சென்னை, ஜூலை 10–
த.வெ.க. அரசு மகளிர் விடியல் பேருந்து பயணத்திலிருந்து விடியலை நீக்கியது தொடர்பாக தலைமைக் கழகச் செய்தித் தொடர்பு குழு தலைவர் டிகேஎஸ்.இளங்கோவன் அவர்களது பேட்டியில் இது மாற்றத்திற்கான ஆட்சியல்ல; வெறும் பெயர் மாற்றத்திற்கான ஆட்சி எனக் குறிப்பிட்டுள்ளார்.
முதல்வர் விஜய் கரூர் செல்லக் கூடாது என எங்குமே தி.மு.க. கூறவில்லை. எங்கள் மனுவில் ஒரு வரி, ஒருவார்த்தை கூட அவ்வாறு இல்லை
மாற்றத்திற்கான கட்சி என சொல்லிவிட்டு வெறும் பெயர் மாற்றத்திற்கான கட்சியாக ஆட்சிக்கு வந்துள்ளார்கள். திட்டங்களின் பெயரை மாற்றுவதுமட்டுமே நோக்கமாக வைத்துசெயல்பட்டு வருகிறார்கள். இவர்கள் அளித்த வாக்குறுதிகள் எதையும் நிறைவேற்ற வில்லை. விவசாயிகளுக்கு அளித்த வாக்குறுதியை முழுமையாக நிறைவேற்றா தததால் இன்று விவசாயிகள் வீதியில் இறங்கி போராடி வருகின்றனர். பலதரப்பட்ட மக்களும் அரசிற்கு எதிரான போராட்டத்தில் ஈடுபட்டு வருகின்றனர். இது சமூக மாற்றத்திற்கான ஆட்சி அல்ல பெயர் மாற்றத்திற்கான ஆட்சி.
விடியல் பேருந்து பயணத்தில் விடியலை நீக்கி உள்ளனர், நான் முதல்வன் திட்டத்தின் பெயரை மாற்றி உள்ளனர். இப்போதுள்ள திட்டங்கள் எல்லாம் எங்களுடைய தலைவரால் திராவிட முன்னேற்றக் கழக ஆட்சியில் கொண்டுவரப்பட்ட திட்டங்கள். அதன் பெயரை மட்டும் மாற்றி இவர்களுடைய திட்டம் போல காட்டிக்கொள்ளாம் என கருதுகிறார்களோ என்னவோ.
மேலும் முதல்வர் விஜய் கரூர் செல்வதை தி.மு.க. தடுக்கிறது என கூறினார்கள் எங்களுடைய வழக்கில் எங்காவது முதல்வர் விஜய் கரூர் செல்ல கூடாது என இருக்கிறதா.? அமைச்சர் ஆதவ் அர்ஜூனா எங்கள் மீது அபாண்டமான குற்றச்சாட்டை வைத்து பேசினார். ‘காவல்துறையை விட்டு கொன்று குவித்தனர்’ என வீண் பழியை சுமத்தினார். அவர் பேச்சிற்கு எதிராகத் தான் நீதிமன்றம் சென்றோமே தவிர முதல்வர் விஜய் கரூருக்கு செல்ல கூடாது என ஒரு வரி, ஒரு வார்த்தை கூட எங்கள் மனுவில் இல்லை.
இவ்வாறு டி.கே.எஸ்.இளங்கோவன் குறிப்பிட்டுள்ளார்.
காஞ்சிபுரம் தெற்கு மாவட்ட தி.முக. வழக்கறிஞர் அணி அமைப்பாளர்கள் துணை அமைப்பாளர்கள் ஆலோசனைக் கூட்டம், நாளை (11.07.2026 – சனிக்கிழமை) மாலை 4.00 மணியளவில் காஞ்சிபுரம் கலைஞர் பவளவிழா மாளிகையில் நடைபெற உள்ளது.
எனவே, இக்கூட்டத்தில் வழக்கறிஞர் அணி அமைப்பாளர்கள், துணை அமைப்பாளர்கள், நீதிமன்ற வழக்கறிஞர்கள், கழக வழக்கறிஞர்கள் அனைவரும் கலந்துக்கொண்டு சிறப்பிக்கும்படி கேட்டுக்கொள்கிறேன்.