சிவகங்கை, ஜூலை 8 –
“விவசாயக் கடன் தள்ளுபடி என்று கூறி விவசாயிகளைஏமாற்றுகிறார் முதல்வர் விஜய்” என்று முன்னாள் கூட்டுறவுத் துறை அமைச்சர் கே.ஆர்.பெரிய கருப்பன் திருப்பத்தூரில் நடைபெற்ற முத்தமிழறிஞர் கலைஞர் பிறந்த நாள் விழா பொதுக்கூட்டத்தில் பேசும்போது கூறினார்.
சிவகங்கை மாவட்டம் திருப்பத் தூரில் ஒன்றிய பேரூர் கழகத்தின் சார்பில் முத்தமிழ் அறிஞர் கலைஞர் 103 வது பிறந்தநாள் விழா வாக்காளர்களுக்கு நன்றி தெரிவிக்கும் பொதுக்கூட்டம் மாவட்ட கழகச் செயலாளர், முன்னாள் அமைச்சர் கே. ஆர். பெரியகருப்பன் தலைமையில் நடைபெற்றது. மாவட்ட அவைத்தலைவர் வழக்கறிஞர். அ.கணேசன், புலவர் சே.செவந்தியப்பன், மாவட்ட துணை செயலாளர் த. சேங்கைமாறன் வடக்கு ஒன்றிய செயலாளர் வி.ராமதி மாணிக்கம், திருப்பத்தூர் பேரூராட்சி மன்ற தலைவர் திருமதி கோகிலா ராணி நாராயணன் ,பேருர் கழக செயலாளர் கள் கே.பி.எஸ்.பழனியப்பன் ,கார்த்திகேயன் பேரூராட்சி துணை தலைவர்கான்முகமது ஆகியோர் முன்னிலையில் நடைபெற்றது. திருப்பத்தூர் தெற்கு ஒன்றிய செயலாளர் சோ.சண்முகவடி வேல் வரவேற்றுப் பேசினார்.
முன்னாள் அமைச்சர்
மு.தென்னவன் பேச்சு!
இந்த கூட்டத்தில் கலந்துகொண்டு முன்னாள் அமைச்சர் இலக்கிய அணி புரவலர் மு.தென்னவன் பேசியதாவது: த.வெ.க. வெற்றி என்பது நாம் அனைவரும் எதிர்பார்க்காத வெற்றியாகும். இத்தேர்தலில் திருப்பத்தூர் தொகுதியில் நம்முடைய முன்னாள் அமைச்சர் தோற்கடிக்கப்பட்டார் என்பது கேள்விக்குறியாக உள்ளது. இன்று அ.தி.மு.கவினர் தோல்வியுற்றதும் சாரை சாரையாக த.வெ.க.விற்கு போய் சேர்கிறார்கள் இவர்களுக்கெல்லாம் சூடு,சொரணை உள்ளதா என்று தெரியவில்லை. இன்று நடைபெறும் த.வெ.க ஆட்சி நம்முடைய ஆதரவில் வெற்றி பெற்ற கூட்டணி கட்சிகளின் ஆதரவை வைத்துதான் இந்த ஆட்சிநடைபெறுகிறது. அ.தி.மு.க. ஒன்றும் தீண்டத்தகாத கட்சி கிடையாது.
அ.தி.மு.க.வுடன் காங்கிரஸ் , விடுதலை சிறுத்தைகள், இந்தியகம்யூனிஸ்ட் மூஸ்லீம்லீக் ஆகியவைகள் அதிமுகவுடன் கூட்டணி வைத்திருந்தார்கள். இந்த வெற்றியை புரிந்து கொள்ளாத இந்திய யூனியன் முஸ்லிம் லீக் அமைச்சர்
தி.மு.க. தூக்கி எறியப்பட வேண்டும் என்று பேசியுள்ளார். அது அவரது அறியாமையை காட்டுகிறது. தலைவர் கலைஞர், தளபதி மு.க.ஸ்டாலின் ஆகியோர் சிறுபான்மை யின மக்களை பாதுகாத்து வந்தவர்கள். அவர்களின் உரிமைகளை பெற்று தந்தவர்கள். தலைவர் கலைஞர் முதல்வர் தளபதி ஆவார்கள் இதை அந்த முஸ்லிம் கட்சியைச் சேர்ந்த அமைச்சர் புரிந்து கொள்ளவில்லை.
