திருவள்ளூர், ஜூலை 9 –-
திருவள்ளூர் மாவட்டம், திருத்தணி சட்டமன்றத் தொகுதிக்கு உட்பட்ட பள்ளிப்பட்டு மேற்கு ஒன்றியத்தில், தமிழக வெற்றி கழக ஒன்றிய செயலாளர் ரமேஷ் மற்றும் அவரது ஆதரவாளர்கள் அரசு பள்ளிகள் மற்றும் ஆரம்ப சுகாதார நிலையங்களில் அரசியல் சார்ந்த நடவடிக்கை களில் ஈடுபட்டதாகக் கூறப்படும் குற்றச்சாட்டு கள் அப்பகுதியில் விவாதத்தை ஏற்படுத்தியுள்ளன.
குற்றச்சாட்டுகளின்படி, அரசு பள்ளிகள் மற்றும் ஆரம்ப சுகாதார நிலையங்களுக்கு நேரடியாகச் சென்று தமிழ்நாடு முதலமைச்சரின் படங்களை வழங்கி, அவற்றை அரசு வளாகங்களில் பொருத்தியதாகவும், பின்னர் அந்த நிகழ்வுகளை சினிமா பாடல்களுடன் ரீல்ஸ் வடிவில் சமூக வலைதளங்களில் வெளியிட்டு அரசியல் விளம்பரமாக பயன்படுத்தியதாகவும் கூறப்படுகிறது.
மேலும், அரசு பள்ளி தலைமை ஆசிரியர்கள் மற்றும் ஆரம்ப சுகாதார நிலையங்களில் பணிபுரியும் செவிலியர்களுக்கு சால்வை அணிவித்து, அது அரசியல் பாராட்டு நிகழ்ச்சி போல காட்சிப்படுத்தப்பட்டதாகவும் குற்றச்சாட்டுகள் எழுந்துள்ளன. அரசு ஊழியர்கள் அரசியல் நடுநிலையுடன் செயல்பட வேண்டிய நிலையில், இத்தகைய நிகழ்வுகள் குறித்து பல்வேறு கேள்விகள் எழுந்துள்ளதாக உள்ளூர் மக்கள் தெரிவிக்கின்றனர்.
அரசு பள்ளிகளும், அரசு மருத்துவ நிலையங்களும் அனைத்து மக்களுக்கும் சொந்தமான பொது நிறுவனங்கள். அவற்றின் வளாகங்கள் எந்தக் கட்சியின் விளம்பரத்திற்கும் பயன்படுத்தப்படக்கூடாது என்பதே நிர்வாக நெறிமுறைகளின் அடிப்படை நோக்க மாகும். எனவே, அரசு நிறுவனங்களில் அரசியல் நடவடிக்கைகள் நடைபெற்றதாகக் கூறப்படும் குற்றச்சா ட்டுகள் உண்மையா என்பதை சம்பந்தப்பட்ட துறைகள் உடனடியாக ஆய்வு செய்ய வேண்டும் என்ற கோரிக்கை வலுத்துள்ளது.
அரசு நிறுவனங்கள் அரசியல் போட்டிக்கான களமாக மாறுகின்றன என்ற எண்ணமே பொதுமக்களின் நம்பிக்கையை பாதிக்கக்கூடும். இதுபோன்ற குற்றச்சாட்டுகள் எழும்போது, அவற்றை அலட்சியப்படுத்தாமல், வெளிப்படையான விசாரணை நடத்தி உண்மை நிலையை மக்களிடம் தெரிவிப்பது நிர்வாக த்தின் பொறுப்பாகும்.
எனவே, இந்த விவகாரம் தொடர்பாக கல்வித்துறை, சுகாதாரத்துறை மற்றும் சம்பந்தப்பட்ட அதி காரிகள் விரிவான விசாரணை மேற்கொள்ள வேண்டும். குற்றச்சாட்டு கள் ஆதாரங்களுடன் உறுதி செய்யப்பட்டால், விதிமுறைகளை மீறிய வர்கள் யாராக இருந்தாலும், அவர்கள் மீது உரிய ஒழுங்கு நடவடிக்கை எடுக்கப்பட வேண்டும் என்றும், எதிர்காலத்தில் அரசு நிறுவனங்கள் அரசியல் விளம்பர நடவடிக்கைகளுக்குப் பயன்படுத்தப்படாத வகையில் தெளிவான வழிகாட்டுதல்கள் அமல்படுத்தப்பட வேண்டும் என்றும் பொதுமக்கள் வலியுறுத்தியுள்ளனர்.