திருப்பூர், ஜூலை. 9–
திருப்பூர் மாவட்டத்தின் பொறுப்பு அமைச்சராக அருண்ராஜ் நியமிக்கப் பட்ட பிறகு மாவட்டத்தின் அரசு பணிகள் மற்றும் மக்கள் குறைதீர்க்கும் நடவடிக்கைகளில் தொய்வு ஏற்பட்டுள்ளதாக புகார் எழுந்துள்ளது.
கடந்த சில வாரங்களுக்கு முன்பு திருப்பூர் மாவட்ட பொறுப்பு அமைச்சராக நியமிக்கப் பட்ட அவர், பொறுப்பேற்ற பின் ஒரே ஒரு முறை மட்டுமே மாவட்டத்திற்கு வந்து சென்றுள்ளார். அதன் பிறகு இதுவரை எந்தவொரு அதிகாரப்பூர்வ அரசு நிகழ்ச்சிகளிலோ, வளர்ச்சி பணிகள் குறித்த ஆய்வு கூட்டங்களில் கலந்து கொள்ளவில்லை. பின்னலாடை தொழிலின் தலைநகரமாகவும், புறநகர் பகுதிகளில் விவசாயமும் பிரதானமானதாக உள்ள நிலையில் தொழில் துறையினருக்கான தேவைகள், விவசாயிகளின் பாசன நீர் பிரச்னைகள், குடிநீர் தட்டுப்பாடு, மாநகர பகுதி முழுவதும் குப்பை
பிரச்சினை என மாவட்டத்திற்குள் ஏராளமான சவால்கள் நிலவி வருகின்றன. இத்தகைய இக்கட்டான சூழலில், மாவட்ட பொறுப்பு அமைச்சர் அடிக்கடி இங்கு வந்து, அதிகாரிகளை முடுக்கி விட்டு, குறைதீர்க்கும் கூட்டங் களை நடத்தி போர்க் கால அடிப்படையில் தீர்வுகளை காண வேண்டும் என்பதே அனைவரின் எதிர்பார்ப்பாக இருந்தது.
ஆனால், அமைச்சரின் தொடர் வருகையின்மையால் அரசு நிர்வாக ரீதியிலான முக்கிய முடிவுகள் எடுப்பதில் சுணக்கம் ஏற்பட்டுள்ளதாக சமூக ஆர்வலர்கள் குற்றம் சாட்டுகின்றனர். அமைச்சரின் இந்த தொடர் புறக்கணிப்புக்கு பின்னால்உள்ளூர் அரசியல் காரணங்கள் இருக்கலாமோ? என்ற சந்தேகமும் மக்கள் மத்தியில் எழுந்துள்ளது.
மாவட்டத்தில் உள்ள ஆளுங்கட்சி எம்.எல்.ஏக்கள் மற்றும் லோக்கல் நிர்வாகிகள் அமைச்சருக்கு முழுமையான ஒத்துழைப்பு வழங்க மறுக்கிறார்களா? அதன் காரணமாகவே மாவட்டத்திற் குள்வரும் அரசு நிகழ்வுகளை அமைச்சர் தவிர்க்கிறாரா? என்ற கேள்வியும் அரசியல் வட்டாரத்தில் சலசலப்பை ஏற்படுத்தியுள்ளது.
பொறுப்பு அமைச்சர் வெறும் பெயரளவில் மட்டும் இல்லாமல், மாவட்டத்தின் நலத்திட்டங்களை கண்காணிக்கும் முதன்மை பொறுப்பில் இருப்பவர். எனவே, திருப்பூர் மாவட்டத்தின் முக்கியத்துவத்தை கருதி, அமைச்சர் அருண்ராஜ் உடனடியாக தனது பணிகளை தீவிரப்படுத்த வேண்டும். திருப்பூர் மாவட்டத்தின் தொழில்மற்றும் விவசாய பிரச்சினைகளுக்கு முன்னுரிமை கொடுத்து, இங்கு முகாமிட்டு ஆய்வுக்கூட்டங்களை நடத்த வேண்டும் என்பதே மாவட்ட பொது மக்களின் கோரிக்கையாக உள்ளது.