த.வெ.க.ஆட்சி தொடர்ந்தால் தமிழகத்தில் சிறுபான்மை இன மக்கள் நலன்கள் பாதிக்கப்படும். கல்வி யில் மும் மொழிக் கொள்கை புகு த்தப்படும். தமிழகத்தின் வளர்ச்சி பாதிக்கப்படும் . தமிழகத்தில் மதச்சார்பின்மை சிறு பான்மையின மக்களை பாதுகாக்கும் இயக்கமாக தி.மு.க .உள்ளது த.வெ. க.ஆட்சி வந்தால் இத்தகைய உரிமைகளில் பாதிப்புகள் ஏற்படும் மக்கள் ஒன்றும் நம்மை புறக்கணிக்க வில்லை. மாற்றம் வேண்டும் என்று நம்பி வாக்களித்தார்கள். ஆனால் இன்று அவர்கள் ஏமாற்றம் அடைந்துள்ளார்கள். இது ஒரு தற்காலிக வெற்றிதான். விரைவில் தமிழகத்தில் தேர்தல் நடைபெற உள்ளது. இதில் மீண்டும் கழகம்வெற்றி பெறும். முதல்வர் தளபதி ஸ்டாலின் தலைமையில் ஆட்சி அமைய உள்ளது. இவ்வாறு முன்னாள் அமைச்சர் மு.தென்னவன் பேசினார்.
கே.ஆர்.பெரியகருப்பன் கூட்டத் திற்கு தலைமை வகித்த முன்னாள் அமைச்சர் சிவகங்கை மாவட்ட
கழகச் செயலாளர் கே.ஆர்.பெரிய
கருப்பன் பேசியதாவது:
தமிழகத்தில் தி.மு.கவை பேரறிஞர் அண்ணா ஆட்சிக்காக துவக்க வில்லை. தமிழக மக்களை பாதுகாக்கவும், தமிழ்நாட்டை பாதுகாக்கவும், தமிழகத்தின் வளர்ச்சி முன்னேற்றத்திற்காகவும் திராவிட இயக்கத்தை தோற்றுவித்தார். இதில் ஐந்தாண்டுகளுக்கு பிறகு தேர்தலில் போட்டியிட வேண்டும். ஆட்சியில் இருந்தால்தான் மக்களின் தேவைகளை நிறைவேற்ற முடியும் என்று பெரும்பாலான கழகத்தினர் கோரிக்கையை ஏற்று கழகம் ஆட்சி அமைத்தது .67-ல் பெரும்பான்மை இடங்களில் வெற்றி பெற்றது. 69 இல் பேரறிஞர் அண்ணா நம்மை விட்டு மறைந்தார். அப்பொழுது கழகம் இத்துடன் அழியும் என்று பலர் நினைத்தார்கள் ஆனால் கழகத் தலைவர் முத்தமிழறிஞர் கலைஞர் தலைமையில் கழகம் பல்வேறு சாதனைகளை படைத்தது.
எண்ணற்ற மக்கள்
நலத் திட்டங்கள்!
கழகத் தலைவர் கலைஞர் அவர்கள் ஐந்து முறை முதல்வராக இருந்து எண்ணற்ற மக்கள் நலத்திட்டங்களை செயல்படுத்தினார் .அவரது திட்டங்களை மற்ற மாநிலங்கள் இந்தியாவே பின் படுத்தி செயல்படுத்தியது . தலைவர் கலைஞர் சுயம்புவாக உருவானவர் .பொது வாழ்க்கையில் 50 ஆண்டுகள் அவர் செய்த சாதனைகளை இந்தியாவிலேயே எந்த ஒரு மாநில கட்சி தலைவரும் செய்ததில்லை. தமிழகத்தை வெற்றி பாதைக்கு அழைத்துச் சென்றவர் தலைவர் கலைஞர் ஆவார்கள்.
