சென்னை, ஜூலை 9 –

‘உங்களை மைதானத்தில் மீண்டும் காண ஆவல்’ என்றும் இந்திய கிரிக்கெட் முன்னாள் கேப்டன் எம்.எஸ்.தோனிக்கு பிறந்த நாள் வாழ்த்துகள் என்றும் கழகத் தலைவர் மு.க.ஸ்டாலின் அவர்கள் சமூக வலை தளப் பதிவில் தெரிவித்துள்ளார்.

கழகத் தலைவர் மு.க.ஸ்டாலின் அவர்கள், இந்திய கிரிக்கெட் முன்னாள் கேப்டன் எம்.எஸ்.தோனியின் பிறந்த நாளையொட்டி வெளியிட்ட வாழ்த்துச் செய்தி வருமாறு:–

‘கேப்டன் கூல்’ எம்.எஸ்.தோனி அவர்களுக்கு பிறந்த நாள் வாழ்த்துகள்.

விளையாட்டு மைதானத்தில் இருந்தாலும், வெளியே இருந்தாலும்உங்களின் நிதானம், தலைமைத்துவம் மற்றும் காலத்தால் மங்காத கவர்ச்சி இவைகள் கோடிக்கணக்கானவர்களுக்கு ஊக்கத்தை வழங்கி வருகின்றன.

உங்களை மீண்டும் விளையாட்டு தளத்தில் காணுகிற எதிர்பார்ப்பு இன்னும் மாறாத அதே உற்சாகத்துடன் இருக்கின்றது.

நீங்கள் நல்ல ஆரோக்கியத்துடனும், மகிழ்வாகவும் மேலும் பல்லாண்டு வெற்றிகளுடன் சிறக்கவும் வாழ்த்துகிறேன்.

இவ்வாறு கழகத் தலைவர்மு.க.ஸ்டாலின் அவர்கள் பதிவிட்டுள்ளார்.