சென்னை, ஜூலை 10–

‘‘எம்.எல்.ஏ.க்களை விலைக்கு வாங்­கு­வ­தில் மட்­டும் கவ­னம் செலுத்­தா­மல் கர்­நாடகாவி­ட­மி­ருந்து நமக்கு வர­வேண்­டிய காவிரி தண்­ணீ­ரைப் பெறு­வ­தில் த.வெ.க. அரசு கவ­னம் செலுத்த வேண்­டும்’’ என்று வலி­யு­றுத்தி சட்­ட­மன்ற எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் சமூக வலை­த­ளத்­தில் பதி­விட்­டுள்­ளார்.

மேலாண்மை வாரிய உத்­த­ர­வுப்­படி தமி­ழ­கத்­திற்கு கர்­நா­ட­கம் ஜூன் மாதத்­தில் 9.91 டி. எம்.சி. நீரும், இந்த (ஜூலை) மாதத்­தில் 32 டி.எம்.சி. நீரும் தந்­தி­ருக்க வேண்­டும். ஆனால் தர­வில்லை.

இது­கு­றித்து கர்­நா­டக நீர்ப் பாச­னத்­துறை மந்­திரி ராம­லிங்க ரெட்­டி கூறி­ய­தா­வது:-–

கர்­நா­ட­கா­வில் போதிய மழை இல்­லா­த­தால் அணை­கள் நிரம்­ப­வில்லை. எனவே தமி­ழ­கத்­துக்கு இப்­போ­தைக்கு நீர் தர இய­லாது.தமி­ழ­கத்­திற்கு நீர் தர வேண்­டும் என்று காவிரி மேலாண்மை வாரி­ய­மும் எங்­க­ளுக்கு உத்­த­ர­வி­ட­வில்லை. ஏனென்­றால் கர்­நா­ட­கா­வில் நீர் இல்லை என்­பது அவர் களுக்கே தெரி­யும். நீர் திறக்க வேண்­டும் என்று தமி­ழக அர சிடம் இருந்து கோரிக்கை வந்த தாக எனக்­குத் தெரி­ய­வில்லை.

ஜூன் மற்­றும் ஜூலை மாதத்­தில் தமி­ழ­கத்­துக்கு இவ்வளவு நீர் கர்­நா­ட­கம் தர வேண்­டும் என்று சொல்­லப்­பட்டாலும், எங்­க­ளி­டம் தரு­வ­தற்கு போதிய நீர் இல்லை. எப்போது தமி­ழ­கத்­துக்கு நீர் திறக்­கப்­ப­டும் என்று கேட்­டால், அது மழை பெய்­வதை வைத்து சொல்ல முடி­யும். இப்­போது வரை நல்ல மழை பெய்யவில்லை. இவ்­வாறு அவர் கூறி­னார்.

இது­தொ­டர்­பாகசட்­ட­மன்ற எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் சமூக வலை­த­ளத்­தில் கீழ்க்கண்­ட­வாறு பதி­விட்­டுள்­ளார்.

சட்­ட­மன்ற எதிர்க்­கட்­சித் தலை­வர் உத­ய­நிதி ஸ்டாலின் அவர்­களின் வலை­த­ளப் பதிவு வரு­மாறு:–

‘கர்­நா­ட­கத்­தில் இருந்து காவிரி நீரைத் திறந்து விட முடி­யாது’ என்­றும், ‘நீர்வேண்­டும் என தமிழ்­நாடு அரசுதரப்­பில் யாரும் கேட்­க­வில்லை’ என்­றும் அம்­மா­நில நீர்ப்­பா­சன அமைச்­சர் ராம­லிங்க ரெட்டி கூறி­யி­ருப்­பது, நம் விவ­சா­யி­கள் மத்­தி­யில் கடும் அதிர்ச்­சியை ஏற்­ப­டுத்திஇருக்­கி­றது.

ஏற்­க­னவே பயிர்க்­க­டன் தள்­ளு­படி என்ற பெய­ரில் விவ­சா­யி­களை ஏமாற்­றிய முத­ல­மைச்­சர், கர்­நா­டக அமைச்­ச­ரின் இந்­தப்­பேச்­சுக்கு என்ன பதில் வைத்­தி­ருக்­கி­றார்?

கழ­கத்­த­லை­வர் அவர்­க­ளின் ஆட்­சிக்­கா­லத்­தில், கடந்த 5 ஆண்­டு­கள் முழு­வ­தும், சரி­யாக ஜூன் 12 அன்று மேட்­டூர் அணை­யில் இருந்துகுறுவை சாகு­ப­டிக்­காக தண்­ணீர் திறந்து விடப்­பட்­டது. ஆனால்,இந்த ஆண்டு இன்று வரை மேட்­டூர் அணை­யில் இருந்து தண்­ணீர் திறக்­கப்­ப­ட­ வில்லை.

மேக­தாது அணைக் கட்­டும் கர்­நா­ட­கத்­தின் முயற்­சிக்கு எதி­ராக தமிழ்­நாடு சட்­டப்­பே­ர­வை­யில் சமீ­பத்­தில் தீர்­மா­னம் நிறை­வேற்­றப் பட்ட போது, அந்­தத் தீர்­மா­னத் தைத் தமிழ்­நாட்­டின் அனைத்­துக் கட்­சிப்­பி­ர­தி­நி­தி­க­ளும் ஒன்­றா­கச் சென்று ஒன்­றிய அர­சி­டம் வழங்க வேண்­டும் என்று கூறி­யி­ருந் தேன்.

காவிரி மேலாண்மை வாரி­யத்­தின் தீர்ப்­பின்­படி, ஜூன் மாதம் வழங்க வேண்­டிய 9.91 TMC தண்­ணீரை கர்­நா­ட­கம் திறக்­கா­தது குறித்­தும் பேசி இருந்­தேன்.

இதற்­கெல்­லாம் முத­ல­மைச்­சர் பதில் ஏதும் சொல்­லாத நிலை­யில், தற்­போது ஜூலை மாதம் தர வேண்­டிய 32 TMC தண்­ணீ­ரை­யும் கர்­நா­ட­கம் தர மறுக்­கி­றது.

ஆளுங்­கட்­சி­யு­டன் திடீர் கூட்­டணி அமைத்­தி­ருக்­கும் கட்­சி­யின் ஆட்சி நடை­பெ­றும் கர்­நா­ட­கத்­திடம் இருந்து, தமிழ்­நாட்­டுக்­குச் சேர வேண்­டிய தண்­ணீரை முத­ல­மைச்­சர் கேட்­டுப்­பெற வேண்­டும்.

எம்.எல்.ஏ.க்களை வாங்­கு­வதில் மட்­டும் கவ­னம் செலுத்­தா­மல், கர்­நா­ட­கா­வி­டம் இருந்துநமக்கு வர வேண்­டிய தண்­ணீரைவாங்­கு­வ­தில் கவ­னம்செலுத்த வேண்­டும்.

இவ்­வாறு அப்­ப­தி­வில் சட்­ட­மன்ற எதிர்க்­கட்­சித் தலை­வர் உத­ய­நிதி ஸ்டாலின் அவர்­கள் தெரி­வித்­துள்­ளார்.