சென்னை, ஜூலை 10–

டிவிகே (TVK) தேர்­தல் அறிக்­கை­யில் அளித்த வாக்­கு­று­தி­யின்­படி, தமிழ்­நாடு முழு­வ­தும் டாஸ்­மாக் நிறு­வ­னத்­தின் 717மது­பா­னக் கடை­கள் மூடப்­பட்­டுள்­ளன. ஆனால், மூடப்­பட்­டுள்ள கடை­கள் முத­லில் மூடு­வ­தற்­காக அடை­யா­ளம் காணப்­பட்ட கடை­கள் அல்ல என்­பதே சிக்­கல்.

இதன் கார­ண­மாக, கல்வி நிறு­வ­னங்­கள் மற்­றும் வழி­பாட்­டுத் தலங்­க­ளுக்கு அரு­கில் உள்ள பல டாஸ்­மாக் கடை­கள் இன்­னும் தொடர்ந்து செயல்­பட்டு வரு­கின்­றன. வட­சென்­னை­யில் மட்­டும் பள்­ளி­கள் மற்­றும் கோயில்­க­ளி­லி­ருந்து 500 மீட்­ட­ருக்­குள் குறைந்­த­பட்­சம் ஐந்து டாஸ்­மாக் கடை­கள் இயங்கி வரு­கின்­றன.

சுங்­கு­ராம செட்டி தெரு­வில் உள்ள கடை எண் 111, செயிண்ட் கொலம்­பாஸ் பள்ளி மற்­றும் செயிண்ட் மேரிஸ் பள்ளி ஆகி­ய­வற்­றி­லி­ருந்து 200 மீட்­ட­ருக்­குள் உள்­ளது. கடை எண் 99, புகழ்­பெற்ற காளி­காம்­பாள் கோயி­லி­லி­ருந்து 150 மீட்­டர் தொலை­வி­லேயே உள்­ளது. கடை எண் 131, மண்­ணடி மெட்ரோநிலை­யம் அரு­கி­லுள்ள பள்­ளி­வா­ச­லுக்கு மிக அரு­கில் உள்­ளது.

அதே­போல், கடை எண் 112, ஜார்ஜ் டவு­னில் உள்ள மீசி பள்­ளி­யி­லி­ருந்து 300 மீட்­ட­ருக்­குள் அமைந்­துள்­ளது. கடை எண் 134, ஜிஎம்­டி­டிவி (GMTTV) பள்­ளி­யி­லி­ருந்து 300 மீட்­டர் தொலை­வில் உள்­ளது.

இத்­த­கைய விதி­மீ­றல்­கள் சென்னை நக­ரம்மற்­றும் அதன் புற­ந­கர் பகு­தி­க­ளில் பர­வ­லாக இருப்­ப­தா­கக் கூறப்­ப­டு­கி­றது. இந்­தக் கடை­களை மூடு­மாறு, மாவட்டஆட்­சி­யர், டாஸ்­மாக் மாவட்ட மேலா­ளர்­கள் மற்­றும் உள்­ளூர் மக்­கள் பிர­தி­நி­தி­க­ளி­டம் குடி­யி­ ருப்­போர் கோரிக்கை விடுத்­துள்­ள­ னர்.

ஆரம்­பத்­தில், பள்­ளி­கள் மற்­றும் கோயில்­க­ளுக்கு அரு­கி­லுள்ள கடை­களை வேறு இடங்­க­ளுக்கு மாற்­றத் திட்­ட­மி­டப்­பட்­டி­ருந்­தா­லும்,அதில் இது­வரை எந்த முன்­னேற்றமும் இல்லை.