திருக்கழுக்குன்றம், ஜூலை 10 –
திருக்கழுக்குன்றத்தில் அடிக்கடி மின்தடை ஏற்பட்டதால், பொதுமக்கள் மின்வாரிய அலுவலகத்தை முற்றுகையிட்டனர்.
திருக்கழுக்குன்றம் ஆயர்பாடி பகுதியில் உள்ள மின்மாற்றி பழுதடைந்தது. ஜூன் மாதம் 24ம் தேதி, அதை அகற்றிய மின்வாரியம், மீண்டும் பொருத்தவில்லை. வேறுபகுதியில் உள்ள மின்மாற்றியில் இருந்து மின் இணைப்பு வழங்கப்பட்டது.
இதனால் இரண்டு வாரமாக, அடிக்கடி மின்னழுத்த குறைவு, மின்வெட்டு என ஏற்பட்டு, பொதுமக்கள் அவதிக்குள்ளாகி வருகின்றனர்.
நேற்று முன்தினம் காலையில் இருந்தே மின்வெட்டு ஏற்பட்டு, இரவும் நீடித்தது. இதனால் ஆத்திரமடைந்த அப்பகுதி மக்கள், திருக்கழுக்குன்றம் மின்வாரிய அலுவலகத்தை, நேற்று முன்தினம் இரவு 7:45மணிக்கு முற்றுகையிட்டனர்.மின்வாரிய போர்மேன் உள்ளிட்ட ஊழியர்கள் நடவடிக்கை எடுப்பதாக உறுதியளித்ததைத் தொடர்ந்து கலைந்து சென்றனர்.