சென்னை, ஜூலை 9 –
த.வெ.க. அரசிடமிருந்தும், அமைச்சர்களிடமிருந்தும் குழந்தைகளை பாதுகாக்க வேண்டிய மோசமான சூழலில் தமிழ்நாடு சிக்கியிருப்பது பெரும் மன வேதனையை தருவதாக முன்னாள் அமைச்சர் கீதா ஜீவன் கவலை தெரிவித்துள்ளார்.
இதுகுறித்து கீதா ஜீவன் வெளியிட்டுள்ள சமூக வலை தளப் பதிவில், உங்கள் ரீல்ஸ் வெறியை தீர்க்க குழந்தைகளை இரையாக்குவீர்களா? என்று த.வெ.க. அரசுக்கு கேள்வி எழுப்பியுள்ளார். அரசுப்பள்ளியை ஆய்வு செய்வதாகக் கூறிக்கொண்டு, த.வெ.க. அரசின் தொழிற்துறை அமைச்சர் கீர்த்தனா அரசுப்பள்ளியில் படிக்கும் ஒரு குழந்தையிடம் அராஜக போக்குடன் கேள்வி கேட்டு ஆசிரியர்களையும் அதட்டும் தொனியில் நடந்துகொண்ட விதம் கடும் கண்டனத்துக்குரியது என்று அவர் தெரிவித்துள்ளார். உங்கள் ரீல்ஸ் வெறியை தீர்த்துக் கொள்ள பள்ளி குழந்தைகளை பயன்படுத்துவதா? என்று த.வெ.க. அரசுக்கு அவர் சரமாரியாக கேள்வி எழுப்பியுள்ளார்.
அதுமட்டுமில்லாமல், லாஸ்ட் பென்ச் குழந்தைகள் நன்றாகப் படிக்க மாட்டார்கள் என்கிற பிற்போக்குத்தனமான சினிமா வசனங்களை பேசி அமைச்சர் கீர்த்தனா பொறுப்பற்ற முறையில் நடந்து கொண்டிருப்பதாகவும் அவர் கண்டனம் தெரிவித்துள்ளார். சரி எப்படியோ போங்க... உங்க பெருமையை பறைசாற்ற அந்த மாணவியை மன உளைச்சலுக்கு உள்ளாக்கும் உங்கள் ரீல்ஸ் தேவையா? ரீல்ஸ் போட வேண்டியது அவ்வளவு முக்கியமானதா? என்று முன்னாள் அமைச்சர் கீதா ஜீவன் வினவியுள்ளார்.
அமைச்சர் கீர்த்தனா வின் செயல் அருவருக்கதக்கதாகும். ஒரு குழந்தை யிடம் என்ன பேச வேண்டும்? என்று தெரியாதவர்கள்தான் த.வெ.க. அமைச்சரவையில் இடம்பெற்றி ருக்கிறார்கள் என்பது தமிழ்நாட்டுக்கே தலைகுனிவு என்று அவர் சாடியுள்ளார்.
குழந்தைகளை அரசிடமிருந்தும், அமைச்சர்களிடமிருந்தும் பாதுகாக்க வேண்டிய மோசமான சூழலில் தமிழ்நாடு சிக்கியிருப்பது பெரும் மன வேதனையை தருகிறது என்றும் முன்னாள் அமைச்சர் கீதா ஜீவன் கவலை தெரிவித்துள்ளார்.