ஸ்டாண்ட் நிர்வாகிகள் கலந்து கொண்டு சிறப்பித்த னர்.