தேனி, ஜூலை 8.
குதிரை பேரம் என்பது ம.தி.மு.க. பொதுச்செயலாளர் வைகோ இரண்டு சட்டமன்ற உறுப்பினர்களை ராஜினாமா செய்ய சொன்னதுதான் குதிரை பேரம். யாருடைய நிர்பந்தமும், தூண்டுதலின்றி எனது சுய விருப்பத்தி லேயே 2009-ல் ம.தி.மு.க.வில் இருந்து விலகி தாய்க்கழகமான தி.மு.க.வில் இணைந்தேன். த.வெ.க. அரசுக்கு முட்டுக்கட்டை கொடுப்பதற்காகவே தன்னை மேற்கோள் காட்டி வருகிறார் என்று, தேனி தெற்கு மாவட்ட செயலாளர்கம்பம் ராமகிருஷ்ணன் முன்னாள் எம்.எல்.ஏ. தன்னிலை விளக்கம் அளித்துள்ளார்.
தேனி தெற்கு மாவட்ட தி.மு.க. செயலாளரும், முன்னாள் கம்பம் எம்.எல்.ஏ.வான இராமகிருஷ்ணன் இன்று அவரது இல்லத்தில் செய்தியாளர்களுக்கு பேட்டியளித்தார். அப்போது பேசிய அவர், கடந்த 2006 ஆம் ஆண்டு கம்பம் தொகுதி ம.தி.மு.க. எம்.எல்.ஏ.வாக இருந்த நான், சில மணக்கசப்பினால் தான் அக்கட்சியில் இருந்து விலகி தாய்க்கழகமான திமுகவில் இணைந்தேன். அப்போது தி.மு.க. தலைவராக இருந்த முன்னாள் முதலமைச்சர் கருணாநிதி மற்றும் தற்போதைய திமுக தலைவர் ஸ்டா லின் உள்ளிட்ட யாரும் என்னை நிர்ப்பந்தம் செய்யவில்லை. குறிப்பாக எனது தயவில் 2006 முதல் 2011 வரையிலான காலத்தில் திமுக ஆட்சி தொடர வேண்டும் என்ற கட்டாயமும் கிடையாது.
2006 ஆம் ஆண்டில் அ.தி.மு.க. கூட்டணியில் ம.தி.மு.க. இடம்பெற்றிருந்த போது அக்கட்சியின் சட்டமன்ற கொறடாவாக நான் பணி யாற்றிய போது, எனது விருப்பத்திற்கு மாறாக நடந்து கொள்ள கூறினார்கள். மேலும் அப்போது உடல்நிலை குறைவால் மருத்துவமனையில் சிகிச்சை பெற்று வந்ததி.மு.க. தலைவர் கலைஞர்அவர்களை ம.தி.மு.க.எம்.எல்.ஏ.வாக இருந்த கண்ணப்பன் சந்தித்து நலம் விசாரித்ததை வைகோ விரும்பவில்லை. இது போன்ற சில மணக்சப்புகள் காரணமாக 3 ஆண்டுகளுக்கு பிறகு தான், 2009-ல் எம்.எல்.ஏ. பதவியை ராஜினாமா செய்து எனது சுய விருப்பத்தில் தி.மு.க.வில் இணைந்து கம்பம் தொகுதி இடைத்தேர்தலில் போட்டியிட்டு மீண்டும் வெற்றி பெற்றேன். மேலும் 2006 - 11 வரையிலான தி.மு.க. ஆட்சியில் கலைஞர் காப்பீட்டுத் திட்டம் உள்ளிட்ட ஏராளமான மக்கள் நலத்திட்டங்களால் சிறப்பாக ஆட்சிநடைபெற்றுக் கொண்டிருந்தது. இது போன்ற சிறப்பான திட்டங்களை தி.மு.க. அரசு செயல்படுத்தி வந்ததால் தான் நானாக விருப்பப்
பட்டு தாய்க்கழகத்தில் இணைந்தேன். மேலும் 2006–11 கால கட்டத்தில், என்னுடைய தயவுதி.மு.க. ஆட்சிக்குத் தேவையில்லை.
ஆனால்இன்றைக்கு தனிப்பெரும்பான்மை கிடைக்காத த.வெ.க. அரசுக்கு ஆதரவாக அ.தி.மு.க. எம்.எல்.ஏ.க்கள் ராஜினாமா செய்து விட்டு அக்கட்சியில் இணைகிறார்கள். இதனை யாரும் விமர்சனம் செய்து விடக்கூடாது என்பதற்காகவும், த.வெ.க. அரசுக்கு முட்டு கொடுப்பதற்காகவும் தான், என் மீது வைகோ விமர்சனம் செய்து வருவதாக கூறினார். மேலும் ம.தி.மு.க. எம்.எல்.ஏ.க்களை ராஜினாமா செய்யச் சொல்லி மீண்டும் இடைத்தேர்தலை சந்திப்பதற்காக த.வெ.க. உடன் வைகோ செய்வதுதான் குதிரை பேரம். மேலும் மக்களுக்கு அளித்த வாக்குறுதிகளை நிறைவேற்றாமல், முந்தைய முதலமைச்சர் ஸ்டாலின் ஆட்சியில் செயல்படுத்திய திட்டங்களை தான் செயல்படுத்தியதாக கூறி கல்வெட்டுகள் திறப்பது தான் த.வெ.க. அரசின் சாதனையா எனக் கேள்வி எழுப்பினார். மகராஜன் எம்.எல்.ஏ.வாக கம்பம் நகரச் செயலாளர்கள் வீரபாண்டியன் பால்பாண்டி ராஜா ஆகியோர் உடன் இருந்தனர்