#Title

தென்காசி மாவட்டம் குற்றாலநாதர் கோவிலில் சிறப்பு தரிசனத்திற்கு கட்டணம் வசூலிப்பதை ரத்து செய்க! தென்காசி மரு.கலை கதிரவன் எம்.எல்.ஏ.வலியுறுத்தல்!

தென்காசி, ஜூலை 9–

தென்காசி மாவட்டம் குற்றாலம் திருக்குற்றால நாதர் சுவாமி கோவிலில் இந்து சமய அறநிலையத் துறை சார்பாக திருக்குற்றா லநாதசுவாமி, குழல்வாய்மொழி அம்மன் மற்றும் பராசக்தி அம்மன் என ஒவ்வொரு சன்னதியிலும் சிறப்பு தரிசனம் செய்வதற்காக நபர் ஒருவருக்கு ரூபாய் 50 கட்டணம் வசூல் செய்வதற்கு தீர்மானிக்கப் பட்டது.இது தொடர்பாக ஆட்சேபனை கோரும் அறிவிப்பு வெளிவந்த நிலையில் பொதுமக்கள் மற்றும் பக்தர்கள் மத்தியில் கடும் அதிருப்தி உருவானதால் சிறப்பு தரிசனம் கட்டணத்தை ரத்து செய்ய வேண்டும்.என தென்காசி சட்டமன்ற உறுப்பினர் மரு.கலை கதிரவன் வலியுறுத்தி யுள்ளார்.

குற்றாலநாதர் கோவிலில் சிறப்பு தரிசன கட்டணத்தை ரத்து செய்ய வேண்டும் என்று தென்காசி சட்டமன்ற உறுப்பினர் மருத்துவர் கலை கதிரவனிடம் பொதுமக்கள் மற்றும் பக்தர்கள் கோரிக்கை வைத்தனர்.கோரிக்கை மனுவை பெற்றுக் கொண்ட சட்டமன்ற உறுப்பினர் மருத்துவர் கலை கதிரவன் உடனடியாக திருக்குற்றால நாதர் கோவில் உதவி ஆணையர் ஆறுமுகத்தை நேரில் சந்தித்து பக்தர்களின் வேண்டுகோளுக்கிணங்க பொது மக்கள் மற்றும் பக்தர்கள் நலன் கருதி கட்டணம் வசூலிக்க கொண்டு வரப்பட்ட தீர்மானத்தை ரத்து செய்ய வேண்டும் என்ற கோரிக்கை மனுவை கொடுத்தார்.

மனுவை பெற்றுக்கொண்ட உதவி ஆணையர் தற்காலிகமாக நிறுத்தி வைப்பதாக உத்தரவாதம் அளித்ததாக கலை கதிரவன் எம்.எல்.ஏ.தெரிவித்தார்.

இந்நிகழ்வில் குற்றாலம் பேரூர் செயலாளர் குட்டி, மாவட்ட இளைஞரணி அமைப்பாளர் டி.ஆர்.கிருஷ்ணராஜா, அறங்காவலர் குழு உறுப்பினர்கள் ஸ்ரீதர்,வீரபாண்டியன், பேரூர் துணை செயலாளர் மாரியப்பன், தகவல் தொழில்நுட்ப அணி ஜிம்.ஜெய்சங்கர்,8 வது வார்டுசெயலாளரும் ஒன்றிய பிரதிநிதியுமான குத்தா லிங்கம்,இளைஞர் அணி துணை அமைப்பாளர் விக்கி, மாவட்ட வர்த்தக அணி அமைப்பாளர் மா.முத்துக் குமார் மற்றும் கழகத்தினர் கலந்து கொண்டனர்.

திண்டுக்கல் - – கோவை தேசிய நெடுஞ்சாலையில் கோமங்கலம்புதூர் அருகில் புதியதாக அமைக்கப்பட்ட சுங்கச்சாவடியில் விதிக்கப்பட்டிருந்த கட்டணங்கள் பொதுமக்களை பாதிக்கும் வகையில் இருந்த காரணத்தினால் அனைத்து பொதுமக்களும் நாடாளுமன்ற உறுப்பினர், சட்டமன்ற உறுப்பினர்களையும் சந்தித்து கோரிக்கை வைத்ததை தொடர்ந்து நாடாளுமன்ற உறுப்பினர் கே.ஈஸ்வரசாமி, உடுமலை சட்டமன்ற உறுப்பினர் மு.ஜெயக்குமார் ஆகியோர் கோவை மாவட்ட ஆட்சித் தலைவர் சுங்கச்சாவடி கட்டணங்களை குறைத்து நிர்ணயம் செய்த பின்பு இந்த சுங்கச்சாவடி திறக்க வேண்டும் என கேட்டுக் கொண்டனர்.