மதுரை, ஜூலை 8 -–
மதுரையில் நடந்த த.வெ.க. நலத்திட்ட உதவிகள் வழங்கும் விழாவில் ‘மினி கரூர் சம்பவம்’ போல் கூட்ட நெரிசலில் சிக்கி பெண்கள் மயங்கி விழுந்தது, குழந்தைகள் கதறி அழுததால் பரபரப்பு ஏற்பட்டது.
தமிழக முதல்வர் ஜோசப் விஜய் பிறந்த நாளையொட்டி மதுரை பழங்காநத்தம் பகுதியில் த.வெ.க. இளைஞரணி சார்பில் நலத்திட்ட உதவிகள் வழங்கும் விழா நேற்று முன்தினம் இரவு நடைபெற்றது. இவ்விழாவில் 1000 பெண்களுக்கு சில்வர் சம்படம், தையல் இயந்திரம் உள்ளிட்ட நலத்திட்ட உதவிகள் வழங்கப்படுவதாக அறிவிக்கப்பட்டது. இதில் கலந்து கொண்ட மேற்கு தொகுதி எம்.எல்.ஏ. தங்கப்பாண்டியன் பெண்களுக்கு நலத்திட்ட உதவிகளை வழங்கினார். முன்னதாக நலத்திட்ட உதவிகள் வாங்க வந்த பெண்களை ஒவ்வொரு பகுதியாக வழங்குவதாக கூறி தடுப்புகளுக்குள் அடைத்து வைத்திருந்தனர். ஏற்கனவே விழா துவங்குவதற்கு பல மணி நேரத்திற்கு முன்பே வரவழைக்கப்பட்டிருந்த பெண்கள் பொறுமையி ழந்து நலத்திட்ட உதவிகளை வாங்குவதற்காக மேடை அருகே முண்டிய டித்து கொண்டு வந்தனர். அப்போது, அங்கிருந்த பாதுகாவலர்அவர்களை தடுத்ததால் திடீர் நெரிசல், தள்ளுமுள்ளு ஏற்பட்டது. இதில் சில பெண்கள் மயக்கமடைந்து கீழே விழுந்தனர். அவர்களுக்கு அருகில் இருந்தவர்கள் தண்ணீர் கொடுத்து ஆசுவாசப்படுத்தினர். மேலும் விழாவிற்கு வந்த குழந்தைகளும் கூட்ட நெரிசலில் சிக்கி கதறி அழுததால் பரபரப்பு ஏற்பட்டது.
ஒரு கட்டத்தில் நெரி சல் அதிகமாகவே தவெ கவினர், “நலத்திட்ட உதவிகள், உங்கள் வீட் டிற்கு வரும் கிளம்பு.. கிளம்பு”என அங்கிருந்த பெண்களை வெளியேற் றினர். அப்போது நலத் திட்ட உதவிகள் வாங்க வந்து வெறுங்கையுடன் திரும்பி செல்வதா என ஏமாற்றமடைந்த பெண் கள் மேடையில் ஏறி த.வெ.க. வினருடன் கடும் வாக்குவாதத்தில் ஈடு பட்டனர். இந்த களே பேரத்திற்கு மத்தியில் எம்எல்ஏ தங்கப்பாண் டியன் அனைத்து சம்ப வங்களையும் வேடிக்கை பார்த்தபடி அங்கிருந்து எஸ்கேப் ஆகி விட்ட தாக விழாவிற்கு வந்த பெண்கள் குற்றம்சாட்டினர். மேலும், அனைத்து நிகழ்வுகளையும் பார்த்த பிறகு கொஞ்ச நேரத்தில் கரூர் கூட்ட நெரிசல் போல் ஆகி விட்டதே. என பெண்கள் பேசி சென்றனர்.
ஆண் பாதுகாவலர்கள் அத்துமீறல்
விழாவில் மேடை ஏறும் படிக்கட்டுகளில் த.வெ.க. வினர் மற்றும் தனியார்ஆண் பாதுகாவலர்கள் நின்றுகொண்டு பெண்களின் கைகள் மட்டுமின்றி கண்ட இடங்களில் பிடித்து மேடைக்கு ஏற்றி விட்டனர். பெண்கள் அதிகளவில் கலந்து கொண்ட விழாவில் பெண் பாதுகாவலர்கள் நியமிக்கா மல் ஆண் பாதுகாவலர்களை நியமித்த தும், அவர்களும் பாதுகாப்பு என்ற பெயரில் பெண்கள் மீது விழுவதும், பெண்கள் இருக்கும் பகுதிகளுக்குள் செல்வதும் என அத்துமீறல்களில் ஈடுபட்டனர். இந்தச் செயல், விழாவிற்கு வந்திருந்த பெண்களை முகம் சுளிக்க வைத்ததுடன் பெரும் அதிருப்தியை ஏற்படுத்தியது.