கரூர, ஜூலை 10-–
திராவிட மாடல் ஆட்சியின் வல்லுநர் குழு பரிந்துரைகளை பெற்று ஆணவ படுகொலையைத் தடுக்க கோரி தோழர் களம் சார்பில் கரூரில் ஆர்ப்பாட்டம் நடைபெற்றது.
ஆணவப் படுகொலைகளைத் தடுக்க தனிச்சிறப்பு சட்டம் இயற்றக் கோரி கண்டன ஆர்ப்பாட்டம் கரூர் வட்டார போக்குவரத்து அலுவலகம் முன்பு நடைபெற்றது.
ஆர்ப்பாட்டத்திற்கு தோழர்களம் கரூர் மாவட்ட செயலாளர் டைகர். ராஜூவ்காந்தி தலைமை வகித்தார். தலைமை நிலைய செயலாளர் தமிழன்.சு.கவின்குமார், மாநில அவைத்தலைவர் இரா.ராஜகோபால் ஆகியோர் முன்னிலை வகித்தனர்,
தோழர் களம் அமைப்பின் நிறுவனர் & தலைவர் தோழர்.தி.க.சண்முகம் துவக்கவுரை ஆற்றினார்.திராவிட இயக்கத் தமிழர் பேரவையின் மாநில துணைப் பொதுச்செயலாளர் தனகா.சு.நாகராசன் அவர்கள் மற்றும் தமிழ்நாடு சுற்றுச்சூழல் பாதுகாப்பு இயக்கம் ஒருங்கிணைப்பாளர் முகிலன் ஆகியோர் சிறப்புரை ஆற்றினர்,
இந்நிகழ்வில் திராவிடர் கழகம் கரூர் மாவட்ட தலைவர் குமாரசாமி, தந்தை பெரியார் திராவிட கழக மாவட்ட தலைவர் கு.கி.தனபால், ஆதித்தமிழர் கட்சியின் மாவட்ட செயலாளர் முருகேசன், மக்கள் கலை இலக்கியக் கழக மாவட்ட செயலாளர் அரசப்பன், சாமானிய மக்கள் நலக் கட்சி சண்முகம் ஆகியோர் கண்டன உரை
ஆற்றினார்கள்.
சமூக அரசியல் இயக்கங்களின் போராட்டங்கள், ஆர்ப்பாட்டங்கள், தொடர் பரப்புரைகள்தான் மக்களை அரசியல்படுத்தி சமூக இயங்கியலை நேர்படுத்திடும் கருத்துருவாக்கத்தை ஏற்படுத்த வல்லன. இதை ஆட்சியாளர்கள், குறிப்பாக காவல்துறையினர் உணர்ந்து மக்கள் நலன் சார்ந்த பிரச்சனைகளை பொது தளத்தில் சட்டத்திற்குட்பட்டு இயங்கிட அனுமதிக்க வேண்டும் என்கிற கோரிக்கையோடு,
ஜாதி ஆணவப் படுகொலைகளைத் தடுப்பதற்காகஜாதி ஆணவப் படுகொலைகளின் காரணங்களை ஆய்வு செய்தல். தனிச்சட்டம் இயற்றுவதற்கான பரிந்துரைகள் வழங்குதல்.
காவல்துறை, வருவாய்த்துறை, சமூகநலத்துறை உள்ளிட்ட அமைப்புகளுக்கான செயல்முறை வழிகாட்டுதல்களை பரிந்துரைத்தல் ஆகிய நோக்கங்களை முன்வைத்து, திராவிடமாடல் ஆட்சியின் முதலமைச்சர் முத்துவேல் கருணாநிதி ஸ்டாலின் அவர்களால் 2025 அக்டோபர் 18 அன்று நீதியரசர் கே.என்.பாஷா அவர்கள் தலைமையில் அமைக்கப்பட்ட வல்லுநர் குழுவின் பரிந்துரைகளைப் பெற்று அவற்றை நடைமுறைப்படுத்த அரசு உடனடியாக முன்வரவேண்டும்.
ஜாதி மறுப்பு இணையர்களின் வாரிசுகளுக்கு கல்வி, வேலைவாய்ப்பு மற்றும் சுயதொழில் கடனுதவிகள் ஆகியவற்றில் முன்னுரிமை வழங்கிட சிறப்பாக 10 விழுக்காடு இட ஒதுக்கீடு வழங்க வேண்டும் என்கிற கோரிக்கைகளையும் முன்வைத்து முழக்கங்களை எழுப்பினார்கள்.