சென்னை, ஜூலை9 –
கரூர் கொடும்துயர வழக்கு
சி.பி.ஐ. விசாரணையில் இருக்கும்போது முதலமைச்சர் விஜய் கரூர் செல்லவிருப்பதை கவனத்தில் கொள்ள வேண்டும் என்றும் –
சாட்சியங்களை அச்சுறுத்தும் வகையில் பேசிய ஆதவ் அர்ஜுனா மீது வழக்கு பதிவு செய்ய வேண்டும்
என்றும் – கரூர் சம்பவ விசாரணை கண்காணிப்புக்குழு மற்றும் சி.பி.ஐ.க்கு தி.மு.க. அமைப்புச்
செயலாளர் ஆர்.எஸ்.பாரதிமனு அளித்துள்ளார்.
அதன் விவரம் வருமாறு : –
கரூர் நெரிசல் சம்பவம் தொடர்பான வழக்கில் உச்ச நீதிமன்றத்தில் நடைபெற்ற விசாரணையைத் தொடர்ந்து, தி.மு.க. அமைப்புச் செயலாளர் ஆர்.எஸ். பாரதி, சி.பி.ஐ. விசாரணையை கண்காணிக்கும் ஓய்வுபெற்ற நீதிபதி அஜய் ரஸ்தோகி தலைமையிலான மேற்பார்வைக் குழுவிடம் மனு ஒன்றை அளித்துள்ளார். அதில், கரூர் கொடும்துயரால் பாதிக்கப்பட்ட குடும்பங்களுக்கு நிவாரண உதவிகளையும் நியமன ஆணைகளையும் வழங்க முதலமைச்சர் வரும் 10–ந் தேதி கரூர் செல்ல இருப்பதை சுட்டிக்காட்டி
யுள்ளார். முதலமைச்சரின் இந்த பயணத்தை கண்காணிக்க வேண்டும் என்றும், கரூர் வழக்கில் சாட்சியங்களின் தற்போதைய நிலையைஉறுதிப்படுத்திக் கொள்ளும்படி சி.பி.ஐ.விசாரணைக்குழுவிற்கு உத்தரவிட வேண்டும் என்றும் கண்காணிப்பு குழுவை ஆர்.எஸ்.பாரதி கேட்டுக்கொண்டுள்ளார். இதேபோல், ஆதவ் அர்ஜுனா கடந்த 2ம் தேதி பேசியது, கரூர் வழக்கில் அப்போதைய முதலமைச்சருக்கும், காவல்துறைக்கு
எதிரான கதையை கட்டமைப்பதாக இருந்தது என்று கூறியுள்ளார்.
சாட்சிகள் மீது செல்வாக்கு செலுத்துதல், தடுத்தல் மற்றும் தலையீடு செய்தல் ஆகிய செயல்களுக்காக ஆதவ் அர்ஜுனா மீது வழக்கு பதிவு செய்து விசாரிக்க சி.பி.ஐ.க்கு உத்தரவிட வேண்டும் என்றும் நீதியரசர் அஜய் ரஸ்தோகியை ஆர்எஸ்பாரதி கேட்டுக்கொண்டுள்ளார்.
சி.பி.ஐ.க்கு தி.மு.க. அமைப்புச்செயலாளர் ஆர்.எஸ்.பாரதி அளித் துள்ள மனுவில், கரூர் வழக்கில் குற்றம்சாட்டப்பட்டுள்ளஅமைச்சர் ஆதவ் அர்ஜுனா, இவ்வழக்கின் சாட்சியங்களை அச்சுறுத்தும் வகையிலும் சி.பி.ஐ. விசாரணைக்கு இடையூறு ஏற்படுத்தும் விதத்திலும் கடந்த 2ம் தேதி பேசி இருப்பதை குறிப்பிட்டுள்ளார்.
எனவே ஆதவ் அர்ஜுனா மீது வழக்கு பதிவு செய்து நடவடிக்கை எடுக்க வேண்டும் என்றும் தி.மு.க. அமைப்புச் செயலாளர் ஆர்.எஸ்.பாரதி, சி.பி.ஐ. வசம் அளித்துள்ள புகார் மனுவில் வலியுறுத்தியுள்ளார்.