கழகம் இப்போது ஒரு ஜன
நாயக சிறப்புமிக்க பேரியக்கமாக செயல்பட்டு வருகிறது. சமுதாய மக்கள் இயக்கமாகவும் அனைத்து மக்களையும் பாதுகாக்கும் இயக்கமாக கழகம் தலைவர் தளபதி தலைமையில் விளங்கி வருகிறது. தலைவர் கலைஞர் வழியில் கழக தலைவர் தளபதி அவர்களும் கழகத்தை வழி நடத்தி வருகிறார். இதற்கென்று தனியான கொள்கைகள் உள்ளது. கொள்கைகள் மாறாமல் இந்த இயக்கம் இன்று வரை ஜனநாயகத்துடன் செயல்பட்டு வருகிறது.
திராவிட மாடல் ஐந்தாண்டு கால ஆட்சிகளை இன்று ஸ்டிக்கர் ஒட்டி த.வெ.க அரசு செயல்படுத்தி வருகிறது. கழகத் தலைவர் தளபதி அவர்கள் முதல்வராக இருந்த காலத்தில் ஒவ்வொரு திட்டங்களை யும் சிந்தித்து சிந்தித்து செயல்படுத்தி அதை நிறைவேற்றினார். 20 மணி நேரம் மக்களுக்காக உழைத்தார். நேற்று பெய்த மழையில் இன்று முளைத்த தலைவர் கிடையாது .
மற்ற மாநிலங்களுக்கு
வழி காட்டிய அரசு!
மற்ற மாநிலங்களில் தளபதி ஆட்சிகாலத்தில் நிறைவேற்றப் பட்ட திட்டங்கள் இன்று செயல்படுத்தப்பட்டு வருகிறது . மற்ற மாநிலங்களுக்கு வழிகாட்டி யாக தளபதி தலைமையிலான அரசு செயல்பட்டது. கூட்டுறவுத் துறையில் மட்டும் ரூபாய் 20 ஆயிரம் கோடி கடன் தள்ளுபடி செய்யப்பட்டது . ரூபாய் 12,400 கோடி விவசாய கடன்கள், ரூபாய் 5000 கோடி 5 பவுன் தங்க நகை அடகு வைத்ததற்கு கடன் தள்ளுபடி, சுய மகளிர் குழுவுக்கு ரூபாய் 2500 கோடி கடன் ஆக மொத்தம் ரூபாய் 20 ஆயிரம் கோடி கடன்கள் தள்ளுபடி செய்யப்பட்டுள்ளது .
இரண்டு மாதங்களில் த.வெ.க. அரசு தேர்தல் வாக்குறுதிகளை நிறைவேற்றி உள்ளதா என்றால் கேள்விக்குறியாக உள்ளது. அவர்கள் இரண்டு வாக்குறுதியை நிறை வேற்றியதாக கூறுகிறார்கள். 200 யூனிட் இலவசம் மின்சாரம் என்பது இன்று வெறும் அறிவிப்பாகவே உள்ளது. தற்பொழுது மக்கள் மின்சார கட்டணம் அதிகமாக செலுத்தி வருகிறார்கள் மின் தடையினால் மிகவும் பாதித்துள்ளார்கள். இதற்கு அரசிடமிருந்து எவ்வித பதிலும் இல்லை.
இதே போல் அனைத்து விவசாயிகளுக்கும் கடன் தள்ளுபடி செய்யப்படும் என்று விஜய் தேர்தலுக்கு முன் அறிவித்தார். இன்று ருபாய் 75 ஆயிரம் வரை கடன்
தள்ளுபடி என்று அறிவித்துள்ளார்கள். அதில் ஏகப்பட்ட குளறுபடிகள்உள்ளது . விவசாய கடன் தள்ளுபடி குறித்து தெளிவான அறிவிப்பு இல்லை.இதனால் தமிழகம் முழுவதும் கடந்த 15 தினங்களுக்கு மேலாக விவசாயிகள் போராடி வருகிறார்கள். இந்த போராட்டத்தினை முதல்வர் விஜய் கண்டு கொள்ளவே இல்லை. இது ஒரு மக்களை ஏமாற்றும் அரசாக செயல்பட்டு வருகின்றது.
கழக ஆட்சியில் 11.19 பொருளாதாரம் வளர்ச்சி இரட்டை இலக்கமாக இருந்தது . இதேபோல் தலைவர் தளபதி ஸ்டாலின் செய்த சாதனைகளை பிரதமர் மோடி தலைமையில் நடைபெற்ற நிதி ஆயோ க் கூட்டத்தில் நம்முடைய சாதனைகளைதான் அவர்கள் அரசு செய்த சாதனைகளாக முதல்வர் விஜய் எடுத்துக் கூறி பேசினார்.
எனவே நாம் இந்த தோல்வியை கண்டு துவண்டுவிட வேண்டாம். அடுத்து உள்ளாட்சி தேர்தல் நடைபெறுகிறது. தமிழகத்தில் விரைவில் தேர்தல் வரும் என்று பல்வேறு அரசியல் வல்லுனர்கள் கூறி வருகிறார்கள். நாம் அப்பொழுது ஒன்று சேர்ந்து ஒற்றுமையுடன் பணியாற்றி வெற்றி பெற்று நம்முடைய எதிரிகளுக்கு பாடம் புகட்ட வேண்டும். நாம் ஆட்சியில் இருந்தால் அடக்கி வாசிப்போம் . எதிர்க்கட்சியாக இருந்தால் அதிகம் பேசுவோம். மக்களின் உரிமைக்காக போராடுவோம். எனக்கு வாக்களித்த வாக்காளர்கள், தேர்தல் பணியாற்றிய கூட்டணி கட்சி நிர்வாகிகள் கழகத் தொண்டர்கள் அனைவருக்கும் நன்றியை தெரிவித்துக் கொள்கிறேன்.
இவ்வாறு கே.ஆர்.பெரியகருப்பன் பேசினார்.
இந்த கூட்டத்தில் ஒன்றிய பொருளாளர் ஏ.எம். கண்ணன் நன்றி கூறினார் .
கூட்டத்தில் இளம் பேச்சாளர்கள் சுமித்ரா, பார்கவி, முன்னாள் மாவட்ட கவுன்சிலர் ஏ.டி.என்.ரவி ஆகியோர் பேசினார்கள்.
இந்த கூட்டத்தில் ஒன்றிய, பேரூர் கழக நிர்வாகிகள், ராம ரவி, எஸ். திருநாவுக்கரசு, எஸ். பார்த்தசாரதி, ஏ.டி.என்.ஆர். தங்கமணி, எஸ்., பரமேஸ்வரி, மாவட்ட விளையாட்டு மேம்பாட்டுஅணி அமைப்பாளர் கே. எஸ். நாராயணன் மாவட்ட விவசாய அணி அமைப்பாளர் எஸ்.எஸ்.அருனாசலம், தகவல் தொழில்நுட்ப அணி துணை அமைப்பாளர் மெ.காளிமுத்து , அயலக அணி சன் சீமான் சுப்பையா, பிள்ளையார்பட்டி சதீஷ், பொறியாளர் அணி சுலைமான் பாதுஷா ,வர்த்தக அணி ருத்மா சரவணன், உதயம் சண்முகம், ஷாஜகான் இளைஞரணிவைகைமாறன், பஷிர் அகமது,மனோகரன், புதூர் கண்ணன், பூக்கடை பாண்டி, ஒன்றிய செயலாளர்கள் திருமலைமுத்துராமலிங்கம், குன்னக்குடி சுப்பிர மணியன், ஒன்றிய துணை செயலாளர் எஸ்.முத்து குமார், மு.பாண்டியன், செ.தமிழ்நம்பி, தொ.மு.ச.சண்முகநாதன், உட்பட ஒன்றிய பேரூர் கழக நிர்வாகிகள் கலந்துகொண்டார்கள்.